Jeremaea 43:3 - Pijin Bible

³ Baruk, san blong Neraea, nao hemi mekem yu fo agensim mifala olsem, mekem olketa blong Babilonia i kam tekem mifala, fo kilim mifala dae, o fo fosim mifala fo lusim lan blong mifala an go stap long Babilonia.”

Pijin Deuterocanon

³ Baruk, san blong Neraea, nao hemi mekem yu fo agensim mifala olsem, mekem olketa blong Babilonia i kam tekem mifala, fo kilim mifala dae, o fo fosim mifala fo lusim lan blong mifala an go stap long Babilonia.”

Jeremaea 43:3 Iomraidhean Croise

Sams 109:4

Nomata mi lavem olketa an mi bin prea fo olketa, olketa ya i agensim mi nomoa.

Jeremaea 32:12

an mi givim go long Baruk, san blong Neraea hu hemi san blong Maasea. Kasin blong mi Hanamel, an olketa witnes ya hu i saenem pepa ya, an olketa narafala pipol blong Jiuda hu i gohed fo sidaon long ples ya long haos blong king, olketa evriwan i lukim dat mi givim tufala pepa ya long hem.

Jeremaea 36:26

Hemi tokstrong long san blong hem Jerameel, an Seraea, san blong Asriel, wetem Selemaea, san blong Abdeel, nao hemi sendem trifala ya fo go holem Profet Jeremaea wetem Baruk, sekretri blong hem, bat Yawe hemi haedem tufala.

Jeremaea 36:4

So Jeremaea hemi kolem kam Baruk, san blong Neraea. Taem Jeremaea hemi talemaot olketa toktok wea Yawe hemi bin talem long hem, Baruk hemi gohed fo raetemdaon olketa long wanfala buk.

Jeremaea 38:4

Nao olketa bikman ya i go lukim king, an tok olsem long hem, “!Disfala man mas dae! Olketa toktok blong hem hemi gohed fo mekem tingting blong olketa soldia blong yumi wea i stap yet long taon wetem olketa narafala pipol tu, fo wikdaon. Hemi no trae fo helpem olketa pipol ya, hemi laek fo spoelem olketa nomoa.”

Jeremaea 43:6

Olketa lidim tu olketa pipol wea Nebusaradan, sif long spesol ami blong bikfala king blong Babilonia, hemi bin putum olketa long han blong Gedalaea, san blong Ahikam hu hemi san blong Safan. Hem nao olketa man, an olketa woman, an olketa pikinini, an olketa dota blong king, an Profet Jeremaea an Baruk, san blong Neraea tu, olketa evriwan hemi go wetem olketa.

Gudnius abaotem Jisas Kraes wea Luk hemi raetem 6:26

“!An yufala wea olketa pipol i sei yufala olketa gudfala pipol, yufala lukaot! Yufala ya, yufala wankaen wetem olketa laea profet long bifoa kam, bikos semsamting nao hemi hapen long olketa.”