Jeremaea 28:15 - Pijin Bible

¹⁵ Den Profet Jeremaea hemi tok olsem long Profet Hananaea, “!Hananaea! !Lisin kam! !Yawe hemi no sendem yu ya! An yu gohed fo mekem olketa pipol fo bilivim laea toktok blong yu.

Pijin Deuterocanon

¹⁵ Den Profet Jeremaea hemi tok olsem long Profet Hananaea, “!Hananaea! !Lisin kam! !Yawe hemi no sendem yu ya! An yu gohed fo mekem olketa pipol fo bilivim laea toktok blong yu.

Jeremaea 28:15 Iomraidhean Croise

1 Kings 22:23

An Maekaea hemi tok olsem moa, “Samting wea mi lukim, hemi hapen finis. Yawe hemi mekem devoldevol fo laea hemi kam long olketa profet blong yu, mekem olketa laea long yu nomoa. Bat wea, Yawe hemi talem finis dat bikfala trabol bae kasem yu.”

Jeremaea 20:6

An yu Pasua, bae olketa enemi i holem yu wetem olketa famili blong yu, an fosim yufala fo go long Babilonia. An yufala wetem olketa wantok blong yu wea oltaem yu gohed fo talemaot laea profesi long olketa, bae yufala evriwan i dae long ples ya, an bae olketa berem yufala long dea nao.’”

Jeremaea 23:21

“Mi no sendem olketa profet ya, bat nomata olsem, olketa gohed nomoa fo talemaot mesij blong olketa seleva. Mi no givim eni toktok long olketa fo talemaot, bat olketa gohed nomoa fo talemaot laea profesi blong olketa seleva.

Jeremaea 23:31

Ya, mi barava agensim nao olketa hu i gohed fo tok olsem, ‘Yawe nao hemi tok olsem’ bat toktok ya hemi blong olketa nomoa.

Jeremaea 27:15

Yawe nao hemi tok olsem, ‘!Mi no sendem olketa ya! Olketa gohed fo talemaot nomoa laea profesi long nem blong mi. Dastawe nao bae mi fosim yufala wetem olketa profet ya fo lusim lan blong yufala, an bae yufala dae long ples wea hemi farawe.’”

Jeremaea 28:11

an hemi tok olsem long ae blong olketa pipol ya, “Yawe nao hemi tok olsem: Long wei ya nao, bifoa tufala yia hemi finis bae mi brekem paoa blong King Nebukadnesa ovarem evri kantri.” Taem Profet Hananaea hemi talemaot toktok ya finis, Profet Jeremaea hemi stanap, an hemi go.

Jeremaea 29:23

Panis blong tufala ya hemi fitim, bikos tufala gohed fo duim olketa ravis samting wea hemi barava nogud tumas. Tufala gohed fo brekem lo blong marit wetem waef blong olketa wantok, an tufala gohed fo talemaot laea toktok long nem blong mi, wea mi no talem long tufala nomoa. Mi save finis long olketa ravis samting wea tufala gohed fo duim, an mi seleva nao mi witnes agensim tufala ya.” Hem nao mesij blong Yawe.

Jeremaea 29:8

“Yufala mas no lisin long olketa laea toktok blong olketa profet an olketa majik man wea i stap wetem yufala. Yufala mas no lisin long olketa spesol drim wea yufala laekem olketa fo lukim.

Jeremaea 7:8

“!Bat yufala lukim! Distaem yufala gohed fo trastem nomoa olketa laea toktok wea hemi yusles fo helpem yufala.

Lamentesin 2:14

Olketa spesol drim blong profet blong yu i laea nomoa an yusles. Olketa drim ya i no somaot sin blong yu, mekem yu tane from hem, an sevem yu from bikfala trabol ya. Olketa profesi wea i talemaot i laea nomoa, an lidim yu fo falom rong rod.

Esikiel 13:22

“Mi nating laekem olketa stretfala pipol fo sore, bat yufala gohed fo mekem tingting blong olketa wikdaon long olketa laea blong yufala. Yufala gohed fo helpem olketa nogud pipol, an olketa no save tanebaek nao from ravis wei blong olketa, mekem olketa save sevem laef blong olketa.

Esikiel 13:6

Olketa profet blong yufala i talemaot nomoa olketa laea abaotem spesol drim wea olketa nating lukim, an olketa talemaot tu laea wea i kam from yusles wei wea olketa wakem grinlif. Olketa talem, ‘Hem nao mesij blong Yawe,’ bat mi Yawe mi nating sendem olketa. Nomata olsem, olketa tingse toktok blong olketa ya bae hemi hapen.

Esikiel 13:9

Bae mi panisim evri profet wea hemi laea abaotem olketa spesol drim, an laea tu fo talem dat samting bae hemi hapen. An bae yufala no save joen wetem olketa lida blong olketa pipol blong mi taem olketa kam tugeta fo miting. Nem blong yufala bae hemi no stap insaet long list blong olketa pipol blong Israel, an bae yufala kanduit gobaek moa long lan blong Israel. Long datfala taem, bae yufala jes save dat mi nao Lod Yawe.

Esikiel 22:28

Olketa profet blong olketa i gohed fo haedem nomoa evri ravis samting wea olketa ya i duim olsem waet penda wea man hemi pendam long wol wea hemi doti. Ya, olketa gohed fo laea abaotem olketa spesol drim an olketa samting wea olketa talem bae hemi hapen. Olketa talem olsem, ‘Lod Yawe nao hemi tok olsem,’ bat mi nating talem enisamting long olketa.

Sekaraea 13:3

An sapos wanfala man hemi gohed fo talem dat mesij blong hem hemi wanfala profesi, dadi an mami blong hem bae tufala tok olsem long hem, ?Yu mas dae, bikos yu talem dat yu wanfala profet, bat yu laea nomoa.? Long sem taem wea hemi gohed fo toktok olsem, dadi an mami blong hem bae tufala kilim hem dae long naef.

Diutronomi 13:6

“Nomata brata blong yu, o pikinini blong yu, o waef blong yu wea yu lavem tumas, o wanfala gudfala fren blong yu, sapos eniwan long olketa hemi kam tokhaed long yu olsem, ‘!Yumitufala go wosipim narafala god’, yu mas no lisin long hem! Maet hemi laekem fo yutufala wosipim olketa god blong pipol wea i stap kolsap long yufala, o long olketa god blong pipol wea i stap farawe long yufala. Maet hemi laekem yutufala fo wosipim olketa god long disfala lan, olketa god wea yufala an olketa olo blong yufala i no bin save long olketa bifoa. Bat yu mas no lisin long hem. An yu mas no sore long hem, an yu mas no haedem hem mekem panis hemi no kasem hem.

Diutronomi 18:20

Bat sapos wanfala profet hemi talemaot samfala toktok long nem blong mi wea mi no talem, oraet yufala mas kilim hem dae. An eni profet wea hemi toktok long nem blong olketa narafala god, yufala mas kilim hem dae tu.