Jeremaea 46:20 - Pijin Bible

²⁰ “Kantri long Ijip hemi gudfala tumas. Hemi olsem wanfala woman buluka wea hemi fat fogud. Bat wanfala bikfala sanflae nao hemi kamaot long not fo baetem hem.

Pijin Deuterocanon

²⁰ “Kantri long Ijip hemi gudfala tumas. Hemi olsem wanfala woman buluka wea hemi fat fogud. Bat wanfala bikfala sanflae nao hemi kamaot long not fo baetem hem.

Jeremaea 46:20 Iomraidhean Croise

Jeremaea 1:14

Yawe hemi tok olsem long mi, “Olsem barava hotwata long disfala sospen, bae barava bikfala trabol hemi kamaot long not wea bae hemi kasem evriwan hu i stap long disfala lan.

Jeremaea 25:9

bae mi mekem olketa pipol blong olketa kantri long not wetem wakaman blong mi King Nebukadnesa blong Babilonia, fo kam faet agensim disfala lan long Jiuda wetem evri pipol wea i stap long hem, an agensim tu pipol blong olketa kantri wea i stap raonem yufala. Bae mi spoelem olketa ya fogud fo evritaem olowe. An evri pipol hu i gotru long olketa lan ya bae i tokspoelem hem. Bae i seke fogud an toknogud long hem.

Jeremaea 46:10

“Bat nomata olketa redim olketa olsem, datfala de fo jaj hemi blong Lod Yawe hu hemi garem evri paoa. De ya nao hemi de wea bae hemi sensimbaek olketa nogud samting wea olketa enemi blong hem bin mekem. Bikfala naef fo faet blong hem bae hemi olsem wael animol wea hemi kaikaim olketa, go-go hemi fulap, an hemi dringim blad blong olketa, go-go hemi garem naf. Ya, kolsap long Yufretis Riva long not, Lod Yawe hu hemi garem evri paoa hemi kilim olketa dae, olsem wea hemi mekem bikfala sakrifaes wea evriwan save mekem fist blong hem.

Jeremaea 46:24

Olketa pipol long not i kam an winim olketa blong Ijip, mekem olketa sem tumas.” Hem nao mesij blong Yawe.

Jeremaea 46:6

Olketa hu i save ran kuiktaem no save ranawe. Olketa hu i strong fogud no save haed. Kolsap long Yufretis Riva long not, olketa wikdaon, mekem olketa foldaon nomoa.” Hem nao mesij blong Yawe.

Jeremaea 47:2

Yawe nao hemi tok olsem, “!Lukim kam! Olketa enemi i hipap kam long not, olsem bikfala flad. Bae olketa kavaremap disfala lan, wetem evrisamting wea hemi stap long hem. Bae olketa kavaremap olketa taon, wetem olketa pipol wea i stap long olketa. Olketa pipol ya bae i singaot bikfala fo help, an olketa hu i stap long lan bae i kraeaot tumas,

Jeremaea 50:11

Yawe hemi gohed fo tok olsem, “Olketa blong Babilonia. Bifoa, taem yufala winim pipol blong mi, an tekemaot evri gudfala samting blong olketa, yufala hapi tumas olsem yangfala mere buluka wea hemi jam olobaot fo hapi taem hemi step long hed blong wit fo klinimaot olketa sid blong wit ya. Ya, yufala bin gohed fo laf olsem strongfala man hos wea hemi singaot fo hapi.

Hosia 10:11

“Fastaem, wei blong olketa olo long Israel hemi gud tumas. Hemi olsem wanfala mere buluka wea hemi redi fo duim isi waka fo step long wit fo aotem skin long hem. Bat mi putum strap raonem nek blong hem, mekem hemi wakahad moa. Olketa blong Jiuda nao bae i olsem buluka wea hemi pulum plao fo brekem graon. An olketa blong Israel tu bae i olsem buluka wea hemi kam bihaen, an hemi pulum narafala aean moa fo mekem graon ya hemi sof gudfala.