Jeremaea 25:1 - Pijin Bible

¹ Long mekfoa yia wea King Jehoeakim, san blong King Josaea, hemi gohed fo rul long Jiuda, Yawe hemi talemaot Mesij blong hem abaotem olketa pipol blong Jiuda long Jeremaea. Hem ya nao mekwan yia wea King Nebukadnesa hemi rul long Babilonia.

Pijin Deuterocanon

¹ Long mekfoa yia wea King Jehoeakim, san blong King Josaea, hemi gohed fo rul long Jiuda, Yawe hemi talemaot Mesij blong hem abaotem olketa pipol blong Jiuda long Jeremaea. Hem ya nao mekwan yia wea King Nebukadnesa hemi rul long Babilonia.

Jeremaea 25:1 Iomraidhean Croise

2 Kronikols 36:4

Den hemi tekem Eliakim, wanfala brata blong Jehoahas, an hemi mekem fo kamap king long Jiuda. An hemi sensim nem blong Eliakim, hemi mekem olketa kolem hem Jehoeakim. Bat hemi tekem Jehoahas go long Ijip.

2 Kronikols 36:6

Nao King Nebukadnesa blong Babilonia hemi kam fo faet long Jehoeakim long Jiuda. Hemi kasholem Jehoeakim, an taemapem hem long sen, an tekem hem go long biktaon long Babilon.

Jeremaea 1:3

an hemi gohed long taem blong King Jehoeakim, san blong Josaea, hemi rul, go-go kasem en long mekleven yia long taem King Sedekaea hu hemi narafala san blong Josaea hemi king. Long mekfaev mans long disfala las yia blong King Sedekaea, ami blong Babilon i fosim olketa pipol blong Jerusalem fo lusim lan blong olketa an go fo stap long narafala kantri.

Jeremaea 32:1

Yawe hemi talemaot Mesij blong hem long Jeremaea long mekten yia wea King Sedekaea hemi gohed fo rul long Jiuda. Yia ya hemi mekeitin yia wea King Nebukadnesa hemi rul long Babilonia,

Jeremaea 35:1

Hem ya nao Mesij wea Yawe hemi talemaot long Jeremaea long taem wea King Jehoeakim, san blong King Josaea, hemi king long Jiuda. Hemi tok olsem,

Jeremaea 36:1

Long mekfoa yia wea King Jehoeakim, san blong King Josaea, hemi rul ovarem Jiuda, Yawe hemi talemaot disfala Mesij blong hem long Jeremaea. Hemi tok olsem,

Jeremaea 45:1

Hem ya nao Mesij blong Yawe wea hemi talemaot long Profet Jeremaea abaotem Baruk, san blong Neraea. Long taem wea King Jehoeakim, san blong King Josaea, hemi gohed fo rul long Jiuda, long mekfoa yia blong hem, Profet Jeremaea hemi gohed fo talemaot olketa toktok blong Yawe long Baruk, an hemi gohed fo raetemdaon long wanfala buk. Bihaen, profet hemi tok olsem long hem,

Jeremaea 46:2

Fastaem, hemi toktok agensim Ijip, an hemi toktok agensim ami blong King Neko blong Ijip, wea King Nebukadnesa hemi winim olketa long taon long Kakemis, kolsap long Yufretis Riva. Long taem ya, hemi mekfoa yia wea King Jehoeakim, san blong King Josaea, hemi gohed fo rul ovarem Jiuda.

Jeremaea 7:1

Hem ya nao Mesij wea Yawe hemi talemaot long Jeremaea. Hemi tok olsem,

Daniel 1:1

Long mektri yia wea Jehoeakim hemi king long Jiuda, King Nebukadnesa blong Babilonia hemi kam wetem olketa soldia blong hem an hipap raonem taon long Jerusalem fo faetem olketa.

Daniel 1:2

God hemi letem King Nebukadnesa fo winim King Jehoeakim long faet ya. So, King Nebukadnesa hemi tekem olketa gudfala samting wea olketa yusim long wosip insaet long Tambuhaos blong God. An hemi fosim tu plande pipol blong Jiuda fo lusim lan blong olketa an go long Babilonia. Hemi tekem olketa gudfala samting wea hemi tekem from Tambuhaos blong God, an hemi putum gudfala wetem olketa gudfala samting blong hem insaet long haos fo wosipim olketa god blong hem.

Daniel 2:1

Long mektu yia wea King Nebukadnesa hemi gohed fo rul, hemi lukim wanfala drim. Hemi nating save slip bikos hemi wari tumas abaotem drim ya.