Jeremaea 3:20 - Pijin Bible

²⁰ Bat yufala i olsem nomoa woman wea hemi no save stap tru long hasban blong hem. !O pipol blong Israel! !Yufala no stap tru long mi!” Hem nao mesij blong Yawe.

Pijin Deuterocanon

²⁰ Bat yufala i olsem nomoa woman wea hemi no save stap tru long hasban blong hem. !O pipol blong Israel! !Yufala no stap tru long mi!” Hem nao mesij blong Yawe.

Jeremaea 3:20 Iomraidhean Croise

Aesaea 24:16

Bae yumi herem olketa pipol long farawe kantri narasaet long wol i singsing fo preisim God hu hemi stret olowe. Bat mi tok olsem, “!Man! !Mi dae finis nao! !An bodi blong mi hemi bon nating tu! Olketa fren blong mi i laea nomoa long mi, an letem mi go long han blong olketa enemi blong mi. Oltaem, wei blong olketa fo laea, hemi kamap wos fogud.”

Aesaea 48:8

Mi save finis, wea mi no save trastem yufala. An mi save finis wea yufala bin agensim mi from taem wea yufala bin bon kam long disfala wol. Dastawe nao mi no bin talemaot olketa samting ya long yufala, an dastawe nao yufala no bin herem olketa samting ya.

Jeremaea 12:1

(Profet) O Yawe. Long evri taem mi talemaot poen blong mi agensim yu, yu gohed fo somaot dat yu stret fogud. Bat mi laek fo askem samfala kuestin long yu abaotem wei blong yu fo jajem pipol. ?Waswe nao olketa man nogud gohed fo win oltaem? ?An waswe nao olketa hu i no stap tru long yu, olketa garem gudfala laef?

Jeremaea 5:11

Olketa pipol blong Israel wetem olketa pipol blong Jiuda i no save stap tru long mi nao.

Hosia 3:1

(Profet) Yawe hemi tok moa olsem long mi, “Yu go somaot moa lav blong yu fo waef blong yu. Nomata hemi gohed fo durong wetem olketa narafala man, bat yu mas somaot dat yu lavem hem tumas. Yu mas lavem hem barava olsem wea mi lavem olketa pipol blong Israel. Nomata olketa pipol ya i gohed fo falom olketa narafala god, an tekem olketa grep wea hemi drae an givim go long olketa olsem tambu ofaring blong olketa, bat mi gohed fo barava lavem olketa nomoa.”

Hosia 5:7

Olketa lusim Yawe, hu hemi olsem hasban blong olketa, an olketa brekem lo blong marit. Dastawe nao olketa pikinini blong olketa, i no blong hem. Olketa i olsem pikinini blong juri woman nomoa. Bikos olketa wosipim olketa narafala god, no longtaem bae Yawe hemi spoelem olketa wetem lan blong olketa. Bae olketa blong Jiuda i faet agensim olketa blong Israel

Hosia 6:7

“Olsem wea Adam bin brekem spesol agrimen wea mi bin mekem wetem hem, olketa pipol blong mi i les tu fo tinghevi long mi.

Malakae 2:11

Yufala long Jiuda i brekem finis disfala spesol agrimen wea yumi bin mekem wetem God. Ya, yufala long Jerusalem an long evri narafala ples long kantri ya i duim barava ravis samting. Long wei wea yufala maritim olketa woman blong narafala kantri wea i wosipim olketa narafala god, yufala mekravis long haos blong Yawe wea hemi barava laekem tumas.