Jeremaea 44:15 - Pijin Bible

¹⁵ Nao olketa man hu i save dat olketa waef blong olketa i gohed fo bonem insens fo mekem wosip long olketa narafala god, an olketa woman hu i gohed fo stanap long ples ya wetem plande pipol blong Jiuda moa wea i kam from not blong Ijip an from saot blong Ijip, olketa tok olsem long Jeremaea,

Pijin Deuterocanon

¹⁵ Nao olketa man hu i save dat olketa waef blong olketa i gohed fo bonem insens fo mekem wosip long olketa narafala god, an olketa woman hu i gohed fo stanap long ples ya wetem plande pipol blong Jiuda moa wea i kam from not blong Ijip an from saot blong Ijip, olketa tok olsem long Jeremaea,

Jeremaea 44:15 Iomraidhean Croise

Jenesis 19:4

Bat bihaen, taem wea tufala ya i no go fo slip yet, olketa man long taon ya, stat long olketa yangman go kasem olketa oloman, olketa hipap kam raonem haos ya.

Nehemaea 13:26

An mi tok olsem long olketa, “Bifoa, olketa kaen woman aotsaet nao i lidim Solomon hu hemi king blong Israel fo mekem sin. Solomon ya hemi king wea hemi hae tumas winim evri king long olketa narafala kantri, an God hemi lavem hem tumas. God hemi mekem hem kamap king ovarem evri laen blong Israel. Bat nomata olsem, hemi foldaon long ravis wei ya from olketa hiden woman.

Provebs 11:21

Yu save, ravis man nao bae hemi panis, stretfala man nao bae hemi fri.

Aesaea 1:5

?Waswe nao yufala gohed nomoa fo agensim hem? Sapos yufala olsem, bae hemi gohed nomoa fo panisim yufala. Yufala olsem man hu hemi garem bikfala kil long hed blong hem, an hemi no save tingting stret.

Aesaea 48:5

Longtaem bifoa mi bin talemaot finis olketa samting wea bae hemi kasem yufala. Mi duim diswan mekem yufala no save sei wea olketa kaving god blong yufala wea yufala wakem long stik an long gol an silva, olketa mekem olketa samting ya fo hapen.

Jeremaea 44:1

Hem ya nao Mesij blong Yawe wea hemi talemaot long Profet Jeremaea abaotem olketa pipol blong Jiuda hu i stap long Ijip. Samfala long olketa pipol ya i stap long not blong Ijip long trifala taon long Migdol, an Tapanes, an Memfis, an samfala i stap long distrik long Patros wea hemi long saot blong Ijip.

Jeremaea 44:19

Olketa woman tu i tok olsem, “Taem mifala gohed fo miksim flaoa an bekem spesol bred wea i garem piksa blong Kuin blong Heven ya long olketa fo givim olsem ofaring long hem, an mifala gohed fo bonem insens fo mekem wosip long hem, an mifala gohed fo kapsaetem waen fo givim presen long hem, olketa hasban blong mifala ya i save finis long wanem mifala gohed fo duim, an olketa tingse hemi stret nao.”

Jeremaea 44:24

Profet hemi gohed fo toktok long olketa evriwan wetem olketa woman tu. Hemi tok olsem, “!Lisin kam long Mesij blong Yawe, yufala evriwan blong Jiuda hu i stap long Ijip!

Esikiel 29:14

Bae mi tekem olketa kambaek long wanfala gudfala ples saet long saot, wea olketa grani blong olketa long bifoa i bin stap long hem. Bae olketa garem king, bat kingdom ya bae hemi no save kamap strong moa.

Esikiel 30:14

Bae mi spoelem distrik long Patros long saet long saot mekem no eniwan hemi stap moa long hem. Bae mi putum faea long taon long Soan wea hemi stap long not. An bae mi panisim kapitol taon blong olketa long Tebes.

Matiu 7:13

“Yufala mas go insaet long disfala smolfala geit, bikos geit wea hemi bikfala tumas an rod wea hemi isi tumas fo go long hem, hem nao hemi go kasem long hel an plande pipol nao olketa go-go falom.