Jeremaea 26:9 - Pijin Bible

⁹ ?Waswe nao yu gohed fo talemaot profesi long nem blong Yawe, wea disfala Tambuhaos bae hemi kamap nogud olsem taon long Saelo bifoa? ?Waswe nao yu talemaot dat bae disfala taon hemi kamap nogud tumas, wea bae no eniwan hemi stap long hem?” Nao olketa pipol i kam hipap raonem Jeremaea insaet long Tambuhaos blong Yawe.

Pijin Deuterocanon

⁹ ?Waswe nao yu gohed fo talemaot profesi long nem blong Yawe, wea disfala Tambuhaos bae hemi kamap nogud olsem taon long Saelo bifoa? ?Waswe nao yu talemaot dat bae disfala taon hemi kamap nogud tumas, wea bae no eniwan hemi stap long hem?” Nao olketa pipol i kam hipap raonem Jeremaea insaet long Tambuhaos blong Yawe.

Jeremaea 26:9 Iomraidhean Croise

2 Kronikols 25:16

Taem profet hemi gohed fo toktok, king hemi sei long hem, “!Sarap yu! !Mi no mekem yu wanfala advaesa blong mi! !Sapos yu no stap kuaet, bae mi kilim yu dae!” Oraet, profet hemi stop bat las samting hemi sei hemi olsem, “Mi save dat God hemi mekem plan finis fo spoelem yu, bikos yu duim olketa samting ya, an yu no save herem toktok blong mi.”

Aesaea 29:21

olsem olketa hu i talem laea toktok agensim olketa narafala pipol long kot, an olketa hu i laea mekem stretfala man save lus long kot, olketa ya nao bae Yawe hemi barava panisim olketa.

Jeremaea 32:3

King Sedekaea ya bin putum Jeremaea long prisin bikos hemi talemaot profesi blong God. King ya hemi bin tok olsem long Jeremaea, “?Waswe nao yu gohed fo talemaot profesi agensim mi olsem? Yu bin talem, ‘Yawe nao hemi tok olsem: Bae mi putum disfala taon andanit long paoa blong king blong Babilonia, mekem hemi tekova long hem.

Jeremaea 33:10

“Yawe nao hemi gohed fo tok olsem: Olketa. Yufala gohed fo tok olsem, ‘Disfala lan hemi kamap wanfala ravis ples olsem drae eria nomoa wea no eni man o animol save stap long hem.’ An toktok ya hemi tru tumas. Olketa taon long Jiuda an olketa bik rod long Jerusalem, olketa i emti, an no eni man o animol hemi stap long dea. Bat bihaen, long olketa ples ya, bae pipol save herem

Jeremaea 36:29

An yu tok olsem long disfala king blong Jiuda, ‘Yawe nao hemi tok olsem: !King Jehoeakim! Yu bonem datfala buk, an yu gohed fo talem strong olsem, “?Waswe nao profet ya hemi raetem olketa toktok ya, wea king blong Babilonia bae hemi kam spoelem disfala lan, an hemi kilim olketa pipol blong ples ya, wetem olketa animol tu?”

Jeremaea 9:11

Yawe hemi tok olsem, “Bae mi spoelem Jerusalem finis, mekem hemi kamap hip blong olketa ston nomoa, wea olketa wael dog nomoa i stap long hem. An olketa taon blong Jiuda, bae mi mekem olketa kamap olsem drae eria, wea no eniwan save stap long hem.”

Lamentesin 4:13

Bat olketa enemi bin go insaet, bikos olketa profet an prist blong hem bin gohed fo mekem ravis sin insaet long taon ya: Olketa ya bin gohed fo kilim dae olketa stretfala pipol.

Emos 5:10

Wei blong yufala long kot hemi nogud tumas. Sapos wanfala stretfala man hemi kamap an hemi talem evri tru toktok, o hemi agensim ravis wei ya long kot wea olketa trae fo ravem samwan, yufala heitem diskaen man ya.

Maeka 2:6

Yufala gohed fo tokstrong long mi olsem, “!Ei! !Yu mas no tokstrong agensim mifala olsem! Hemi nogud fo yu gohed fo tokstrong abaotem olketa samting ya olowe. God hemi no save mekem mifala fo sem.”

Matiu 21:23

Nao Jisas hemi gobaek moa long eria long disfala Tambuhaos ya, an hemi go-gohed fo tisim olketa pipol. Long taem ya, olketa hedprist an olketa nara bikman olketa kam long hem nomoa, an olketa askem hem olsem nao, “?Watkaen paoa nao yu garem fo duim olketa samting ya? ?An hu nao hemi givim paoa ya long yu?”

Matiu 27:20

Bat olketa hedprist an olketa nara bikman ya, olketa fosim olketa pipol ya fo askem Paelat fo letem Barabas fo go fri, an fo kilim Jisas dae.

Gudnius abaotem Jisas Kraes wea Mak hemi raetem 15:11

Bat olketa hedprist olketa gohed fo talem olketa pipol fo askem Paelat fo letem Barabas nao fo go fri.

Gudnius abaotem Jisas Kraes wea Jon hemi raetem 8:20

Jisas hemi talem olketa samting ya long taem hemi tisim olketa pipol insaet long Tambuhaos, kolsap long ples blong olketa boks fo putum seleni long hem. Long taem ya, no eniwan kasholem hem bikos hemi no kasem taem blong hem yet.

Gudnius abaotem Jisas Kraes wea Jon hemi raetem 8:59

Long taem ya, olketa lukaotem kam olketa ston fo sutim hem dae nao ya. Bat Jisas hemi go haed nomoa, an hemi lusim Tambuhaos ya nao.

Aposol 13:50

Bat olketa bikman blong Jiu ya, olketa mekem olketa lida long taon ya wetem olketa bik woman hu i wosipim God fo agensim Pol an Banabas. An olketa mekem olketa pipol fo meksave long tufala an raosim tufala goaot from eria blong olketa.

Aposol 21:30

Disfala trabol ya hemi barava go kasem evriwea long biktaon ya, an olketa pipol resis kam an hipap long eria ya nao. Olketa holemstrong Pol, an olketa pulum hem goaot from Tambuhaos ya. An semtaem olketa satem olketa doa long Tambuhaos ya nao.

Aposol 22:22

Olketa pipol ya olketa bin gohed fo lisin long Pol go-go kasem disfala las toktok nomoa, bat distaem olketa stat fo singaot bikfala tumas olsem, “!Kilim hem dae! !Hemi no fitim fo hemi stap laef ya!”

Aposol 3:11

Nao disfala man hemi no laek fo goawe from Pita an Jon, so olketa pipol olketa ran kam long trifala wea trifala stap long disfala eria blong Tambuhaos wea olketa kolem “Varanda blong Solomon”. An olketa pipol i sapraes tumas.

Aposol 5:12

Nao olketa aposol olketa go-gohed fo duim plande mirakol an plande saen long olketa pipol. An oltaem evriwan hu i biliv, olketa wanmaen an olketa save hipap tugeta long disfala eria blong Tambuhaos wea olketa kolem “Varanda blong Solomon”.

Aposol 5:28

“Mifala bin tokstrong tumas long yufala fo no tisim eniwan abaotem disfala man ya. Bat yufala mekem disfala tising blong yufala fo go kasem evriwea long Jerusalem nao. An yufala traehad tu fo talemaot dat mifala nao i bin kilim dae disfala man ya.”

Aposol 6:14

Mifala bin herem hem talem olsem, ‘Disfala Jisas blong Nasaret bae hemi brekemdaon disfala Tambuhaos ya, an bae hemi sensim olketa kastom wei wea Mosis hemi bin givim kam fo yumi.’”

Josua 18:1

Bihaen long taem wea pipol blong Israel i winim faet long olketa enemi long lan, olketa kam tugeta long Saelo an putumap Tambu Haostent blong Yawe long ples ya.