Jeremaea 35:1 - Pijin Bible

¹ Hem ya nao Mesij wea Yawe hemi talemaot long Jeremaea long taem wea King Jehoeakim, san blong King Josaea, hemi king long Jiuda. Hemi tok olsem,

Pijin Deuterocanon

¹ Hem ya nao Mesij wea Yawe hemi talemaot long Jeremaea long taem wea King Jehoeakim, san blong King Josaea, hemi king long Jiuda. Hemi tok olsem,

Jeremaea 35:1 Iomraidhean Croise

2 Kings 23:34

Den hemi tekem Eliakim, wanfala narafala san blong King Josaea, an hemi mekem fo sensim dadi blong hem fo kamap king long Jiuda. An hemi sensim nem blong Eliakim, hemi mekem olketa kolem hem Jehoeakim. Hemi tekem Jehoahas go long Ijip, an Jehoahas hemi dae long dea.

2 Kings 23:35

Nao King Jehoeakim hemi fosim olketa pipol blong Jiuda fo peim taks long hem, mekem hemi garem seleni fo peim long King Neko blong Ijip. Olketa pipol i peim taks olsem hemi talem long olketa.

Jeremaea 1:3

an hemi gohed long taem blong King Jehoeakim, san blong Josaea, hemi rul, go-go kasem en long mekleven yia long taem King Sedekaea hu hemi narafala san blong Josaea hemi king. Long mekfaev mans long disfala las yia blong King Sedekaea, ami blong Babilon i fosim olketa pipol blong Jerusalem fo lusim lan blong olketa an go fo stap long narafala kantri.

Jeremaea 25:1

Long mekfoa yia wea King Jehoeakim, san blong King Josaea, hemi gohed fo rul long Jiuda, Yawe hemi talemaot Mesij blong hem abaotem olketa pipol blong Jiuda long Jeremaea. Hem ya nao mekwan yia wea King Nebukadnesa hemi rul long Babilonia.

Jeremaea 26:1

Long taem wea King Jehoeakim, san blong King Josaea, hemi king blong Jiuda fo sot taem nomoa, Yawe hemi talemaot Mesij blong hem long Jeremaea. An Jeremaea hemi talemaot disfala Mesij olsem,

Jeremaea 36:1

Long mekfoa yia wea King Jehoeakim, san blong King Josaea, hemi rul ovarem Jiuda, Yawe hemi talemaot disfala Mesij blong hem long Jeremaea. Hemi tok olsem,

Jeremaea 36:29

An yu tok olsem long disfala king blong Jiuda, ‘Yawe nao hemi tok olsem: !King Jehoeakim! Yu bonem datfala buk, an yu gohed fo talem strong olsem, “?Waswe nao profet ya hemi raetem olketa toktok ya, wea king blong Babilonia bae hemi kam spoelem disfala lan, an hemi kilim olketa pipol blong ples ya, wetem olketa animol tu?”

Jeremaea 46:2

Fastaem, hemi toktok agensim Ijip, an hemi toktok agensim ami blong King Neko blong Ijip, wea King Nebukadnesa hemi winim olketa long taon long Kakemis, kolsap long Yufretis Riva. Long taem ya, hemi mekfoa yia wea King Jehoeakim, san blong King Josaea, hemi gohed fo rul ovarem Jiuda.

Daniel 1:1

Long mektri yia wea Jehoeakim hemi king long Jiuda, King Nebukadnesa blong Babilonia hemi kam wetem olketa soldia blong hem an hipap raonem taon long Jerusalem fo faetem olketa.