Jeremaea 46:15 - Pijin Bible

¹⁵ ?Waswe nao disfala bikfala god blong yufala, Apis, hemi foldaon? ?Hao nao disfala kaving long strongfala man buluka no save stanap? !Yawe nao hemi daonem hem!

Pijin Deuterocanon

¹⁵ ?Waswe nao disfala bikfala god blong yufala, Apis, hemi foldaon? ?Hao nao disfala kaving long strongfala man buluka no save stanap? !Yawe nao hemi daonem hem!

Jeremaea 46:15 Iomraidhean Croise

Sams 18:14

Hemi sut long olketa aro blong hem, nao olketa enemi blong hem i ranawe olobaot. An hemi sendem kam laetning, an hemi mekem olketa evriwan i ranawe nao.

Sams 18:39

Yu nao bin mekem mi strong fo faet, mekem mi winim olketa enemi blong mi.

Sams 44:2

Olketa talem dat yu nao yu ronemaot olketa hiden pipol an yu mekem olketa pipol blong yu fo stap long lan blong olketa. Yu spoelem olketa ya, mekem olketa pipol blong yu fo garem plande samting.

Sams 68:1

Hemi gud tumas sapos God hemi kam long paoa blong hem fo ronemaot olketa enemi blong hem. Ya, hemi gud tumas sapos God hemi mekem olketa hu i heitem hem fo ranawe.

Sams 68:2

Hemi gud tumas sapos God hemi ronemaot olketa ya, olsem smok wea win hemi bloum go. Ya, hemi gud tumas sapos olketa enemi ya i lus finis long ae blong God, olsem kandol wea hemi kamap olsem wata nating insaet long bikfala faea.

Eksodas 6:1

Nao Yawe hemi tok olsem long Mosis, “Kuiktaem bae yu lukim samting wea bae mi duim long king blong Ijip. Bae mi yusim bikfala paoa blong mi agensim hem, mekem hemi letem nomoa olketa pipol blong mi fo go fri. Ya, bae hemi ronem olketa aot from kantri blong hem.”

Jeremaea 46:21

Olketa soldia blong narafala kantri wea yufala peim olketa fo faet, i olsem yang buluka wea i fat fogud. Taem enemi i kam, olketa no save stanap strong, nao olketa ranawe nomoa. De blong bikfala trabol hemi kam fo kasem olketa. Ya, taem fo panisim olketa hemi kam.

Jeremaea 46:5

“?Bat wanem samting ya? Mi lukim olketa soldia ya blong Ijip i fraet tumas. Olketa ranawe gobaek. Olketa enemi i winim olketa. Olketa resis gobaek kuiktaem, an olketa no luk kambaek nao, bikos olketa plande samting fo mekem olketa fraet fogud, hemi stap evriwea raonem olketa.

Diutronomi 11:23

Nao sapos yufala barava duim olsem, oraet, nomata olketa laen blong pipol long lan i strong moa winim yufala, Yawe bae hemi ronemaot olketa taem yufala go fo faetem olketa.