Jeremaea 30:19 - Pijin Bible

¹⁹ Nao bae olketa hapi tumas an singsing fo tengkiu long mi. Bae mi blesim olketa, mekem olketa kamap plande tumas an no wikdaon. Bae mi blesim olketa, mekem olketa pipol i tinghae long olketa an no save tingdaonem olketa moa.

Pijin Deuterocanon

¹⁹ Nao bae olketa hapi tumas an singsing fo tengkiu long mi. Bae mi blesim olketa, mekem olketa kamap plande tumas an no wikdaon. Bae mi blesim olketa, mekem olketa pipol i tinghae long olketa an no save tingdaonem olketa moa.

Jeremaea 30:19 Iomraidhean Croise

Esra 6:22

Long sevenfala de nao, olketa hapi tumas, an olketa mekem disfala Bikde blong Bred wea hemi No Garem Eni Yist. Olketa hapi bikos Yawe hemi waka insaet long tingting blong king ya blong Asiria, mekem hemi helpem olketa fo wakembaek moa Tambuhaos ya blong God blong Israel.

Nehemaea 8:12

Nao olketa evriwan i gohom, wetem hapi tingting, an olketa mekem bikfala fist. Olketa searem samfala kaikai an waen wetem olketa pipol hu i no garem naf. Olketa hapi tumas bikos olketa minimgud olketa toktok ya wea Esra hemi ridimaot go long olketa.

Nehemaea 8:17

Evriwan wea i kambaek from Babilonia, olketa wakem olketa smolfala lif haos, an stap long hem. Stat long taem blong Josua, san blong Nun, kam kasem datfala de, olketa long laen blong Israel i nating bin mekem bikde ya bikfala olsem. An olketa evriwan i hapi tumas.

Sams 53:6

Mi laekem tumas, sapos God blong yumi olketa Israel pipol, wea hemi stap long Saeon, fo hemi kam an mekem yumi win. An taem wea God hemi mekem yumi fo garem gudfala laef moa, yumi olketa pipol blong Jekob wea narafala nem blong hem nao Israel, bae i barava hapi fogud. (Singsing blong Deved. Hemi wakem bihaen long taem wea olketa blong taon long Jif i talem long Sol wea Deved hemi haed long ples blong olketa. Singsing ya hemi fo singim wetem stringban.)

Aesaea 12:1

(Profet) !Olketa pipol blong mi! Long taem ya, olketa laen blong yumi bae i singim wanfala singsing wea toktok long hem hemi olsem, “!Yawe! !Mi preisim yu! Bifoa, yu bin kros long mi, bat distaem, kros blong yu ya hemi finis nao, an yu mekem mi filgud moa.

Aesaea 26:15

Yawe. Yu bin mekem kantri blong mifala ya fo bikfala moa, an yu muvum spialaen blong evri saet long lan ya fo go farawe moa. Dastawe nao mifala mekhae long nem blong yu.

Aesaea 27:6

Long taem wea bae hemi kam, Israel bae hemi grou olsem wanfala tri wea rut blong hem hemi godaon insaet long gudfala graon, an hemi garem staka flaoa, an disfala wol bae hemi fulap long olketa frut blong hem.

Aesaea 35:10

Ya, olketa wea Yawe hemi peimaot finis bae i wakabaot kambaek long Jerusalem. An taem olketa kambaek long Saeon, bae olketa singaot bikfala bikos olketa hapi tumas. Bae olketa nating save sore an krae moa, bikos olketa hapi olowe nomoa long ples ya.

Aesaea 51:11

Ya, olketa wea Yawe bin peimaot, bae i kambaek long Jerusalem. An taem olketa kambaek long Saeon, bae olketa singaot bikfala bikos olketa i hapi tumas. Bae olketa nating save sore an krae moa long ples ya, bikos olketa i hapi olowe nomoa.

Aesaea 51:3

Bikos mi duim olketa samting ya nao, yufala mas save dat bae mi somaot sore blong mi long yufala pipol blong Israel wetem olketa ples blong yufala wea i foldaon finis long pisis. Nomata olketa lan long yufala hemi kamap wanfala drae eria, bae mi mekem hemi kamap wanfala nambawan gaden, olsem Gaden ya long Iden. Olketa pipol hu i stap long olketa ples ya bae i hapi olowe, an bae olketa singsing fo preisim mi, an fo talem tengkiu long mi.

Aesaea 52:9

!Nomata taon blong yufala ya Jerusalem, hemi nogud tumas distaem, yufala mas hapi an singaot bikfala! Yawe bae hemi mekem tingting blong yufala fo gudbaek moa, an bae hemi mekem yufala fri.

Aesaea 55:5

“Wakaman blong mi. Bae yu kolem kam olketa pipol blong olketa narafala kantri wea yu no bin save long olketa fastaem. An olketa hu i no bin save long yu, bae olketa ran kam long yu. Mi nao bae mi mekem olketa samting ya fo hapen olsem, bikos mi nao Yawe hu mi Holi God blong Israel, mi mekhae blong yu.”

Aesaea 60:19

Bae san hemi no laet moa fo yufala long de, an mun bae hemi no laet moa fo yufala long naet. Bat mi Yawe nao, bae mi laet blong yufala fo evritaem olowe nao. Ya, laet long saen blong bikfala paoa blong mi hu mi God blong yufala, bae hemi saen kam long yufala olowe.

Aesaea 60:22

Nomata olketa famili long yufala i smolfala, an i lou long olketa narafala famili, bat bae olketa kamap plande fogud an strong olsem wanfala bikfala strong kantri. Mi nao Yawe, an bae mi mekem olketa samting ya fo hapen kuiktaem nomoa long barava taem blong hem.”

Aesaea 60:9

Olketa pipol blong yufala long olketa farawe kantri i bin weitem Yawe. An long taem ya, olketa bikfala kago sip nao i lidim kam olketa narafala sip. Olketa tekem kam olketa pipol blong yufala wetem olketa gol an silva, an givim go long Yawe hu hemi Holi God blong Israel fo mekhae long hem. Olketa kam fo mekhae long Yawe bikos olketa lukim dat hemi haemapem yufala.

Jeremaea 17:26

Bae olketa pipol i kam long Jerusalem fo wosipim mi. Bae olketa kam from olketa taon blong Jiuda, an from olketa vilij kolsap long Jerusalem, an from distrik long Benjamin. Bae olketa pipol i kamdaon from olketa maonten, an kam from olketa smolfala hil long west, an from drae eria long Jiuda long saot. Taem olketa kam long Tambuhaos blong mi Yawe, bae olketa tekem kam olketa animol fo mekem sakrifaes wea hemi barava bone, an olketa narafala sakrifaes, wetem olketa ofaring long kaikai blong gaden, an insens, an olketa ofaring fo talem tengkiu long mi.

Jeremaea 3:16

Long datfala taem wea yufala kamap plande, bae yufala no tingim an tokabaotem moa Tambu Bokis blong Spesol Agrimen wetem mi. An bae yufala no nid fo wakem narafala tambu bokis moa.

Jeremaea 31:27

“Mi Yawe mi talem yufala tru nao. Taem bae hemi kam wea mi mekem olketa pipol an olketa animol fo kamap plande fo olketa long olketa traeb blong Israel an olketa long traeb blong Jiuda, olsem man wea hemi wakem gudfala graon, mekem plande kaikai hemi kamap.

Jeremaea 31:4

Yufala i pipol blong mi. Bae mi stanemap yufala blong Israel, mekem yufala kamap strong moa. So bae yufala pleim tamborin an dans fo hapi.

Jeremaea 33:22

Bae mi mekem olketa long laen blong Deved, hu hemi wakaman blong mi, an olketa prist long traeb blong Livae i kamap plande tumas, olsem olketa sta long skae, an olsem sanbis long solwata, wea man hemi no save kaontem.”

Esikiel 36:37

Lod Yawe nao hemi gohed fo tok olsem, “Bae mi letem moa olketa pipol blong Israel fo askem mi fo helpem olketa. An bae mi mekem olketa fo kamap barava plande fogud, olsem wanfala bikfala grup long olketa sipsip.

Esikiel 37:10

So mi duim olsem hemi talem, an win hemi go nao insaet long olketa bodi ya. An olketa kamap laef an stanap nao. Olketa i staka fogud nao olsem wanfala bikfala ami wea i hipap long ples ya.

Esikiel 37:26

Bae mi mekem strongfala promis wea bae olketa save stap gudfala long piis, an bae hemi wanfala promis wea hemi no save finis. Ya, bae mi blesim olketa, an mekem olketa kamap plande fogud. An bae mi mekem tambuples blong mi fo stanap long disfala lan blong olketa fo evritaem olowe.

Sekaraea 10:8

Bae mi kolem kam olketa pipol blong mi fo hipap tugeta. Bae mi sevem olketa, an mekem olketa evriwan fo kamap plande fogud olsem bifoa.

Sekaraea 12:8

Long datfala de, bae mi olsem wanfala sil fo gadem olketa wea i stap long Jerusalem. Nomata samfala long olketa i wik fogud, bat bae mi mekem olketa evriwan fo kamap strong olsem King Deved bifoa. An olketa long laen blong King Deved, bae i olsem God long olketa, an olsem Enjel blong mi Yawe hu hemi gohed fo lidim olketa.

Sekaraea 2:4

An narafala enjel ya hemi tok olsem long hem, ?Yu resis go fo talem disfala yang man wea hemi holem making teip ya wea Yawe hemi tok olsem, ?Jerusalem bae hemi fulap long plande pipol an plande animol tu. Ples ya bae hemi kamap bikfala fogud, wea olketa no nid fo bildim wolston raonem.

Sekaraea 8:19

Hemi tok olsem, ?Olketa pipol blong Jiuda. Evri yia long mekfoa mans, an long mekfaev mans, an long mekseven mans, an long mekten mans, yufala bin mekem bikde wea yufala stop fo no kaikai. Bat distaem, olketa mans ya bae i kamap mans fo mekem fist, mekem yufala i hapi. Yufala mas laekem tumas tru toktok an stap gudfala tugeta long piis.

Gudnius abaotem Jisas Kraes wea Jon hemi raetem 17:22

An saen blong bikfala paoa wea yu givim kam long mi ya, mi givim go long olketa nao, mekem olketa kamap wan olsem yumitufala i wan nomoa.

1 Pita 1:7

Olketa save putum gol insaet long faea fo testem an mekem klin gudfala, nomata gol ya hemi save lus nomoa. Nao biliv blong yufala hemi bikfala samting winim gol. An olketa samting wea yufala safa long hem, hemi kam fo testem biliv blong yufala an mekem hem strong gudfala. Long de wea Jisas Kraes bae hemi kambaek moa, bae hemi preisim yufala an liftimap nem blong yufala an tokhae long yufala.