Jeremaea 45:1 - Pijin Bible

¹ Hem ya nao Mesij blong Yawe wea hemi talemaot long Profet Jeremaea abaotem Baruk, san blong Neraea. Long taem wea King Jehoeakim, san blong King Josaea, hemi gohed fo rul long Jiuda, long mekfoa yia blong hem, Profet Jeremaea hemi gohed fo talemaot olketa toktok blong Yawe long Baruk, an hemi gohed fo raetemdaon long wanfala buk. Bihaen, profet hemi tok olsem long hem,

Pijin Deuterocanon

¹ Hem ya nao Mesij blong Yawe wea hemi talemaot long Profet Jeremaea abaotem Baruk, san blong Neraea. Long taem wea King Jehoeakim, san blong King Josaea, hemi gohed fo rul long Jiuda, long mekfoa yia blong hem, Profet Jeremaea hemi gohed fo talemaot olketa toktok blong Yawe long Baruk, an hemi gohed fo raetemdaon long wanfala buk. Bihaen, profet hemi tok olsem long hem,

Jeremaea 45:1 Iomraidhean Croise

2 Kings 24:1

Long taem wea Jehoeakim hemi king yet long Jiuda, King Nebukadnesa blong Babilonia hemi kam faet fo tekova long Jiuda. Den King Nebukadnesa hemi fosim Jehoeakim fo kamap olsem wakaman blong hem. Bat bihaen long mektri yia, King Jehoeakim hemi agensim Nebukadnesa.

2 Kronikols 36:5

Long taem Jehoeakim hemi kamap king long Jiuda, hemi kasem tuenti-faev yia. An hemi king long Jerusalem fo levenfala yia. King ya hemi duim olketa nogud samting long ae blong Yawe hu hemi God blong hem.

Jeremaea 25:1

Long mekfoa yia wea King Jehoeakim, san blong King Josaea, hemi gohed fo rul long Jiuda, Yawe hemi talemaot Mesij blong hem abaotem olketa pipol blong Jiuda long Jeremaea. Hem ya nao mekwan yia wea King Nebukadnesa hemi rul long Babilonia.

Jeremaea 26:1

Long taem wea King Jehoeakim, san blong King Josaea, hemi king blong Jiuda fo sot taem nomoa, Yawe hemi talemaot Mesij blong hem long Jeremaea. An Jeremaea hemi talemaot disfala Mesij olsem,

Jeremaea 32:12

an mi givim go long Baruk, san blong Neraea hu hemi san blong Maasea. Kasin blong mi Hanamel, an olketa witnes ya hu i saenem pepa ya, an olketa narafala pipol blong Jiuda hu i gohed fo sidaon long ples ya long haos blong king, olketa evriwan i lukim dat mi givim tufala pepa ya long hem.

Jeremaea 32:16

Profet Jeremaea hemi gohed fo tok olsem, “Taem mi givim finis tufala pepa ya long Baruk, san blong Neraea, mi prea long Yawe olsem:

Jeremaea 36:1

Long mekfoa yia wea King Jehoeakim, san blong King Josaea, hemi rul ovarem Jiuda, Yawe hemi talemaot disfala Mesij blong hem long Jeremaea. Hemi tok olsem,

Jeremaea 36:2

“Jeremaea. Stat long taem blong King Josaea kam kasem tude, mi bin gohed fo talemaot olketa toktok long yu abaotem tufala kingdom long Israel an Jiuda wetem olketa narafala kantri tu. Distaem mi laekem yu fo tekem wanfala buk, an raetemdaon evri toktok ya.

Jeremaea 36:26

Hemi tokstrong long san blong hem Jerameel, an Seraea, san blong Asriel, wetem Selemaea, san blong Abdeel, nao hemi sendem trifala ya fo go holem Profet Jeremaea wetem Baruk, sekretri blong hem, bat Yawe hemi haedem tufala.

Jeremaea 36:32

So Jeremaea hemi tekem narafala buk, an hemi givim long Baruk, san blong Neraea. Hemi talemaot moa olketa toktok ya, an Baruk hemi raetemdaon evri toktok wea hemi stap long fas buk ya wea king hemi bonem, wetem plande narafala toktok moa wea profet ya hemi talem long hem.

Jeremaea 36:4

So Jeremaea hemi kolem kam Baruk, san blong Neraea. Taem Jeremaea hemi talemaot olketa toktok wea Yawe hemi bin talem long hem, Baruk hemi gohed fo raetemdaon olketa long wanfala buk.

Jeremaea 45:2

“Baruk. Yawe hu hemi God blong Israel, hemi tok long yu olsem:

Jeremaea 46:2

Fastaem, hemi toktok agensim Ijip, an hemi toktok agensim ami blong King Neko blong Ijip, wea King Nebukadnesa hemi winim olketa long taon long Kakemis, kolsap long Yufretis Riva. Long taem ya, hemi mekfoa yia wea King Jehoeakim, san blong King Josaea, hemi gohed fo rul ovarem Jiuda.

Jeremaea 51:59

Profet Jeremaea hemi sendem mesij go long Babilonia. Hemi givim mesij ya long Seraea, san blong Neraea hu hemi san blong Maasea. Seraea ya hemi wanfala man blong King Sedekaea. Long mekfoa yia wea King Sedekaea hemi rul ovarem Jiuda, Seraea hemi mekredi fo go long Babilonia wetem king ya.

Daniel 1:1

Long mektri yia wea Jehoeakim hemi king long Jiuda, King Nebukadnesa blong Babilonia hemi kam wetem olketa soldia blong hem an hipap raonem taon long Jerusalem fo faetem olketa.