Jeremaea 48:21 - Pijin Bible

²¹ “Olketa taon blong Moab, wea i long bikfala flat eria antap long olketa maonten, bae mi panisim olketa. Olketa taon ya nao i Holon, an Jasa, an Mefaat,

Pijin Deuterocanon

²¹ “Olketa taon blong Moab, wea i long bikfala flat eria antap long olketa maonten, bae mi panisim olketa. Olketa taon ya nao i Holon, an Jasa, an Mefaat,

Jeremaea 48:21 Iomraidhean Croise

Aesaea 15:4

Long tufala taon long Hesbon an Eleale, olketa pipol i gohed fo krae bikfala. Olketa pipol wea i stap kam long olketa ples raonem tufala taon ya, go-go kasem taon long Jahas wea hemi stap farawe, olketa save herem kam bikfala noes long krae blong olketa. Nomata olketa soldia blong Moab, olketa fraet tumas an seksek fogud taem olketa herem bikfala krae ya.

Jeremaea 48:22

an Dibon, an Nebo, an Bet-Diblataem,

Jeremaea 48:34

“Noes long bikfala krae blong olketa, pipol long Hesbon, an long Eleale, an long Jahas i save herem. An olketa pipol long Soa, an long Horonaem, an long Eglat-Selisia, olketa tu save herem. An smolfala riva long Nimrim tu, bae hemi kamap barava drae.

Jeremaea 48:8

Bae olketa enemi kam spoelem olketa taon blong yufala, an bae evriwan ya bae olketa kamap nogud. Olketa graon insaet long vali an olketa graon antap long hil, bae olketa enemi ya i spoelem evriwan, barava olsem mi Yawe bin talem olketa.

Esikiel 25:9

Bikos olketa tok olsem, bae mi letem olketa enemi fo kam faetem evri nambawan taon blong olketa. Bae mi letem olketa enemi fo barava spoelem olketa taon long Bet-Jesimot, an Baal-Meon, an Kiriataem wea i stap olsem baondri fo blokem disfala kantri.

Nambas 21:23

Bat Paramaon Sif Sihon hemi nating letem olketa fo gotru long eria blong hem. Hemi kolem olketa soldia blong hem fo kam tugeta. Den olketa wakabaot kam long ples long Jahas long drae eria fo faetem pipol blong Israel.

Nambas 32:38

an Nebo, an Baal-Meon, an Sibma. An taem olketa wakembaek finis olketa taon ya, olketa givim niufala nem long olketa.

Josua 13:17

Plande taon nao hemi stap long flat ples ya. Olketa taon ya nao Hesbon, an Dibon, an Bamot-Baal, an Betbalmeon,

Josua 13:18

an Jahas, an Kedemot, an Maefat,