Jeremaea 25:28 - Pijin Bible

²⁸ Bat sapos olketa les fo tekem kap ya fo dring long hem, yu mas tok long olketa olsem: Yawe hu hemi garem evri paoa, hemi tok olsem, ‘Nomata yufala i les, bat bae yufala mas dring long hem.

Pijin Deuterocanon

²⁸ Bat sapos olketa les fo tekem kap ya fo dring long hem, yu mas tok long olketa olsem: Yawe hu hemi garem evri paoa, hemi tok olsem, ‘Nomata yufala i les, bat bae yufala mas dring long hem.

Jeremaea 25:28 Iomraidhean Croise

Stori abaotem Job 34:33

Ating yu laekem God fo sensimbaek wei blong yu falom tingting blong yu, bikos yu les long wanem God hemi duim. Mi no save talemaot sin blong yu long God, yu seleva nao mas siusim wei fo falom. Oraet, yu talem kam tingting blong yu long mi.

Jeremaea 25:17

So mi tekem disfala kap from han blong Yawe, nao mi go long olketa kantri ya, an mi mekem olketa evriwan fo dring long hem.

Jeremaea 27:8

“ ‘Bat sapos wanfala kantri o wanfala king hemi les fo stap andanit long paoa blong King Nebukadnesa, bae mi panisim hem. Mi talem stret long yufala nao. Bae mi sendem King Nebukadnesa fo faet agensim hem, an bae mi mekem tu taem blong hanggre an bikfala sik fo kasem hem, go-go mi spoelem finis datfala kantri o king.

Jeremaea 4:28

Bae evrisamting long disfala wol hemi krae, an bae skae ya hemi kamap tudak. Bikos hem nao toktok blong mi an plan blong mi, wea bae mi no save sensim moa tingting blong mi.”

Jeremaea 49:12

Hem nao Yawe hemi tok olsem, “?Sapos olketa pipol wea i stret mas dringim disfala ful kap long kros blong mi, yufala tingse bae yufala mas no dringim tu? !Nomoa! Panis ya mas kasem yufala evriwan nao.

Jeremaea 51:29

Nomata olketa graon tu i seksek fogud, bikos plan blong Yawe agensim Babilon bae hemi mas kamap. Bae hemi kamap olsem drae eria, no eniwan save stap long hem moa.

Daniel 4:35

Evri pipol long wol, i olsem nating nomoa long ae blong hem. Ya, evri enjel long heven an evri pipol long wol i stap nomoa andanit long paoa blong hem. No eniwan long wol save agensim hem, an no eniwan save askem hem olsem, ‘?Wanem nao yu duim ya?’

Obadaea 1:16

Taem olketa enemi ya i spoelem Tambuhaos blong mi, yufala bin kamap long tambu maonten blong mi fo dring an selebret. Bat yufala wetem evri enemi blong mi, bae yufala evriwan mas dringim finis disfala ful kap waen wea hemi olsem ful paoa long kros blong mi go-go mi barava spoelem finis yufala evriwan.

Aposol 4:28

Long wei ya, olketa duim nomoa evrisamting wea yu laekem. Long paoa blong yu, yu bin talem longtaem i go finis wea bae olketa samting hemi hapen.

Efesas 1:11

Evrisamting ya, God hemi duim falom plan an tingting blong hem seleva. God hemi falom tingting blong hem, wea hemi siusim yumi bifoa kam yet. Hemi bin siusim yumi fo kamap pipol blong hem wea yumi joen wetem Kraes.