Jeremaea 28:11 - Pijin Bible

¹¹ an hemi tok olsem long ae blong olketa pipol ya, “Yawe nao hemi tok olsem: Long wei ya nao, bifoa tufala yia hemi finis bae mi brekem paoa blong King Nebukadnesa ovarem evri kantri.” Taem Profet Hananaea hemi talemaot toktok ya finis, Profet Jeremaea hemi stanap, an hemi go.

Pijin Deuterocanon

¹¹ an hemi tok olsem long ae blong olketa pipol ya, “Yawe nao hemi tok olsem: Long wei ya nao, bifoa tufala yia hemi finis bae mi brekem paoa blong King Nebukadnesa ovarem evri kantri.” Taem Profet Hananaea hemi talemaot toktok ya finis, Profet Jeremaea hemi stanap, an hemi go.

Jeremaea 28:11 Iomraidhean Croise

1 Kings 13:18

Bat olfala profet ya hemi tok olsem long hem, “Mi tu mi wanfala profet olsem yu. An Yawe hemi talem wanfala enjel fo talemaot Mesij blong hem long mi olsem: Yu mas tekem hem kam long haos blong yu, fo kaikaim bred an dringim wata.” Bat wea, profet ya hemi laea long man blong God.

1 Kings 22:6

So King Ehab hemi kolem kam 400 profet. An hemi askem olketa profet olsem, “?Waswe, mi save go fo faetem king blong Siria long Ramot-Gilead?” An olketa ansa olsem, “Ya king, yu go. Masta blong yumi bae mekem yu fo winim faet.”

2 Kronikols 18:10

Wanfala long olketa, wea nem blong hem Sedekaea, san blong Kenana, hemi bin wakem wanfala samting long aean wea hemi olsem tufala hon blong man buluka. An hemi sei long King Ehab, “Yawe hemi tok olsem, ‘Long tufala aean hon ya, yu save go faetem ami blong Siria, an bae yu spoelem hem finis.’”

Provebs 14:7

Yu mas stap farawe long krangge man, bae yu no faendem save long hem.

Jeremaea 14:14

Nao Yawe hemi tok long mi olsem, “Olketa profet ya i gohed fo talemaot laea profesi blong olketa long nem blong mi, bat mi no siusim olketa o sendem olketa kam, an mi no givim toktok long olketa fo talemaot. Olketa talemaot nomoa olketa laea abaotem spesol drim wea olketa no lukim, an laea wea i kam from tingting blong olketa seleva o from yusles wei wea olketa wakem grinlif.

Jeremaea 23:17

Olketa gohed fo suitim olketa hu i heitem mi. Olketa talem olsem, ‘Bae yufala stap gudfala.’ An long olketa hu i bikhed tumas fo falom tingting blong olketa seleva, olketa tok olsem, ‘No eni trabol bae hemi save kasem yufala.’

Jeremaea 28:15

Den Profet Jeremaea hemi tok olsem long Profet Hananaea, “!Hananaea! !Lisin kam! !Yawe hemi no sendem yu ya! An yu gohed fo mekem olketa pipol fo bilivim laea toktok blong yu.

Jeremaea 29:9

Olketa gohed nomoa fo talemaot laea profesi long nem blong mi. !Mi no sendem olketa ya!”

Esikiel 13:7

!Olketa profet! Yufala save finis wea yufala gohed fo laea nomoa abaotem olketa spesol drim ya, an yufala laea tumas fo talem dat samting bae hemi hapen. Yufala save finis wea yufala talem, ‘Hem nao mesij blong Yawe,’ bat mi nating givim nomoa eni toktok olsem long yufala.