Jeremaea 48:32 - Pijin Bible

³² Bae mi sore an krae moa fo olketa blong taon long Sibma, winim mi bin krae fo olketa blong taon long Jasa long Amon. Sibma, hemi wanfala gudfala taon wea hemi olsem bikfala grep tri wea olketa branis blong hem i grou longfala tumas, wea samfala go akros long Ded Si, an samfala go-go kasem Jasa. Bat olketa enemi i kam spoelem olketa gaden an olketa grep tri blong yufala, mekem yufala no save tekemaot eni kaikai long hem.

Pijin Deuterocanon

³² Bae mi sore an krae moa fo olketa blong taon long Sibma, winim mi bin krae fo olketa blong taon long Jasa long Amon. Sibma, hemi wanfala gudfala taon wea hemi olsem bikfala grep tri wea olketa branis blong hem i grou longfala tumas, wea samfala go akros long Ded Si, an samfala go-go kasem Jasa. Bat olketa enemi i kam spoelem olketa gaden an olketa grep tri blong yufala, mekem yufala no save tekemaot eni kaikai long hem.

Jeremaea 48:32 Iomraidhean Croise

Jeremaea 40:10

Mi tu bae mi stap long Mispa, an taem olketa blong Babilonia i kam long enikaen bisnis, bae mi nao toktok wetem olketa. Bat yufala save gohed fo wakem waen, an yufala save gohed fo tekemaot olketa frut long olketa tri, an yufala save gohed fo wakem oliv oel, an yufala save stoarem evrisamting ya long haos blong yufala. An yufala save gohed fo stap gudfala long olketa vilij ya wea yufala stap long hem.”

Jeremaea 48:15

Moab wetem olketa taon blong hem, olketa enemi ya bae i kam spoelem olketa finis, an olketa nambawan yang man bae i dae evriwan.” Hem nao mesij blong King wea nem blong hem nao Yawe hu hemi garem evri paoa.

Jeremaea 48:18

“Yufala pipol blong taon long Dibon. Yufala kamdaon from olketa hae ples blong yufala, mekem yufala sidaon long graon bikos olketa enemi bae mekful long yufala. Olketa enemi hu hemi spoelem Moab, bae i go antap fo kasem taon blong yufala, an spoelem strongfala wolston raonem hem.

Jeremaea 48:8

Bae olketa enemi kam spoelem olketa taon blong yufala, an bae evriwan ya bae olketa kamap nogud. Olketa graon insaet long vali an olketa graon antap long hil, bae olketa enemi ya i spoelem evriwan, barava olsem mi Yawe bin talem olketa.

Nambas 21:32

Mosis hemi sendem samfala man fo luksave long taon long Jasea. Bihaen, ami blong Israel i go ronemaot olketa laen blong Amoa long Jasea, an olketa tekova long taon ya wetem olketa vilij wea i stap raonem.

Nambas 32:1

Oraet, traeb blong Ruben, an traeb blong Gad olketa garem plande animol. An olketa lukim dat olketa ples long Gilead, an raonem taon long Jasea i gudfala ples fo fidim animol.

Nambas 32:3

“Disfala lan wea Yawe hemi winim fo yumi blong Israel hemi fitim olketa animol. Ating olketa lan long Atarot, an Dibon, an Jasea, an Nimra, an Hesbon, an Eleale, an Sebam, an Nebo, an Beon, hemi gud tumas fo olketa animol, an yu save, mifala garem plande animol tumas.

Nambas 32:35

an Atrot-Sofan, an Jasea, an Jogbeha,

Nambas 32:38

an Nebo, an Baal-Meon, an Sibma. An taem olketa wakembaek finis olketa taon ya, olketa givim niufala nem long olketa.

Josua 13:19

an Kiriataem, an Sibma, an Seretsaha wea hemi stap long saet hil kolsap long Ded Si,

Josua 13:25

Disfala eria hemi go kasem taon long Jasea an hemi go moa kasem evri taon insaet long eria olketa kolem Gilead. Haf long lan blong Amon wea hemi go olowe go-go kasem taon ya long Aroa wea i stap ist long Raba, hemi stap insaet long lan ya.

Josua 21:39

an Hesbon, an Jasea.