Jeremaea 32:25 - Pijin Bible

²⁵ An nomata taem hemi kolsap kam wea yu putum disfala taon andanit long paoa blong olketa blong Babilonia, bat yu nao tok olsem long mi, ‘Yu peimaot disfala pisgraon long silva, an stretem olketa bisnis ya long ae blong plande witnes.’”

Pijin Deuterocanon

²⁵ An nomata taem hemi kolsap kam wea yu putum disfala taon andanit long paoa blong olketa blong Babilonia, bat yu nao tok olsem long mi, ‘Yu peimaot disfala pisgraon long silva, an stretem olketa bisnis ya long ae blong plande witnes.’”

Jeremaea 32:25 Iomraidhean Croise

Sams 77:19

Yu bin wakabaot long olketa wev, an yu bin katkros long dipsi, bat no eniwan hemi lukim yu nomoa.

Sams 97:2

Olketa blak klaod nao i stap raonem hem. Hemi rulim olketa pipol an hemi jajem olketa long wei wea hemi barava stret fogud.

Jeremaea 24:10

Bae mi sendem olketa enemi fo kam kilim olketa, an mi sendem tu taem blong hanggre an bikfala ravis sik fo kilim olketa, go-go no eniwan long olketa save stap long disfala lan wea mi bin givim long olketa grani blong olketa bifoa.”

Jeremaea 32:15

Hem nao Yawe hu hemi garem evri paoa, an hu hemi God blong Israel, hemi tok olsem, ‘Bae taem hemi kam wea olketa pipol bae i gohed fo peim olketa haos, an olketa graon fo gaden, an olketa plantesin long grep.’”

Jeremaea 32:24

“Distaem mifala save lukim wei wea olketa enemi bin hipimap ston an graon long botom blong wolston blong disfala taon, mekem hemi isi fo klae go insaet an tekova long hem. Bae yu mekem faet, an hanggre, an bikfala sik nao fo kasem mifala, mekem enemi blong Babilonia ya i save tekova long disfala taon. “Lod Yawe. Yu save lukim dat evrisamting hemi hapen finis barava olsem yu bin talem.

Jeremaea 32:26

Yawe hemi talemaot Mesij blong hem long Jeremaea,

Jeremaea 32:43

Distaem, olketa pipol gohed fo tok olsem, ‘Olketa blong Babilonia bin tekova long disfala lan an spoelem hem, mekem hemi kamap wanfala ravis ples olsem drae eria nomoa wea no eni man o animol save stap long hem.’ Bat bae hemi no olsem. Bihaen, bae pipol i gohed fo peim graon moa long lan ya.

Jeremaea 32:8

“Nao kasin blong mi ya Hanamel hemi kam lukim mi long ples blong haos blong king, barava olsem wea Yawe hemi talem, an hemi tok long mi olsem, ‘Mi laekem yu fo peimaot pisgraon blong mi wea hemi stap long distrik long Benjamin, kolsap long taon long Anatot. Hemi gud sapos yu peimaot fo yu seleva, bikos yu nao garem raet long hem.’ “Hem nao mi savegud dat toktok ya hemi barava Mesij blong Yawe nomoa,

Jeremaea 34:17

“Dastawe nao mi Yawe, mi tok olsem: Yufala les fo obeim mi. Yufala les fo letem olketa wantok blong yufala fo go fri. Oraet, distaem bae mi letem yufala evriwan fo go fri. Bae mi letem yufala go fri fo dae long faet, o fo dae long bikfala sik, o fo dae long taem blong hanggre. Bae mi barava mekful long yufala, mekem pipol long olketa narafala kantri long wol i seke fogud long yufala.

Gudnius abaotem Jisas Kraes wea Jon hemi raetem 13:7

Nao Jisas hemi ansarem hem olsem, “Long distaem, yu no save yet wanem mi duim long yufala ya, bat bihaen nao bae yu save.”