Jeremaea 32:7 - Pijin Bible

⁷ Jeremaea. Hanamel, san blong Salum hu hemi brata blong dadi blong yu, bae hemi kam lukim yu an tok olsem long yu, ‘Mi laekem yu fo peimaot pisgraon blong mi wea hemi stap kolsap long taon long Anatot. Yu nao yu wantok wea yu kolsap moa long mi winim eni narafala long famili, an yu garem raet fo peimaot pisgraon ya.’”

Pijin Deuterocanon

⁷ Jeremaea. Hanamel, san blong Salum hu hemi brata blong dadi blong yu, bae hemi kam lukim yu an tok olsem long yu, ‘Mi laekem yu fo peimaot pisgraon blong mi wea hemi stap kolsap long taon long Anatot. Yu nao yu wantok wea yu kolsap moa long mi winim eni narafala long famili, an yu garem raet fo peimaot pisgraon ya.’”

Jeremaea 32:7 Iomraidhean Croise

1 Kings 14:5

Yawe hemi tok olsem long Ahaeja, “Waef blong King Jeroboam hemi kam fo askem yu abaotem pikinini blong hem wea hemi sik. Bae yu mas talem hem olketa samting olsem mi talem long yu. Bat yu save, taem woman ya hemi kam, bae hemi laea olsem wea hemi deferen woman.”

Jeremaea 1:1

Hem ya nao olketa toktok blong Profet Jeremaea, san blong Hilkaea. Dadi blong Jeremaea hemi wanfala long olketa prist wea i stap long taon long Anatot long eria blong traeb long Benjamin.

Jeremaea 11:21

Yawe hemi tok long mi olsem, “Olketa man blong Anatot hu i laekem tumas fo kilim yu, olketa gohed fo tok long yu olsem, ‘!Yu mas stop fo no talemaot moa olketa profesi long nem blong Yawe! An sapos yu gohed fo duim olsem, bae mifala kilim yu dae.’ Dastawe nao mi Yawe hu mi garem evri paoa, mi tok olsem abaotem olketa:

Jeremaea 32:6

Long prisin ya, Jeremaea hemi tok olsem, “Yawe hemi talemaot Mesij blong hem long mi:

Jeremaea 32:8

“Nao kasin blong mi ya Hanamel hemi kam lukim mi long ples blong haos blong king, barava olsem wea Yawe hemi talem, an hemi tok long mi olsem, ‘Mi laekem yu fo peimaot pisgraon blong mi wea hemi stap long distrik long Benjamin, kolsap long taon long Anatot. Hemi gud sapos yu peimaot fo yu seleva, bikos yu nao garem raet long hem.’ “Hem nao mi savegud dat toktok ya hemi barava Mesij blong Yawe nomoa,

Levitikas 25:23

“Sapos eniwan long yufala hemi laek fo salem lan blong hem go long narafala man, bae hemi mas no salemaot finis, bikos lan ya hemi no blong hem, bat hemi blong mi Yawe. Mi givim long yufala mekem yufala yusim, bat yufala i olsem strensa wea yufala stap fo lelebet taem nomoa long lan ya.

Levitikas 25:24

“An evriwea long kantri blong yufala, taem eniwan hemi salemaot lan blong hem long narafala man, hemi mas garem fas raet fo peim fo tekembaek datfala lan wea hemi bin onam bifoa.

Levitikas 25:25

Sapos eniwan long yufala hemi kamap barava pua tumas, an hemi salemaot lan blong hem, oraet, wantok long famili blong hem nao mas peim fo tekembaek datfala lan moa.

Levitikas 25:34

Bat olketa lan raonem eni taon blong traeb blong Livae, olketa no save salemaot. Lan ya hemi blong olketa olowe nao.”

Levitikas 25:49

O hemi save askem angkol blong hem, o eni kasin brata, o eni nara wantok long laen blong hem fo kam peim hem aot moa. O sapos hem seleva hemi save faendem seleni, hemi save peimaot hem seleva fo go fri.

Nambas 35:2

“Talem pipol blong Israel, taem yufala tekova long lan blong olketa, bae yufala mas givim samfala taon wetem lan blong olketa fo traeb blong Livae fo stap long hem.