Jeremaea 4:23 - Pijin Bible

²³ Long wanfala spesol drim, mi lukim wol ya, an no enisamting hemi stap stret moa long hem. Mi luk goap long skae, bat hemi tudak nomoa.

Pijin Deuterocanon

²³ Long wanfala spesol drim, mi lukim wol ya, an no enisamting hemi stap stret moa long hem. Mi luk goap long skae, bat hemi tudak nomoa.

Jeremaea 4:23 Iomraidhean Croise

Jenesis 1:2

no enisamting hemi stap stret yet long disfala wol. Tudak nomoa hemi gohed fo kavarem bikfala wata, an Spirit blong God hemi gohed fo muv antap long wata ya.

Aesaea 13:10

Olketa sta wetem mun, bae i no saen long naet. An nomata san hemi kamap long moning, bat bae hemi no saen nao.

Aesaea 5:30

Long taem ya, bae olketa mekem noes olsem saon blong bikfala wev wea hemi brek long rif long taem blong saekloun. An sapos eniwan hemi kam long kantri ya blong yufala, bae hemi lukim bikfala trabol nomoa. !Ya, bae hemi olsem wea tudak hemi kavaremap finis taem blong delaet!

Jeremaea 2:12

From samting ya nao, mi talem long skae fo hemi fraet an seksek, an hemi sapraes fogud long olketa wei blong yufala ya.” Hem nao mesij blong Yawe.

Jeremaea 9:10

Bae mi sore long olketa maonten, an mi krae fo olketa open eria wea hemi bin garem gras long hem, bikos olketa evriwan i drae finis, an hemi emti fogud. No eniwan hemi gotru long olketa ples ya. No eni buluka hemi stap long hem, An evri bed an evri wael animol tu i lus finis.

Lamentesin 3:2

Hemi ronem mi aot from delaet, mekem mi stap long tudak.

Joel 2:10

Taem olketa grashopa ya i gohed fo muv kam, graon hemi seksek fogud, an skae tu hemi seksek. Ya, san an mun i kamap tudak an olketa sta i nating saen moa nao.

Emos 8:9

Hem ya mesij blong Lod Yawe, ?Long datfala De , bae mi mekem san fo godaon nomoa long midol long de, an bae mi sensim delaet long tudak.

Sekaraea 14:6

Taem datfala de hemi kam, bae no eni laet, an bae hemi no tukol, an bae no eni aes.

Matiu 24:29

An Jisas hemi sei moa, “Bihaen disfala taem blong bikfala trabol ya nomoa, san bae hemi stat fo dak nao, an mun tu bae hemi no save saen kam. An olketa sta long skae bae olketa foldaon, an evri strongfala samting long skae bae olketa seksek olobaot.

Matiu 24:35

Skae wetem disfala wol bae tufala finis nomoa, bat toktok blong mi bae hemi nating save finis.”

Revelesin 20:11

Den mi lukim wanfala bikfala tron wea hemi waet fogud, an mi lukim tu God hu hemi sidaon long hem. An wol wetem skae tufala ranawe from God, an no eniwan save faendem tufala long eni ples.