Jeremaea 45:2 - Pijin Bible

² “Baruk. Yawe hu hemi God blong Israel, hemi tok long yu olsem:

Pijin Deuterocanon

² “Baruk. Yawe hu hemi God blong Israel, hemi tok long yu olsem:

Jeremaea 45:2 Iomraidhean Croise

Aesaea 63:9

Taem blong trabol, Yawe hemi sore long olketa, an hem seleva nao hemi sevem olketa. Hemi lavem olketa tumas, an hemi sore tumas long olketa, dastawe nao hemi sevem olketa an hemi mekem olketa fo kamap fri. Stat kam bifoa yet, hem nao hemi gohed fo lukaftarem olketa,

Jeremaea 45:1

Hem ya nao Mesij blong Yawe wea hemi talemaot long Profet Jeremaea abaotem Baruk, san blong Neraea. Long taem wea King Jehoeakim, san blong King Josaea, hemi gohed fo rul long Jiuda, long mekfoa yia blong hem, Profet Jeremaea hemi gohed fo talemaot olketa toktok blong Yawe long Baruk, an hemi gohed fo raetemdaon long wanfala buk. Bihaen, profet hemi tok olsem long hem,

Jeremaea 45:3

Yu bin gohed fo komplen olsem, ‘!O, mi givap nao! Mi barava filnogud tumas, an Yawe hemi gohed fo mekem trabol long mi moa. Mi krae tumas go-go mi taet fogud nao, an mi no save res.’

Gudnius abaotem Jisas Kraes wea Mak hemi raetem 16:7

Nao yufala mas gobaek fo talem nius ya long Pita an olketa nara disaepol moa. An talem olsem long olketa, ‘Jisas hemi go fastaem long yufala long Galili nao. An long ples ya nao bae yufala save lukim hem, olsem hemi talem finis long yufala.’”

2 Korin 1:4

Hem nao hemi strongim tingting blong mifala long taem blong enikaen trabol. Long wei ya, mifala save strongim tingting blong olketa nara pipol hu i garem enikaen trabol, long sem wei wea God hemi duim long mifala.

2 Korin 7:6

Bat nomata olsem, God hu hemi save strongim tingting blong olketa hu i sore, hemi mekem mifala fo hapi moa taem Taetas hemi kam.

Hibrus 2:18

Hemi bin safa tumas, an Seitan hemi bin traehad fo mekem hem fo duim olketa rong samting. Dastawe nao hemi save helpem olketa pipol wea Seitan hemi traehad fo mekem olketa fo duim olketa rong samting tu.

Hibrus 4:15

An Haeprist blong yumi ya hemi savegud long hao yumi save wik tumas. Bikos evrisamting wea i traem yumi, olketa i traem hem finis tu. Bat nomata olsem, no enitaem nao Jisas hemi duim enisamting wea hemi rong.