Jeremaea 40:7 - Pijin Bible

⁷ King blong Babilonia hemi siusim Gedalaea, san blong Ahikam, olsem gavna long Jiuda, an hemi mekem hem tu fo lukaftarem olketa man an olketa woman an olketa pikinini wea i pua tumas an wea olketa blong Babilonia i no fosim olketa fo lusim lan blong olketa fo go long Babilonia. Taem olketa komanda long ami blong Jiuda, wetem olketa soldia blong olketa wea ami blong Babilonia i no bin holem, olketa herem disfala nius abaotem Gedalaea,

Pijin Deuterocanon

⁷ King blong Babilonia hemi siusim Gedalaea, san blong Ahikam, olsem gavna long Jiuda, an hemi mekem hem tu fo lukaftarem olketa man an olketa woman an olketa pikinini wea i pua tumas an wea olketa blong Babilonia i no fosim olketa fo lusim lan blong olketa fo go long Babilonia. Taem olketa komanda long ami blong Jiuda, wetem olketa soldia blong olketa wea ami blong Babilonia i no bin holem, olketa herem disfala nius abaotem Gedalaea,

Jeremaea 40:7 Iomraidhean Croise

2 Kings 25:12

Bat samfala long olketa pua pipol, Nebusaradan hemi letem olketa stap long Jiuda fo waka long olketa gaden an long olketa plantesin blong grep.

2 Kings 25:4

olketa soldia blong Babilonia i brekem bikfala wolston ya, an go insaet. Long naet, nomata olketa soldia i gohed fo hipap raonem taon ya yet, bat King Sedekaea wetem olketa soldia blong hem i trae fo ranawe gotru long gaden blong king, an goaot long geit wea hemi midol long tufala wolston. Olketa ranawe falom disfala rod wea hemi go long bikfala vali kolsap long Jodan Riva.

Jeremaea 39:10

Bat samfala long olketa pua pipol, wea i no onam enisamting, Nebusaradan hemi letem olketa stap long Jiuda, an hemi givim graon long olketa, an hemi givim tu olketa plantesin blong grep long olketa.

Jeremaea 39:14

olketa sendem samfala soldia fo faendem Jeremaea. Nao olketa kam tekem hem aot from ples ya long haos blong king wea olketa sekiuriti i stap long hem. An olketa putum hem long han blong Gedalaea, san blong Ahikam hu hemi san blong Safan, fo tekem hemi gobaek long ples blong hem. So hemi save gohed fo stap nomoa wetem olketa pipol blong hem.

Jeremaea 39:4

Taem King Sedekaea blong Jiuda wetem olketa soldia blong hem i lukim olketa samting ya, olketa trae fo ranawe long naet. Olketa gotru long gaden blong king, an goaot long geit wea hemi midol long tufala wolston. Olketa ranawe falom disfala rod wea hemi go long bikfala vali kolsap long Jodan Riva.

Jeremaea 39:9

An Nebusaradan hu hemi sif long spesol ami blong bikfala king blong Babilonia, hemi tekem olketa hu i stap yet insaet long taon, wetem olketa hu bin ranawe from taon fo go joenem olketa blong Babilonia long aotsaet, nao hemi fosim olketa evriwan fo lusim lan blong olketa an go stap long Babilonia.

Jeremaea 41:1

Long mekseven mans long sem yia ya, Ismael wetem tenfala man olketa go long Mispa fo lukim Gedalaea, san blong Ahikam. Ismael ya, hemi san blong Netanaea hu hemi san blong Elisama, an hemi wanfala long famili blong king, an hemi wanfala bikman blong hem. Taem olketa gohed fo kaikai tugeta long Mispa,

Jeremaea 41:10

Olketa dota blong king an olketa narafala pipol long Mispa wea Nebusaradan hu hemi sif long spesol ami blong bikfala king blong Babilonia hemi bin putum olketa andanit long paoa blong Gedalaea, Ismael hemi tekem olketa evriwan, an hemi fosim olketa fo go wetem hem, nao olketa lusim datfala taon fo go long kantri long Amon.

Jeremaea 41:11

Taem Johanan, san blong Karea, wetem olketa komanda blong hem i herem nius abaotem olketa ravis samting ya wea Ismael hemi mekem,

Jeremaea 43:6

Olketa lidim tu olketa pipol wea Nebusaradan, sif long spesol ami blong bikfala king blong Babilonia, hemi bin putum olketa long han blong Gedalaea, san blong Ahikam hu hemi san blong Safan. Hem nao olketa man, an olketa woman, an olketa pikinini, an olketa dota blong king, an Profet Jeremaea an Baruk, san blong Neraea tu, olketa evriwan hemi go wetem olketa.

Jeremaea 52:16

Bat samfala long olketa pua pipol, Nebusaradan hemi letem olketa stap long Jiuda fo waka long olketa gaden an long olketa plantesin blong grep.

Esikiel 45:16

“Yufala evriwan wea hemi stap long disfala lan, bae yufala mas tekem kam olketa ofaring ya long king blong yufala.