Jeremaea 26:24 - Pijin Bible

²⁴ Bat Profet Jeremaea ya, wanfala bikman wea nem blong hem Ahikam, san blong Safan, hemi saet wetem hem, so olketa lida ya i no givim hem long olketa pipol fo kilim hemi dae.

Pijin Deuterocanon

²⁴ Bat Profet Jeremaea ya, wanfala bikman wea nem blong hem Ahikam, san blong Safan, hemi saet wetem hem, so olketa lida ya i no givim hem long olketa pipol fo kilim hemi dae.

Jeremaea 26:24 Iomraidhean Croise

1 Kings 18:4

An bifoa, long taem wea Kuin Jesebel hemi gohed fo kilim olketa profet blong Yawe, Obadaea hemi tekem 100 long olketa, an haedem olketa long tufala kev. Hemi putum fifti long wanfala, an fifti long narawan, an hemi gohed fo givim kaikai an wata long olketa.

2 Kings 25:22

Long datfala taem, King Nebukadnesa blong Babilonia hemi siusim Gedalaea, san blong Ahikam hu hemi san blong Safan, nao hemi mekem hemi kamap gavna blong provins blong Jiuda. Nao hemi gohed fo lukaftarem olketa pipol wea i stap yet long Jiuda wea olketa no go long Babilonia.

2 Kronikols 34:20

An hemi kolem kam Haeprist Hilkaea, an Ahikam san blong Safan, an Akboa san blong Maekaea, an Sekretri Safan, an Asaea hu hemi wakaman blong hem. An taem olketa kam, hemi tok olsem long olketa,

Jeremaea 29:3

Hemi givim leta ya long tufala man, Elasa, san blong Safan, an Gemaraea, san blong Hilkaea, wea King Sedekaea blong Jiuda hemi sendem tufala go long King Nebukadnesa. Toktok blong leta ya hemi olsem:

Jeremaea 36:11

Mikaea, san blong Gemaraea hu hemi san blong Safan, hemi heremgud olketa toktok ya blong Yawe wea Baruk hemi ridimaot from disfala buk.

Jeremaea 36:12

Nao hemi godaon long haos blong king, an hemi go long rum blong minista blong king wea olketa bikman blong king gohed fo mekem miting long rum ya. Olketa bikman ya, i Elisama, hu hemi minista blong king, an Delaea, san blong Semaea, an Elnatan, san blong Akboa, an Gemaraea, san blong Safan, an Sedekaea, san blong Hananaea, an olketa narafala bikman man tu blong king.

Jeremaea 36:19

Nao olketa tok olsem long hem, “Yutufala Jeremaea, yutufala mas ranawe an go haed. An yutufala mas no letem eniwan save long ples wea yutufala stap long hem.”

Jeremaea 36:26

Hemi tokstrong long san blong hem Jerameel, an Seraea, san blong Asriel, wetem Selemaea, san blong Abdeel, nao hemi sendem trifala ya fo go holem Profet Jeremaea wetem Baruk, sekretri blong hem, bat Yawe hemi haedem tufala.

Jeremaea 39:14

olketa sendem samfala soldia fo faendem Jeremaea. Nao olketa kam tekem hem aot from ples ya long haos blong king wea olketa sekiuriti i stap long hem. An olketa putum hem long han blong Gedalaea, san blong Ahikam hu hemi san blong Safan, fo tekem hemi gobaek long ples blong hem. So hemi save gohed fo stap nomoa wetem olketa pipol blong hem.

Esikiel 8:11

Seventifala lida long olketa pipol blong Israel nao i stap insaet long rum ya, an Jaasanaea, san blong Safan, hemi wanfala long olketa. Olketa evriwan i holem dis fo bonem insens, an smok blong insens ya hemi gohed fo goap.

Aposol 23:10

Raoa ya hemi gohed bikfala fogud, go-go disfala kapten blong ami hemi fraet, nogud olketa kilim Pol dae. So hemi talem olketa soldia blong hem fo olketa godaon an tekemaot Pol from Kansol ya an tekem hem gobaek long ples blong ami.

Aposol 27:43

Bat disfala bikman blong ami hemi wande fo sevem laef blong Pol so hemi stopem olketa soldia fo no duim diswan. Hemi talem evriwan hu i save suim gudfala fo jam go long si fastaem, mekem olketa save suim go long soa.

Revelesin 12:16

Bat graon nao hemi helpem woman ya. Wanfala bikfala hol nao hemi open long graon, an evri wata wea i kamaot long maos blong bikfala snek ya, hemi godaon falom hol ya.