Jeremaea 34:18 - Pijin Bible

¹⁸ Yufala bin mekem disfala spesol agrimen long ae blong mi, an yufala bin falom disfala kastom fo mekem kaen agrimen ya hemi strong. Yufala kilim dae yang buluka an divaedem long tufala haf, nao yufala mekem strongfala promis ya taem yufala wakabaot midol long tufala haf ya. Bat yufala brekem disfala spesol agrimen, so bae mi mekem yufala fo kamap olsem disfala buluka.

Pijin Deuterocanon

¹⁸ Yufala bin mekem disfala spesol agrimen long ae blong mi, an yufala bin falom disfala kastom fo mekem kaen agrimen ya hemi strong. Yufala kilim dae yang buluka an divaedem long tufala haf, nao yufala mekem strongfala promis ya taem yufala wakabaot midol long tufala haf ya. Bat yufala brekem disfala spesol agrimen, so bae mi mekem yufala fo kamap olsem disfala buluka.

Jeremaea 34:18 Iomraidhean Croise

Jenesis 15:10

Nao Ebram hemi go an tekem kam evrisamting ya long Yawe. Nao hemi kilim dae olketa, an hemi splitim trifala animol ya long olketa tufala haf, an hemi putum olketa haf blong trifala animol ya long tufala laen, wea wanfala haf long animol hemi stap long wanfala saet an narafala haf blong hem hemi stap long narasaet. Bat tufala bed ya, hemi no splitim tufala.

Jenesis 15:8

Bat Ebram hemi askem hem olsem, “?Yawe God, hao nao bae mi save dat disfala graon ya bae hemi blong mi?”

Sams 50:1

Yawe, hemi God hu hemi garem evri paoa. Hemi sendemaot toktok blong hem fo go long evri ples long wol, stat long ist go kasem west, mekem evri pipol i kam tugeta.

Hosia 6:7

“Olsem wea Adam bin brekem spesol agrimen wea mi bin mekem wetem hem, olketa pipol blong mi i les tu fo tinghevi long mi.

Hosia 8:1

Yawe hemi gohed fo tok olsem, “!Sekiuriti! !Bloum trampet fo wonem olketa pipol! Olketa enemi i redi fo kamdaon nao an tekova long kantri blong mi Yawe, olsem bikfala igol hemi sut kamdaon fo kasholem kokorako. Olketa pipol blong mi i brekem finis disfala agrimen wea mi bin mekem wetem olketa, an olketa les fo obeim tising blong mi nao.

Leta wea Pol hemi raetem go long sios long Rom 2:8

Bat olketa pipol hu i tingim olketa seleva nomoa, an olketa no laekem wanem hemi barava tru, bat olketa falom nomoa olketa ravis wei, olketa ya nao bae God hemi barava kros long olketa an panisim olketa.

Diutronomi 17:2

“Nao long olketa taon wea Yawe hemi givim long yufala, maet wanfala man o woman hemi duim samting wea hemi nating stret long ae blong Yawe an hemi spoelem disfala spesol agrimen blong hem.

Josua 23:16

Yawe nao hemi God blong yumi. Sapos yufala no kipim tambu agrimen wea hemi mekem wetem yumi, an yufala go an baodaon nomoa long olketa narafala god fo mekem wosip long olketa, bae hemi kros tumas long yufala an bae hemi panisim yufala. An sapos yufala duim olsem, bae no eniwan long yufala hemi save stap long disfala gudfala lan wea hemi bin givim finis long yufala.”

Josua 7:11

!Yufala sin nao ya! Yufala bin brekem finis agrimen wea mi bin mekem wetem yufala, an mi bin talem yufala fo obeim. An yufala stilim finis samfala long olketa samting wea i tambu.