Jeremaea 46:17 - Pijin Bible

¹⁷ Bae olketa givim niufala nem long king blong Ijip olsem, ‘Bikmaos wea Hemi Mistim Sans blong Hem.’

Pijin Deuterocanon

¹⁷ Bae olketa givim niufala nem long king blong Ijip olsem, ‘Bikmaos wea Hemi Mistim Sans blong Hem.’

Jeremaea 46:17 Iomraidhean Croise

1 Kings 20:10

Oraet, Ben-Hadad hemi sendem narafala mesij long King Ehab olsem, “Bae mifala kam spoelem Samaria. An mifala bae brekem evri haos blong yufala, go-go lelebet dast nomoa bae i stap fo mifala karimaot. An mi talem stret long yu, sapos mi no duim samting ya, letem olketa god kilim mi dae.”

1 Kings 20:11

Bat king blong Israel hemi talem olketa fo tok long King Ben-Hadad olsem, “Soldia wea hemi jes stat fo faet hemi no save tokpraod olsem soldia hu hemi bin winim faet finis.”

1 Kings 20:18

So King Ben-Hadad hemi tok olsem, “Hemi gud. Maet olketa kam fo mekem faet o fo mekem piis. Nomata, yufala go kasholem olketa, bat yufala no kilim olketa dae.”

Eksodas 15:10

Bat yu blou go antap long olketa ya, nao si ya i kavaremap olketa evriwan. Olketa evriwan i singdaon long solwata, olsem led blong huk hemi godaon.

Eksodas 15:9

“Enemi blong mifala i tok olsem, ‘!Bae mi aftarem olketa! !Bae mi kasholem olketa! Bae mi kilim olketa dae long naef fo faet, an bae mi barava winim olketa. Bae mi divaedem evrisamting blong olketa ya long olketa pipol blong mi, an bae mi kipim olsem wea mi laekem.’

Eklesiastes 3:1

Evrisamting hemi kamap long barava taem blong hem. An evrisamting yumi duim hemi save hapen nomoa long taem blong hem.

Aesaea 31:3

Olketa pipol blong Ijip i man nomoa ya, olketa i no god. An olketa hos blong olketa i animol nomoa ya, olketa save dae tu. Long taem wea Yawe bae hemi somaot paoa blong hem an hemi spoelem finis olketa pipol blong Ijip long faet, bae hemi spoelem olketa hu i trastem olketa pipol ya long Ijip. Ya, bae Yawe hemi spoelem tufala ya finis.

Esikiel 29:3

Yu talem olketa dat mi Lod Yawe nao mi tok olsem: !King blong Ijip! Mi nao mi agensim yu. Yu olsem wanfala bikfala krokodael wea hemi gohed fo slip long botom blong Nael Riva. An yu gohed fo tok olsem, ‘!Riva ya hemi blong mi nao! !Mi nao mi mekem fo mi seleva!’

Esikiel 31:18

“King blong Ijip. Yu wetem pipol blong yu garem paoa, an no eniwan hemi strong olsem yufala. Yufala olsem disfala bik tri ya, an no eni tri long Iden hemi grou hae, o luknaes nomoa olsem yufala. Bat nomata olsem, bae yufala tu godaon nomoa long graon wetem olketa hu i dae olsem wael animol an olketa hu i dae long faet. Olketa semsamting wea hemi kasem Asiria, bae hemi kasem yufala tu. “Hem nao mesij blong mi Lod Yawe.”