Jeremaea 34:7 - Pijin Bible

⁷ Long datfala taem, king blong Babilonia wetem olketa soldia blong hem i gohed fo faet long Jerusalem an long tufala narafala taon long Lakis an Aseka, wea tufala garem wolston raonem. Olketa enemi ya bin winim finis evri narafala taon long Jiuda wea i garem wolston raonem.

Pijin Deuterocanon

⁷ Long datfala taem, king blong Babilonia wetem olketa soldia blong hem i gohed fo faet long Jerusalem an long tufala narafala taon long Lakis an Aseka, wea tufala garem wolston raonem. Olketa enemi ya bin winim finis evri narafala taon long Jiuda wea i garem wolston raonem.

Jeremaea 34:7 Iomraidhean Croise

2 Kings 14:19

Samfala man long Jerusalem i mekem plan fo kilim hem dae, bat hemi ranawe go long taon long Lakis. Bat olketa sendem samfala man fo go bihaen long hem an olketa kilim hem dae long taon ya.

2 Kings 19:8

Disfala komanda blong Asiria hemi herem dat king blong hem hemi lusim finis Lakis, an hemi go moa long taon long Libna fo faet agensim olketa. Komanda ya hemi lusim Jerusalem an hemi go long Libna fo lukim king.

2 Kronikols 27:4

An long olketa hil blong Jiuda, hemi bildim olketa taon, an hemi wakem olketa gadhaos an olketa strong sefples fo haed long bus.

Aesaea 36:2

King Senakerib hemi stap yet long taon long Lakis, an hemi sendem komanda blong hem wetem plande soldia fo go long Jerusalem wea King Hesekaea hemi stap long hem. Komanda ya wetem olketa soldia blong hem i kam an stap long rod wea hemi go long ples wea olketa save wasim kaleko. Olketa stanap kolsap long ples wea wata hemi ran goaot long disfala pul long wata wea hemi antap.

Jeremaea 11:12

Olketa pipol blong Jerusalem wetem olketa narafala pipol blong Jiuda bae olketa kraeaot go long olketa god wea olketa gohed fo bonem insens fo mekem wosip long olketa. Bat long taem wea disfala trabol hemi kasem olketa, olketa god ya bae olketa no save helpem olketa.

Jeremaea 34:1

Hem ya nao Mesij wea Yawe hemi talemaot long Jeremaea long taem wea King Nebukadnesa blong Babilonia wetem olketa soldia blong hem, an olketa pipol blong olketa narafala kantri long bikfala kingdom wea hemi gohed fo rul ovarem, olketa ya i gohed fo faet agensim Jerusalem wetem olketa vilij wea i stap raonem. Yawe hemi talemaot Mesij ya olsem,

Jeremaea 4:5

Yawe hemi talem Profet Jeremaea fo talemaot toktok blong hem fo olketa pipol blong Jiuda an Jerusalem olsem, “!Bloum trampet long evri ples long lan fo wonem pipol! !Yumi evriwan mas kam tugeta an resis go fo haed long olketa taon wea i garem wolston raonem!”

Jeremaea 8:14

Nao olketa pipol blong God gohed fo tok olsem, “?Waswe nao yumi gohed fo sidaon no olsem? Kam, yumi ranawe an go haed long olketa taon wea i garem wolston raonem, mekem yumi dae long olketa ples ya. Yawe God blong yumi hemi jajem yumi finis wea yumi mas dae. Hemi olsem hemi givim poesen long yumi fo yumi dringim, bikos yumi sin agensim hem.

Maeka 1:13

!Olketa pipol blong taon long Lakis! Yufala mas taemapem olketa hos blong yufala go long olketa kaat mekem yufala save ranawe. Yufala nao i falom ravis wei blong olketa pipol long Israel long not, an yufala i lidim tu olketa pipol blong Jerusalem fo sin.

Diutronomi 28:52

Olketa enemi bae i kam faet agensim olketa taon long disfala lan blong yufala. An bae olketa save brekemdaon olketa bikfala wolston blong olketa taon ya wea yufala trastem olketa fo gadem yufala long lan wea Yawe hemi givim long yufala.

Josua 10:3

So Paramaon Sif Adonisedek hemi sendem mesij go long Paramaon Sif Hoham blong Hebron, an Paramaon Sif Piram blong Jamut, an Paramaon Sif Jafia blong Lakis, an Paramaon Sif Debia blong Eglon.

Josua 10:5

So faefala paramaon sif blong olketa laen blong Amoa, wetem olketa ami blong olketa joen tugeta an raonem Gibeon, an stat fo faetem olketa.

Josua 15:35

an Jamut, an Adulam, an Soko, an Aseka,

Josua 15:39

an Lakis, an Boskat, an Eglon,