Jeremaea 36:21 - Pijin Bible

²¹ King hemi sendem Jehudi fo hemi go long rum blong Elisama an tekem kam buk ya long hem. Nao Jehudi hemi tekem kam buk ya, an hemi ridimaot olketa toktok ya long king, wetem olketa bikman ya blong hem wea i gohed fo stanap raonem hem.

Pijin Deuterocanon

²¹ King hemi sendem Jehudi fo hemi go long rum blong Elisama an tekem kam buk ya long hem. Nao Jehudi hemi tekem kam buk ya, an hemi ridimaot olketa toktok ya long king, wetem olketa bikman ya blong hem wea i gohed fo stanap raonem hem.

Jeremaea 36:21 Iomraidhean Croise

2 Kings 22:10

Den hemi tok moa olsem, “Mi garem wanfala buk wea Haeprist Hilkaea hemi givim long mi.” Nao hemi ridimaot olketa toktok blong buk ya long king.

2 Kronikols 34:18

Nao Safan hemi gohed fo tok olsem, “Haeprist Hilkaea hemi givim wanfala buk long mi.” Den hemi ridimaot olketa toktok blong buk ya long king.

Jeremaea 23:28

Sapos wanfala laea profet hemi laek fo tokabaotem drim blong hem, oraet, hemi save duim nao. Bat man hu hemi herem barava toktok blong mi, hemi mas talemaot stret, olsem wea mi givim long hem. Olketa drim blong olketa ya an barava toktok blong mi i deferen tumas, barava olsem ravis blong wit an gudfala kaikai blong hem i deferen.

Jeremaea 26:2

“Yawe nao hemi tok long mi olsem: Yu go stanap long ples blong Tambuhaos blong mi, an talemaot toktok blong mi long olketa pipol hu i kam from olketa taon blong Jiuda fo mekem wosip long datfala ples. Yu mas talemaot evrisamting wea mi talem long yu, an yu mas no mistim eni wod.

Jeremaea 36:14

So olketa bikman ya i sendem Jehudi, san blong Netanaea hu hemi san blong Selemaea hu hemi san blong Kusi, fo hemi go long Baruk, an tok olsem long hem, “Yu kam long mifala, an tekem kam disfala buk wea yu ridimaot toktok blong hem long olketa pipol.” So Baruk, san blong Neraea, hemi kam long olketa an hemi karim kam buk ya.

Jeremaea 36:15

Olketa tok olsem long hem, “Plis yu sidaon, an ridimaot olketa toktok ya, mekem mifala herem.” Nao hemi duim olsem wea i talem.