Jeremaea 40:10 - Pijin Bible

¹⁰ Mi tu bae mi stap long Mispa, an taem olketa blong Babilonia i kam long enikaen bisnis, bae mi nao toktok wetem olketa. Bat yufala save gohed fo wakem waen, an yufala save gohed fo tekemaot olketa frut long olketa tri, an yufala save gohed fo wakem oliv oel, an yufala save stoarem evrisamting ya long haos blong yufala. An yufala save gohed fo stap gudfala long olketa vilij ya wea yufala stap long hem.”

Pijin Deuterocanon

¹⁰ Mi tu bae mi stap long Mispa, an taem olketa blong Babilonia i kam long enikaen bisnis, bae mi nao toktok wetem olketa. Bat yufala save gohed fo wakem waen, an yufala save gohed fo tekemaot olketa frut long olketa tri, an yufala save gohed fo wakem oliv oel, an yufala save stoarem evrisamting ya long haos blong yufala. An yufala save gohed fo stap gudfala long olketa vilij ya wea yufala stap long hem.”

Jeremaea 40:10 Iomraidhean Croise

2 Samuel 16:1

Taem King Deved, an olketa pikinini blong hem, an olketa bikman blong hem i winim go lelebet antap long hil ya, hemi mitim Siba disfala hemi wakaman blong Mefiboset. Man ya hemi tekem kam tufala dongki blong hem, wea tufala karim 200 bred, wetem 100 pasel grep wea olketa draem, an 100 pasel narafala frut, an samfala waen.

1 Kings 10:8

Olketa bikman blong yu an olketa wakaman blong yu i save hapi tumas bikos olketa stap wetem yu olowe, an olketa garem gudfala sans fo herem olketa waes toktok blong yu.

Provebs 22:29

Man save tumas long waka blong hem, hemi no duim waka blong olketa man nating, bat bae hemi duim waka blong bikman.

Provebs 27:25

Evri yia, yu mas katem gras wea hemi grou gud long fil fo mekem olketa animol i kaikaim long hadtaem.

Aesaea 16:9

So mi krae wetem olketa pipol long Jasa from olketa plantesin ya blong Sibma. Tias blong mi hemi ran daon bikfala bikos mi sore long olketa pipol long tufala taon long Hesbon an Eleale. Mi sore bikos no eniwan save singaot an hapi moa long gudfala samting wea olketa save tekemaot from olketa gaden blong olketa olsem bifoa.

Jeremaea 35:19

Dastawe nao mi Yawe hu mi garem evri paoa, an hu mi God blong Israel, mi mekem promis long yufala olsem: Bae laen blong Jonadab, san blong Rekab, hemi no save dae, an pipol hu i bon kam long laen ya bae i gohed fo stap oltaem fo mekem wosip long mi.”

Jeremaea 39:10

Bat samfala long olketa pua pipol, wea i no onam enisamting, Nebusaradan hemi letem olketa stap long Jiuda, an hemi givim graon long olketa, an hemi givim tu olketa plantesin blong grep long olketa.

Jeremaea 40:12

So olketa kambaek moa long Jiuda from olketa kantri wea olketa bin ranawe go long hem, fo lukim Gedalaea long Mispa. Nao olketa goaot long lan ya, an olketa wakem waen, an olketa tekemaot olketa frut long olketa tri, wea i plande tumas.

Jeremaea 40:6

Jeremaea hemi go long Mispa, an hemi stap wetem Gedalaea, san blong Ahikam, midol long olketa pipol wea olketa blong Babilonia i no tekemaot from lan blong olketa.

Jeremaea 43:5

Nao olketa pipol blong Jiuda wea i kambaek finis from olketa narafala kantri wea olketa bin ranawe go long hem, Johanan wetem olketa komanda i lidim nao olketa ya fo lusim lan ya blong olketa.

Jeremaea 48:32

Bae mi sore an krae moa fo olketa blong taon long Sibma, winim mi bin krae fo olketa blong taon long Jasa long Amon. Sibma, hemi wanfala gudfala taon wea hemi olsem bikfala grep tri wea olketa branis blong hem i grou longfala tumas, wea samfala go akros long Ded Si, an samfala go-go kasem Jasa. Bat olketa enemi i kam spoelem olketa gaden an olketa grep tri blong yufala, mekem yufala no save tekemaot eni kaikai long hem.

Maeka 7:1

(Profet) !Mi sore tumas! !Mi barava filnogud nao! Mi olsem nomoa man wea hemi hanggre tumas, an hemi go olobaot nomoa fo lukaotem frut fo kaikaim. Bat no eni frut hemi stap long olketa fig tri an olketa grep tri. Olketa tekemaot finis evri frut ya.

Gudnius abaotem Jisas Kraes wea Luk hemi raetem 21:36

Yufala mas lukluk gudfala an gohed fo prea oltaem, mekem yufala save stanap strong nomata evrisamting ya bae hemi hapen. Sapos olsem, bae yufala save kam an stanap long frant blong mi San Blong Man.”

Diutronomi 1:38

Josua san blong Nun, hu hemi helpem yu, bae hemi save mekem pipol blong Israel fo go insaet long lan ya. An yu mas strongim tingting blong hem.’

Diutronomi 16:13

An Mosis hemi gohed fo tok olsem, “Olowe, taem yufala finisim waka fo tekemaot kaikai long gaden an olketa frut long grep tri, yufala mas mekem Bikde fo Stap long Smolfala Lif Haos. Fist ya hemi mas gohed fo sevenfala de.