Jeremaea 43:2 - Pijin Bible

² Asaraea, san blong Hosaea, an Johanan, san blong Karea, wetem olketa narafala bikhed man wea i stap long ples ya, olketa tok olsem long hem, “!Yu laea nao ya! Yawe hemi no sendem yu kam fo talemaot olketa toktok ya, ‘Yufala mas no go long Ijip fo stap long dea.’

Pijin Deuterocanon

² Asaraea, san blong Hosaea, an Johanan, san blong Karea, wetem olketa narafala bikhed man wea i stap long ples ya, olketa tok olsem long hem, “!Yu laea nao ya! Yawe hemi no sendem yu kam fo talemaot olketa toktok ya, ‘Yufala mas no go long Ijip fo stap long dea.’

Jeremaea 43:2 Iomraidhean Croise

Jenesis 19:14

So Lot hemi go lukim tufala man wea bae tufala maritim tufala gele blong hem. Nao hemi tok olsem long tufala, “!Yu hariap! !Bae yumi goaot kuiktaem from ples ya! !Distaem nomoa, Yawe bae hemi spoelem taon ya finis!” Bat tufala tingse hemi gohed fo tokplei nomoa long tufala, so tufala no kam nomoa.

2 Kronikols 36:13

King Nebukadnesa hemi bin fosim Sedekaea fo mekem wanfala strong promis fo obeim hem. Promis ya, hemi mekem long nem blong God. Bat bihaen, hemi brekem promis ya, an hemi go agensim King Nebukadnesa. Hemi bikhed an hemi no laek fo sensim tingting blong hem fo kambaek long Yawe.

Sams 119:21

Plis yu tokstrong long olketa praod pipol, an panisim olketa hu i no save obeim olketa strongfala toktok blong yu.

Sams 12:3

Lod Yawe, plis yu stopem olketa suit toktok ya. An yu mas satem maos blong olketa wea i gohed fo tokpraod ya. Olketa ya i gohed fo tok olsem,

Sams 123:4

Fo longtaem tumas nao, olketa risman i bin tokspoelem mifala. Ya, olketa hu i praod tumas i bin mekem mifala safa tumas. (Olketa singim disfala singsing taem olketa goap fo fist long Jerusalem.)

Eksodas 5:2

Bat king ya hemi tok olsem, “?Hu nao Yawe? ?Waswe nao mi mas obeim hem an letem olketa blong Israel i go? !Mi nating save long Yawe! !Mi no save letem yufala go!”

Eksodas 9:17

Bat kam kasem distaem, yu bin gohed fo bikhed yet, an yu no letem olketa pipol blong mi fo go.

Provebs 16:5

Yawe hemi les long olketa hu i praod tumas. Yu save, bae hemi panisim olketa.

Provebs 30:9

Nogud mi ris tumas an fogetem Yawe. Nogud mi pua tumas an mi stilim samting an meksem long nem blong God blong mi.

Provebs 8:13

Sapos yu tinghae long Yawe, yu nating laekem nogud wei. Mi les long praod wei, an wei fo tingdaonem eniwan. Mi les long ravis wei an ravis toktok.

Aesaea 9:8

(Profet) Lod God hemi sendem finis Mesij blong hem agensim olketa pipol blong Israel long not.

Jeremaea 13:15

(Profet) Olketa. Lisin kam gudfala, an yufala no bikhed, bikos Yawe nao hemi tok.

Jeremaea 18:18

Olketa pipol i tok olsem, “Olketa. Yumi mas mekem plan agensim profet ya. Bae olketa prist i stap olowe fo tisim yumi, an olketa waesman i stap olowe fo givim gudfala tingting long yumi, an olketa profet blong yumi tu i stap fo talemaot long yumi olketa profesi. So yumi mas agensim Jeremaea ya an tokspoelem hem, an yumi mas no lisin long olketa toktok blong hem.”

Jeremaea 40:8

olketa kam fo lukim Gedalaea long Mispa. Nem blong olketa komanda nao: Ismael, san blong Netanaea, an Johanan an Jonatan, tufala san blong Karea, an Seraea, san blong Tanumet, an olketa san blong Efae wea hemi man blong Netofa, an Jaasanaea wea hemi man blong Maaka.

Jeremaea 41:16

Johanan, san blong Karea, wetem olketa komanda blong hem i tekem olketa pipol blong Mispa wea Ismael hemi holem bihaen long taem hemi kilim Gedalaea dae. Hemi tekem olketa soldia, an olketa woman wetem olketa pikinini, an olketa bikman blong king, an olketa lusim Gibeon.

Jeremaea 42:1

Johanan, san blong Karea, an Jesanaea, san blong Hosaea, wetem olketa narafala komanda blong ami, an evri narafala pipol tu, nomata man hemi garem biknem o nomoa, olketa evriwan i kam fo lukim Profet Jeremaea.

Jeremaea 42:20

Yufala bin falom barava rong rod long tingting blong yufala taem yufala askem mi fo prea long Yawe God blong yufala. Yu bin tok olsem long mi, ‘Plis yu prea long Yawe God blong mifala. Yu talem long mifala evrisamting wea hemi laekem, an bae mifala promis fo duim.’

Jeremaea 42:5

Olketa tok olsem long hem, “Mifala mekem strongfala promis fo obeim evrisamting Yawe God blong yu hemi talem long yu. Sapos mifala no kipim disfala promis, bae Yawe hemi olsem witnes fo tokagensim mifala.

Jeremaea 43:1

Taem Profet Jeremaea hemi talemaot evrisamting wea Yawe God blong olketa bin sendem hem fo go talemaot long olketa,

Jeremaea 44:16

“Profet. !Mifala les fo lisin long mesij wea yu bin talemaot long mifala long nem blong Yawe!

Jemes 4:6

Bat nomata olsem, kaenfala lav blong God fo yumi, hemi bikfala moa winim diswan. Dastawe nao Buktambu hemi sei, “God hemi daonem eniwan hu hemi praod, bat hemi somaot kaenfala lav blong hem long olketa hu i hambol.”

1 Pita 5:5

Long sem wei tu, yufala olketa yangman yufala mas putum yufala andanit long paoa blong olketa olo. An yufala evriwan mas hambol an helpem olketa fren blong yufala. Bikos Buktambu hemi sei, “God hemi nating laekem eniwan hu hemi praod, bat hemi somaot kaenfala lav blong hem long pipol hu i hambol.”