Jeremaea 46:3 - Pijin Bible

^3-4 Profet hemi tok olsem, “Olketa komanda blong Ijip i singaot bikfala olsem long ami blong olketa, ‘!Redim sil! !Sapanem spia! !Werem olketa kaleko fo faet, wetem olketa hat fo faet! !Redim olketa hos an sidaon antap long olketa! !Yumi goaot fo faet!’

Pijin Deuterocanon

^3-4 Profet hemi tok olsem, “Olketa komanda blong Ijip i singaot bikfala olsem long ami blong olketa, ‘!Redim sil! !Sapanem spia! !Werem olketa kaleko fo faet, wetem olketa hat fo faet! !Redim olketa hos an sidaon antap long olketa! !Yumi goaot fo faet!’

Jeremaea 46:3 Iomraidhean Croise

Aesaea 21:5

Long datfala spesol drim, mi lukim dat olketa redim wanfala bikfala kaikai. An olketa redim finis tu olketa mat fo sidaon long hem. Taem olketa gohed fo kaikai an dring, seknomoa, wanfala bikman hemi singaot bikfala olsem nao, “!Yufala olketa sif blong ami! !Yufala stanap an go fo redim olketa sil blong yufala!”

Jeremaea 46:14

“Jeremaea. Yu go long Ijip, an talemaot long olketa long trifala taon long Migdol, an Memfis, an Tapanes. Yu tok olsem: !Mekredi fo faet! Distaem, naef fo faet blong olketa enemi hemi gohed fo kilim dae pipol raonem yufala.

Joel 3:9

(Profet) !Yufala long evri kantri! !Redim yufala seleva fo faet! Kolem evri soldia blong yufala fo kam tugeta an redi fo faet.

Neiham 2:1

(Profet) !Olketa pipol blong Nineve! Olketa enemi hu i garem paoa fo spoelem yufala finis i kam nao fo faet agensim yufala. !Yufala mas putum olketa soldia antap long wolston blong taon ya! !Yufala mas gadem rod! !Yufala mas redim ami blong yufala fo faet!

Neiham 3:14

Distaem, yufala mas redim olketa samting fo faet wea bae hemi gohed fo longtaem. Bae olketa enemi i raonem taon blong yufala, mekem yufala no save kamaot. Yufala mas tekem plande wata insaet fo dring. Yufala mas tekem red graon, an step long hem mekem hemi kamap sof fo wakem olketa brik. An yufala mas mekem olketa strongfala sefples blong yufala fo kamap strong moa.