Jeremaea 32:2 - Pijin Bible

² an long taem ya, ami blong Babilonia hemi hipap kam raonem Jerusalem fo mekem faet long hem. Long datfala taem tu, Profet Jeremaea hemi stap long prisin insaet long haos blong king blong Jiuda.

Pijin Deuterocanon

² an long taem ya, ami blong Babilonia hemi hipap kam raonem Jerusalem fo mekem faet long hem. Long datfala taem tu, Profet Jeremaea hemi stap long prisin insaet long haos blong king blong Jiuda.

Jeremaea 32:2 Iomraidhean Croise

2 Kings 25:1

So, long meknaen yia wea King Sedekaea hemi king long Jiuda, long mekten mans long mekten de blong hem, King Nebukadnesa blong Babilonia wetem ami blong hem i kam fo faet agensim Jerusalem. Olketa ya i kam stap aotsaet long Jerusalem, an olketa hipimap graon raonem bikfala wolston blong hem, mekem olketa haed bihaenem fo faet.

Nehemaea 3:25

Palal, san blong Usae, hemi wakem neks haf blong hem, wea hemi stat long kona ya blong wolston wea disfala taoa antap long gadhaos long haos blong king hemi stap long hem. Pedaea, san blong Paros, wetem olketa wakaman long Tambuhaos hu i stap long hil long Ofel, olketa wakembaek moa neks haf blong wolston ya go kasem ples kolsap long Wata Geit an bikfala taoa blong olketa sekiuriti.

Sams 88:8

Yu bin mekem olketa fren blong mi fo lusim mi nao. Ya, yu bin mekem olketa fo barava les long mi nao. Yu bin kipim mi insaet long olketa trabol ya an mi no save ranawe nao.

Jeremaea 32:3

King Sedekaea ya bin putum Jeremaea long prisin bikos hemi talemaot profesi blong God. King ya hemi bin tok olsem long Jeremaea, “?Waswe nao yu gohed fo talemaot profesi agensim mi olsem? Yu bin talem, ‘Yawe nao hemi tok olsem: Bae mi putum disfala taon andanit long paoa blong king blong Babilonia, mekem hemi tekova long hem.

Jeremaea 32:8

“Nao kasin blong mi ya Hanamel hemi kam lukim mi long ples blong haos blong king, barava olsem wea Yawe hemi talem, an hemi tok long mi olsem, ‘Mi laekem yu fo peimaot pisgraon blong mi wea hemi stap long distrik long Benjamin, kolsap long taon long Anatot. Hemi gud sapos yu peimaot fo yu seleva, bikos yu nao garem raet long hem.’ “Hem nao mi savegud dat toktok ya hemi barava Mesij blong Yawe nomoa,

Jeremaea 33:1

Taem Profet Jeremaea hemi stap long prisin yet insaet long haos blong king, Yawe hemi talemaot Mesij blong hem long Jeremaea long mektu taem.

Jeremaea 34:1

Hem ya nao Mesij wea Yawe hemi talemaot long Jeremaea long taem wea King Nebukadnesa blong Babilonia wetem olketa soldia blong hem, an olketa pipol blong olketa narafala kantri long bikfala kingdom wea hemi gohed fo rul ovarem, olketa ya i gohed fo faet agensim Jerusalem wetem olketa vilij wea i stap raonem. Yawe hemi talemaot Mesij ya olsem,

Jeremaea 36:5

Bihaen, hemi tok olsem long Baruk, “Distaem, olketa no letem mi go insaet long Tambuhaos blong Yawe.

Jeremaea 37:15

Taem olketa herem toktok blong komanda ya, olketa kros tumas long profet, an olketa talem long olketa man blong olketa fo i wipim hem nogud. Taem olketa wipim hem finis, olketa karim hemi go long haos blong Jonatan, hu hemi minista blong King, wea olketa yusim olsem prisin.

Jeremaea 37:21

Nao King Sedekaea hemi givim strongfala toktok long olketa sekiuriti, mekem olketa no tekem Jeremaea gobaek moa long haos ya, bat wea olketa mas kipim nomoa long ples long haos blong hem, wea olketa sekiuriti i stap long hem. So Profet hemi stap long prisin long ples ya nomoa, an evri de, olketa man blong king i givim gudfala bred long hem, go-go kasem taem wea bred hemi finis nao.

Jeremaea 37:4

Long datfala taem, king hemi no putum profet ya go long prisin yet, so hemi save gohed fo wakabaot wetem olketa pipol.

Jeremaea 38:13

an olketa jes pulum hem aot kam antap moa. Den olketa holem hem an kipim hem moa long ples long haos blong king, wea olketa sekiuriti i stap long hem.”

Jeremaea 38:6

So olketa tekem profet ya, an taengem hem long rop, an olketa putum hemi godaon insaet long bikfala ren tangk wea hemi stap insaet long graon. Disfala ren tangk hemi blong Malkaeja, san blong king, an hemi stap long ples ya long haos blong king, wea olketa sekiuriti i stap long hem. Ren tangk ya hemi no garem wata long hem, bat dip mad nomoa. An profet ya hemi barava singdaon insaet long mad ya nao.

Matiu 5:12

Hem nao ya, yufala mas barava hapi fogud, bikos God bae hemi letem yufala joenem kingdom blong heven. Yufala ya, yufala wankaen wetem olketa profet blong God long bifoa kam, bikos olketa pipol i meksave long olketa olsem tu ya.