Jeremaea 24:1 - Pijin Bible

¹ (Profet) King Nebukadnesa blong Babilonia hemi tekem King Jehoeakin, san blong King Jehoeakim, hu hemi king blong Jiuda, wetem olketa bikman blong hem an olketa hu i savegud hao fo wakem olketa gudfala samting, an hemi fosim olketa ya fo lusim Jerusalem an go stap long Babilonia. Bihaen olketa lusim taon, Yawe hemi somaot long mi wanfala spesol drim. Long disfala spesol drim, mi lukim tufala basket wea i stap long frant long Tambuhaos blong Yawe, an tufala basket ya i fulap long frut blong fig tri.

Pijin Deuterocanon

¹ (Profet) King Nebukadnesa blong Babilonia hemi tekem King Jehoeakin, san blong King Jehoeakim, hu hemi king blong Jiuda, wetem olketa bikman blong hem an olketa hu i savegud hao fo wakem olketa gudfala samting, an hemi fosim olketa ya fo lusim Jerusalem an go stap long Babilonia. Bihaen olketa lusim taon, Yawe hemi somaot long mi wanfala spesol drim. Long disfala spesol drim, mi lukim tufala basket wea i stap long frant long Tambuhaos blong Yawe, an tufala basket ya i fulap long frut blong fig tri.

Jeremaea 24:1 Iomraidhean Croise

2 Kings 24:10

Long datfala taem, ami blong King Nebukadnesa i kam hipap raonem Jerusalem fo faet long hem.

2 Kronikols 36:10

Long taem tukol an ren hemi finis, King Nebukadnesa hemi mekem olketa man blong hem fo tekem Jehoeakin kam long Babilonia. An olketa tekem kam tu olketa tambu samting blong Tambuhaos blong Yawe. Den hemi tekem Sedekaea, hu hemi angkol blong King Jehoeakin, an mekem hem fo kamap king blong Jiuda long Jerusalem.

Aesaea 13:1

Hem ya profesi abaotem Babilon wea Yawe hemi talemaot long mi, Aesaea, san blong Amoj.

Jeremaea 13:19

Olketa taon long saot blong Jiuda, bae olketa enemi i winim an satem, an no eniwan hemi stap fo openem moa. Evri pipol blong Jiuda, bae olketa enemi i fosim olketa evriwan fo lusim lan blong olketa, an mekem olketa fo stap long narafala ples.”

Jeremaea 28:4

An bae mi tekem kambaek tu King Jehoeakin, san blong King Jehoeakim blong Jiuda, wetem olketa pipol blong Jiuda ya wea olketa fosim fo lusim lan blong olketa an go long Babilonia. Ya, bae mi brekem paoa blong king ya blong Babilonia, olsem man hemi aotem diskaen pis timba from nek blong buluka. “Hem nao mesij blong Yawe.”

Jeremaea 29:1

Profet Jeremaea hemi raetem wanfala leta go long olketa lida blong olketa pipol, an olketa prist, an olketa profet, an long olketa narafala pipol wea King Nebukadnesa bin fosim olketa fo lusim Jerusalem an go stap long Babilonia.

Jeremaea 29:2

Hemi raetem disfala leta, bihaen long taem wea olketa bin fosim King Jehoeakin, an mami blong hem hu hemi wanfala kuin, an olketa bikman blong hem, an olketa lida blong Jerusalem, an olketa lida blong olketa narafala taon long Jiuda, an olketa man hu i savegud hao fo wakem olketa gudfala samting, fo lusim Jerusalem an go stap long lan long Babilonia.

Jeremaea 37:1

King Nebukadnesa blong Babilonia, hemi holem King Jehoeakin, san blong Jehoeakim, an hemi mekem Sedekaea, san blong King Josaea, fo kamap king blong Jiuda.

Esikiel 17:4

an hemi brekem smolfala brans wea hemi antap long hem. Hemi tekem go long wanfala kantri blong olketa bisnisman, an hemi plantem insaet long wanfala taon blong olketa.

Esikiel 19:9

Olketa hukum hem, an pulum hem go insaet long wanfala boks, fo karim go long king blong Babilonia. Olketa putum insaet long prisin, mekem no eniwan save herem moa voes blong hem antap olketa maonten long Israel.

Emos 3:7

Ya, Lod Yawe hemi no duim enisamting sapos hemi no somaot yet long olketa profet hu i wakaman blong hem.

Emos 7:1

(Profet) Lod Yawe hemi somaot wanfala samting long mi long wanfala spesol drim. Long datfala spesol drim, olketa man blong king i katem finis gras fo olketa animol blong hem fo kaikaim long taem wea hemi kol tumas, an niufala gras hemi stat fo grou moa. An mi lukim dat Yawe hemi mekem olketa grashopa i kamaot an kaikaim evri niufala gras ya,

Emos 7:4

Bihaen, Lod Yawe hemi som narafala spesol drim long mi. Long datfala spesol drim, mi lukim dat Yawe hemi redim wanfala bikfala faea fo bonem olketa pipol blong hem hu hemi panisim olketa. Nomata solwata hemi barava dip fogud, bat bikfala faea ya hemi draemap finis nomoa, an mi lukim dat hemi stat fo bonem graon.

Emos 7:7

Yawe hemi som narafala spesol drim long mi. Long datfala spesol drim, mi lukim dat hemi stanap kolsap long wanfala wolston wea olketa bin stretem long ledlaen taem olketa wakem, an mi lukim dat hemi holem tu wanfala ledlaen.

Sekaraea 1:20

Den Yawe hemi somaot moa long mi fofala man fo wakem aean wea i holem fofala bikfala hama.

Sekaraea 3:1

Mi lukim narafala spesol drim moa wea Yawe hemi som long mi. Long spesol drim ya, mi lukim Haeprist Josua hemi stanap frant long Enjel blong Yawe. An Seitan tu hemi stanap long dea, long raet saet blong hae prist, an hemi redi fo talemaot samfala poen fo agensim hem.