Jeremaea 30:13 - Pijin Bible

¹³ No eniwan hemi saetem yufala. An no eni meresin tu hemi stap fo hilim soa ya moa.

Pijin Deuterocanon

¹³ No eniwan hemi saetem yufala. An no eni meresin tu hemi stap fo hilim soa ya moa.

Jeremaea 30:13 Iomraidhean Croise

Stori abaotem Job 34:29

?Waswe, sapos God hemi herem olketa, bat hemi no duim enisamting, hu nao hemi garem paoa fo talem dat hemi rong? ?Sapos God hemi haedem fes blong hem, hu nao save lukim hem? Bat hemi kontrolem olketa pipol an olketa kantri,

Stori abaotem Job 5:18

Hemi save mekem man fo garem soa, bat hemi save putum meresin long hem tu. Hemi save mekem man fo garekil, bat hemi save mekem hem gud baek moa.

Sams 106:23

So God hemi talem dat bae hemi spoelem olketa pipol blong hem. Bat Mosis hu God hemi bin siusim fo wakaman blong hem, hemi agensim tingting blong God. So hemi stopem God fo no kros an fo no spoelem olketa.

Sams 142:4

Taem mi luk raonem mi, mi nating lukim nao eniwan fo hemi helpem mi o fo gadem mi. Ya, no eniwan nao fo hemi lukaftarem mi.

Eksodas 15:26

Hemi tok olsem, “Sapos yufala barava obeim mi, Yawe God blong yufala, an sapos yufala duim wanem nao hemi stret long ae blong mi, an sapos yufala lisin long olketa rul blong mi, an sapos yufala falom olketa lo blong mi, bae mi nating sendem long yufala olketa sik wea mi bin sendem kam long olketa blong Ijip. Mi nao Yawe hu mi hilim yufala.”

Aesaea 1:6

Ya, yufala olsem man wea hemi sik stat long hed blong hem go kasem lek blong hem. Hemi garekil evriwea long bodi blong hem, an hemi garem olketa soa long bodi blong hem. An no eni man hemi klinim olketa soa ya, o putum meresin long olketa, o paselem olketa.

Aesaea 59:16

Hemi sapraes tumas fo lukim dat no eniwan nao save helpem olketa pipol wea olketa narafala pipol i bin mekem olketa safa. So, bikos Yawe hemi falom olowe nomoa stretfala wei blong hem fo kipim olketa promis blong hem, hemi yusim paoa blong hem fo sevem olketa pipol wea narafala pipol i mekem olketa safa.

Jeremaea 14:19

(Profet) O Yawe. ?Waswe, yu les finis long mifala olketa pipol blong yu long Jiuda? ?Waswe, yu heitem olketa pipol blong Saeon? ?Sapos nomoa, waswe nao yu gohed fo mekem trabol fo kasem mifala olsem, wea mifala kanduit kambaek gudfala moa? Mifala laekem nomoa fo stap gudfala long piis, bat no eni gudfala samting hemi hapen. Mifala laek fo taem hemi kamap wea olketa sik blong mifala hemi finis, bat bikfala trabol nomoa hemi kam kasem mifala, mekem mifala fraet fogud.

Jeremaea 17:14

O Yawe. Yu nomoa mi gohed fo preisim. Plis yu hilim mi, an bae mi gudbaek moa. Plis yu sevem mi, an bae mi save stap sef.

Jeremaea 30:17

Bat yufala, bae mi mekem yufala i gudbaek moa an hilim evri sik an soa blong yufala. Mi duim olsem, bikos olketa sei wea mi ronemaot yufala, an wea no eniwan hemi tinghevi long Saeon.” Hem nao mesij blong Yawe.

Jeremaea 33:6

Bat nomata olsem, bihaen, bae mi mekem disfala taon hemi kamap gud moa. Bae mi mekem olketa pipol blong hem i kamap strong moa, an bae mi mekem olketa ya i stap gudfala moa long piis.

Jeremaea 46:11

“Olketa pipol blong Ijip. Yufala go long Gilead, an lukaotem meresin long datfala ples. Bat nomata yufala i faendem meresin ya, no enisamting hemi garem paoa fo hilim yufala nao.

Jeremaea 6:7

Olketa ravis wei blong olketa i olsem springwata wea hemi gohed fo ran olowe nomoa. Oltaem mi herem olketa man i gohed fo faet long disfala taon, wea olketa spoelem evrisamting. Taon ya hemi olsem man wea hemi barava sik, an hemi garem plande kil tu long bodi.

Jeremaea 8:22

Plande meresin blong Gilead hemi stap, an olketa dokta tu i stap long ples ya. ?Bat waswe nao olketa sik blong olketa pipol blong mi i no finis?

Lamentesin 2:13

!O Jerusalem blong mi! ?Wanem nao mi save talem long yu fo helpem yu? !O Jiuda blong mi! ?Hao nao mi save liftimap tingting blong yu? Trabol blong yu hemi barava bik tumas, an no eniwan save mekem yu gudbaek moa.

Esikiel 22:30

“Taem mi kros tumas an mi redi fo spoelem lan ya, mi trae fo faendem wanfala long olketa hu hemi save bildimbaek wolston long taon, an fo hemi stanap long open ples long wolston ya fo gadem lan ya, mekem mi no save spoelem. Bat mi nating faendem nomoa eniwan olsem.

Esikiel 30:21

“Man blong graon. Mi nao mi brekem paoa blong disfala king blong Ijip. Hemi olsem man wea han blong hem hemi brek finis. No eniwan hemi taengem long bandes o taengem kaleko raonem nek blong hem fo hangem, mekem hemi save kamap gud moa. Han ya, hemi no strong nao fo hole strong long naef fo faet.

Hosia 14:4

Yawe hemi tok olsem, “Kros blong mi long olketa blong Israel hemi finis nao. So, bae mi somaot bikfala lav blong mi fo olketa. Nomata olketa bin falom olketa nogud wei, bae mi mekem olketa fo gudbaek moa.

Hosia 6:1

Olketa pipol i tok olsem, “!Olketa! !Yumi gobaek long Yawe! Hem nao hemi letem disfala sik fo kasem yumi, bat hemi save finisim nomoa sik ya from yumi. Hem nomoa hemi mekem yumi garem olketa soa ya, bat hemi save mekem yumi fo kamap gud moa.

Neiham 3:19

Yu olsem wanfala man wea hemi garekil fogud, an no eni meresin save kiurim. Olketa soa blong yu bae hemi kilim yu dae. An evriwan hu hemi herem nius ya bae hemi hapi tumas, an bae hemi klapem han blong hem. Evri pipol nao i hapi tumas long dae blong yu, bikos yu bin gohed fo mekem evriwan safa tumas.

Diutronomi 32:39

Yufala mas save. !Mi nomoa mi God! !No eni narafala god hemi stap! Mi save mekem man hemi dae, an mi save mekem man hemi laef. Mi save mekem man hemi garekil, an mi save mekem hem gudbaek moa. No eniwan save stopem olketa samting wea mi duim.

1 Pita 2:24

Taem Kraes hemi dae long kros, hemi karim tu olketa sin blong yumi long bodi blong hem. Long disfala wei, yumi save lusim wei blong sin an yumi save laef moa long wei wea hemi stret long ae blong God. An from olketa kil long bodi blong hem, hemi bin mekem yufala gudbaek moa.

1 Jon 2:1

So olketa pikinini blong mi, mi raet go long yufala, mekem yufala no duim eni ravis samting. Bat sapos eniwan hemi duim eni ravis samting, bae Jisas Kraes save helpem hem. Bikos hem nao hemi barava stret, an hemi save tok go long Dadi blong yumi fo helpem yumi.