Jeremaea 36:18 - Pijin Bible

¹⁸ Hemi tok olsem, “Ya, Profet Jeremaea hemi talemaot olketa toktok ya long mi, an mi raetemdaon long ingk insaet long disfala buk.”

Pijin Deuterocanon

¹⁸ Hemi tok olsem, “Ya, Profet Jeremaea hemi talemaot olketa toktok ya long mi, an mi raetemdaon long ingk insaet long disfala buk.”

Jeremaea 36:18 Iomraidhean Croise

Jeremaea 36:2

“Jeremaea. Stat long taem blong King Josaea kam kasem tude, mi bin gohed fo talemaot olketa toktok long yu abaotem tufala kingdom long Israel an Jiuda wetem olketa narafala kantri tu. Distaem mi laekem yu fo tekem wanfala buk, an raetemdaon evri toktok ya.

Jeremaea 36:27

Taem King Jehoeakim hemi bonem disfala buk wea Jeremaea hemi bin talem toktok blong hem long Baruk fo hemi raetemdaon, Yawe hemi talemaot Mesij blong hem long Jeremaea. Hemi tok olsem,

Jeremaea 36:32

So Jeremaea hemi tekem narafala buk, an hemi givim long Baruk, san blong Neraea. Hemi talemaot moa olketa toktok ya, an Baruk hemi raetemdaon evri toktok wea hemi stap long fas buk ya wea king hemi bonem, wetem plande narafala toktok moa wea profet ya hemi talem long hem.

Jeremaea 36:4

So Jeremaea hemi kolem kam Baruk, san blong Neraea. Taem Jeremaea hemi talemaot olketa toktok wea Yawe hemi bin talem long hem, Baruk hemi gohed fo raetemdaon olketa long wanfala buk.

Jeremaea 45:1

Hem ya nao Mesij blong Yawe wea hemi talemaot long Profet Jeremaea abaotem Baruk, san blong Neraea. Long taem wea King Jehoeakim, san blong King Josaea, hemi gohed fo rul long Jiuda, long mekfoa yia blong hem, Profet Jeremaea hemi gohed fo talemaot olketa toktok blong Yawe long Baruk, an hemi gohed fo raetemdaon long wanfala buk. Bihaen, profet hemi tok olsem long hem,