Jeremaea 27:2 - Pijin Bible

² “Yawe nao hemi tok long mi olsem: Jeremaea. Yu tekem pis timba an tufala strap, an wakem disfala samting wea buluka hemi werem fo pulum olketa samting, nao yu putum long bihaen long nek blong yu.

Pijin Deuterocanon

² “Yawe nao hemi tok long mi olsem: Jeremaea. Yu tekem pis timba an tufala strap, an wakem disfala samting wea buluka hemi werem fo pulum olketa samting, nao yu putum long bihaen long nek blong yu.

Jeremaea 27:2 Iomraidhean Croise

1 Kings 22:11

Wanfala long olketa, wea nem blong hem Sedekaea, san blong Kenana, hemi bin wakem samting long aean wea hemi olsem tufala hon blong man buluka. An hemi sei long King Ehab, “Yawe hemi tok olsem, ‘Long tufala aean hon ya, yu save go faetem ami blong Siria, an bae yu spoelem hem finis.’”

Jeremaea 25:21

an olketa pipol blong Idom, an Moab, an Amon,

Jeremaea 27:11

Bat sapos wanfala kantri i wiling fo stap andanit long paoa blong king blong Babilonia, olsem buluka hemi letem ona blong hem fo putum pis timba wetem strap long nek blong hem fo mekem hemi waka, an olketa ya i gohed fo waka fo hem, bae mi letem olketa fo stap long kantri blong olketa. Olketa save wakem olketa gaden blong olketa, an save stap gudfala long ples ya.’” Hem nao mesij blong Yawe.

Jeremaea 27:12

Mi go talemaot sem toktok long King Sedekaea hu hemi king blong Jiuda. Mi tok olsem, “King. Yufala mas wiling fo stap andanit long paoa blong king blong Babilonia wetem olketa pipol blong hem, olsem buluka hemi letem ona blong hem fo putum pis timba wetem strap long nek blong hem fo mekem hemi waka, an yufala mas gohed fo waka fo olketa. Sapos yufala duim olsem, bae yufala save stap laef.

Jeremaea 30:8

“Mi Yawe mi talem stret long yufala nao. Long datfala taem nao, bae mi tekemaot yufala from paoa blong olketa enemi blong yufala, olsem man hemi tekemaot pis timba wetem strap from nek blong buluka blong hem. Ya, bae mi brekem olketa sen wea hemi gohed fo fasim yufala. An bae no eniwan blong olketa narafala kantri save fosim yufala moa fo waka olsem slev.

Esikiel 30:18

Taem mi brekemdaon paoa blong Ijip, an mi mekem paoa blong olketa wea i mekhae long hem fo finis, bae tudak hemi kam kavaremap taon long Tapanes. Bae bikfala klaod hemi kavaremap kantri ya, an bae olketa enemi i holem olketa pipol blong olketa taon blong hem, an tekem olketa fo wakaslev long narafala kantri.

Esikiel 7:23

“Olketa mas mekredi long olketa sen fo taengem olketa man, bikos olketa man fo kilim man dae an olketa man fo mekem trabol i evri ples long taon ya nao.

Emos 7:1

(Profet) Lod Yawe hemi somaot wanfala samting long mi long wanfala spesol drim. Long datfala spesol drim, olketa man blong king i katem finis gras fo olketa animol blong hem fo kaikaim long taem wea hemi kol tumas, an niufala gras hemi stat fo grou moa. An mi lukim dat Yawe hemi mekem olketa grashopa i kamaot an kaikaim evri niufala gras ya,

Emos 7:4

Bihaen, Lod Yawe hemi som narafala spesol drim long mi. Long datfala spesol drim, mi lukim dat Yawe hemi redim wanfala bikfala faea fo bonem olketa pipol blong hem hu hemi panisim olketa. Nomata solwata hemi barava dip fogud, bat bikfala faea ya hemi draemap finis nomoa, an mi lukim dat hemi stat fo bonem graon.