Jeremaea 34:21 - Pijin Bible

²¹ Bae mi putum tu King Sedekaea wetem olketa bikman blong hem andanit long paoa blong olketa enemi hu i laek fo kilim olketa dae. Olketa enemi ya long ami blong king blong Babilonia i lusim finis disfala taon blong yufala.

Pijin Deuterocanon

²¹ Bae mi putum tu King Sedekaea wetem olketa bikman blong hem andanit long paoa blong olketa enemi hu i laek fo kilim olketa dae. Olketa enemi ya long ami blong king blong Babilonia i lusim finis disfala taon blong yufala.

Jeremaea 34:21 Iomraidhean Croise

2 Kings 25:6

Olketa kasholem hem an tekem hem go long King Nebukadnesa wea hemi stap long taon long Ribla. Long ples ya, King Nebukadnesa hemi jajem hem, an talemaot panis blong hem.

Jeremaea 22:25

Bae mi putum yu long paoa blong olketa enemi ya wea yu fraetem tumas. Bae mi putum yu long paoa blong King Nebukadnesa blong Babilonia, wetem ami blong hem.

Jeremaea 32:3

King Sedekaea ya bin putum Jeremaea long prisin bikos hemi talemaot profesi blong God. King ya hemi bin tok olsem long Jeremaea, “?Waswe nao yu gohed fo talemaot profesi agensim mi olsem? Yu bin talem, ‘Yawe nao hemi tok olsem: Bae mi putum disfala taon andanit long paoa blong king blong Babilonia, mekem hemi tekova long hem.

Jeremaea 32:4

An long datfala taem, King Sedekaea bae hemi no save ranawe. Bae mi putum hem andanit long paoa blong king ya, mekem hemi save luk stret long ae blong king, an toktok wetem hem.

Jeremaea 39:6

Long Ribla ya, King Nebukadnesa hemi talem olketa man blong hem fo kilim dae olketa san blong Sedekaea, stret long ae blong hem, an kilim dae tu olketa bikman blong Jiuda.

Jeremaea 44:30

Mi talem stret long yu, an mi wonem yufala evriwan olsem: Bae mi putum King Hofra blong Ijip go long han blong olketa enemi blong hem wea i laek fo kilim hem dae, barava olsem wea mi bin putum King Sedekaea blong Jiuda go long han blong King Nebukadnesa blong Babilonia wea hemi laek fo kilim hem dae.” Hem nao mesij blong Yawe.

Jeremaea 52:10

So olketa kilim dae olketa san blong Sedekaea, an fosim hem fo lukim. An olketa kilim dae tu olketa bikman blong Jiuda.

Jeremaea 52:8

Bat olketa soldia blong Babilonia i aftarem olketa an kasem King Sedekaea long vali kolsap long taon long Jeriko, bat olketa soldia blong king ya i ranawe from hem.

Lamentesin 4:20

Disfala king wea Yawe bin siusim, hemi olsem wea hemi holem laef blong yumi. Yumi tingse hemi save gadem yumi from olketa narafala kantri, bat enemi i kasholem hem, an tekem hem aot from yumi.

Esikiel 17:12

“Yu mas askem olsem long olketa pipol ya hu i agensim mi, ‘?Waswe, yufala no save long mining blong disfala parabol?’ Yu talem olketa dat mi tok olsem long olketa: King blong Babilonia hemi go long Jerusalem, an hemi tekem king blong yufala wetem olketa bikman, an kam wetem long Babilonia.

Esikiel 17:16

“Mi mekem disfala strongfala promis long nem blong mi Lod Yawe hu mi laef olowe: Bae disfala man mas dae long Babilonia, bikos hemi no kipim agrimen ya wea hemi mekem wetem king blong Babilonia, an hemi no laek fo frengud wetem hem moa.

Esikiel 17:20

Bae mi kasem hem olsem animol wea hemi pas insaet long net, an tekem hem go long Babilonia. Long ples ya nao bae mi panisim hem, bikos hemi les long mi an hemi no tinghevi moa long mi.