Jeremaea 31:40 - Pijin Bible

⁴⁰ Vali blong Ded Bodi an Asis an olketa gaden antap long vali long Kidron go-go kasem Geit blong Hos long saet long ist, disfala eria hemi barava tambu blong mi. No eniwan bae hemi save brekemdaon disfala taon moa, an olketa no save spoelem moa enitaem.” Hem nao mesij blong Yawe.

Pijin Deuterocanon

⁴⁰ Vali blong Ded Bodi an Asis an olketa gaden antap long vali long Kidron go-go kasem Geit blong Hos long saet long ist, disfala eria hemi barava tambu blong mi. No eniwan bae hemi save brekemdaon disfala taon moa, an olketa no save spoelem moa enitaem.” Hem nao mesij blong Yawe.

Jeremaea 31:40 Iomraidhean Croise

2 Samuel 15:23

Taem king wetem evriwan i go, olketa pipol blong Jerusalem i gohed fo krae bikfala. Den king hemi go akros long vali long Kidron, an olketa pipol i go falom rod fo kasem drae eria.

2 Kings 11:16

So olketa kasholem hem, an olketa tekem hem go long geit wea olketa hos go insaet long ples blong king. An olketa kilim hem dae long dea.

2 Kings 23:12

Samfala olta i stap wea olketa king blong Jiuda i bin wakem antap long haos blong king kolsap long rum blong King Ehas bifoa. King Josaea hemi brekemdaon olketa. An hemi brekemdaon olketa olta wea King Manase hemi bin wakem long tufala eria raonem Tambuhaos blong Yawe. Hemi barava pisisim olketa olta ya, an hemi torowem olketa ravis ya long Kidron Vali.

2 Kings 23:6

An tambu kaving blong woman god ya Asera wea hemi stap long Tambuhaos blong Yawe, King Josaea hemi tekemaot an karim go aotsaet long Jerusalem an bonem long Kidron Vali. Hemi hitim olketa asis ya go-go kamap olsem dast, den hemi torowem olobaot go long beregraon blong olketa pipol ya.

2 Kronikols 23:15

So olketa kasholem hem, an olketa tekem hem go long geit wea olketa hos go insaet long ples blong king. An olketa kilim hem dae long dea.

Nehemaea 3:28

Wanfala grup blong olketa prist i wakem neks haf blong wolston ya, stat long Hos Geit go long not. Disfala haf blong wolston ya hemi stap frant long olketa haos blong olketa prist, an evriwan long olketa i wakembaek moa smol haf wea hemi stap kolsap long haos blong hem.

Sams 48:9

God, insaet long Tambuhaos blong yu, mifala tingim wei wea oltaem yu lavem mifala tumas.

Aesaea 51:22

Yawe nao, hu hemi God an Masta blong yufala an hemi gadem yufala olketa pipol blong hem, hemi tok olsem, “Bae mi tekemaot disfala ful kap ya long kros blong mi from yufala, wea mi bin panisim yufala long hem. An bae yufala no dring moa long disfala kap wea hemi mekem yufala fo wakabaot krangge olobaot.

Jeremaea 1:10

Tude mi givim long yu paoa fo ovarem olketa kantri wetem pipol blong olketa, fo tekemaot olketa, an brekemdaon olketa, an spoelem olketa finis, an tekova long olketa, an fo bildimbaek olketa moa, an mekem olketa fo kamap strong moa.”

Jeremaea 18:7

Sapos enitaem mi talemaot dat bae mi tekemaot olketa pipol long wanfala kantri, an bae mi brekemdaon olketa taon blong olketa, an bae mi spoelem olketa finis,

Jeremaea 32:36

Yawe hemi gohed fo tok olsem, “Jeremaea. Yufala gohed fo talemaot dat bae mi mekem faet, an hanggre, an bikfala sik nao fo kasem yufala, mekem king blong Babilonia ya hemi save tekova long disfala taon. An toktok ya hemi tru. Bat distaem mi Yawe, hu mi God blong Israel, mi tok olsem:

Jeremaea 8:2

Bae olketa bon ya i stap olobaot nomoa antap long graon andanit long san, an long mun, an long olketa sta wea olketa pipol ya i aftarem, an lavem tumas, an mekem wosip long olketa. Bae no eniwan hemi hipimap olketa bon ya fo berem, an bae olketa i olsem ravis wea hemi stap nomoa long graon.

Esikiel 37:2

Hemi lidim mi goraon long ples ya, an mi lukim staka bon blong olketa man dae nao hemi stap. Olketa bon ya i barava drae fogud.

Esikiel 37:25

Bae olketa stap long disfala lan wea mi bin givim bifoa long grani blong olketa Jekob, hu hemi wakaman blong mi. Hem nao lan wea olketa grani blong olketa bifoa i bin stap long hem. Bae olketa wetem olketa pikinini blong olketa, an olketa wea bae i bon kam bihaen long olketa, save stap long ples ya olowe nao. An bae disfala king long laen blong King Deved hemi rul ovarem olketa fo evritaem olowe nao.

Esikiel 39:29

Bae mi putum spirit blong mi insaet long olketa pipol blong Israel, an bae mi no les moa long olketa. Hem nao mesij blong mi Lod Yawe.”

Esikiel 48:35

“Longfala blong bikfala wolston wea hemi goraonem taon ya bae hemi 9,000 mita. An stat long datfala taem ya, bae yufala gohed fo talem nem blong taon ya olsem, Yawe-Sama, wea hemi minim ‘Yawe hemi stap long dea.’”

Joel 3:17

Yawe hemi tok olsem, “Hem nao yufala pipol blong Israel bae i save dat mi nao Yawe, an mi nao God blong yufala. Mi stap long tambu maonten blong mi ya Saeon, an taon long Jerusalem bae hemi wanfala tambu ples blong mi, an no eniwan bae hemi winim moa.”

Sekaraea 14:11

Olketa pipol blong ples ya bae i stap gudfala fo evritaem olowe. Bae no enisamting hemi save kam fo spoelem hem. Bae Jerusalem hemi sef.

Sekaraea 14:20

Long datfala de, olketa bel wea i hang long olketa strap blong olketa hos, bae olketa raetem disfala toktok long olketa olsem, ?Mektambu fo Yawe.? An olketa sospen wea i stap insaet long Tambuhaos, bae i kamap tambu, barava olsem olketa tambu besin wea i stap kolsap long olta.

Gudnius abaotem Jisas Kraes wea Jon hemi raetem 18:1

Taem Jisas hemi prea olsem finis, hemi goaot nao wetem olketa disaepol blong hem, an olketa katkros go long narasaet long disfala vali long Kidron. An olketa go insaet long wanfala gudfala eria wea olketa plantem olketa tri long hem.