Jeremaea 23:34 - Pijin Bible

³⁴ “An sapos wanfala man, o wanfala profet o wanfala prist, hemi gohed fo tok olsem, ‘Hem nao profesi blong Yawe,’ bae mi panisim hem wetem famili blong hem.

Pijin Deuterocanon

³⁴ “An sapos wanfala man, o wanfala profet o wanfala prist, hemi gohed fo tok olsem, ‘Hem nao profesi blong Yawe,’ bae mi panisim hem wetem famili blong hem.

Jeremaea 23:34 Iomraidhean Croise

Jeremaea 36:31

Bae mi panisim hem wetem olketa pikinini an olketa bikman blong hem from olketa ravis wei wea olketa mekem. Olketa ya wetem olketa pipol blong Jerusalem an Jiuda, olketa les fo herem olketa toktok blong mi ya. From samting ya nao, bae mi mekem bikfala trabol hemi kam kasem olketa, olsem wea mi bin promis finis long olketa.’”

Lamentesin 2:14

Olketa spesol drim blong profet blong yu i laea nomoa an yusles. Olketa drim ya i no somaot sin blong yu, mekem yu tane from hem, an sevem yu from bikfala trabol ya. Olketa profesi wea i talemaot i laea nomoa, an lidim yu fo falom rong rod.

Neiham 1:1

Hem ya profesi abaotem Nineve wea Yawe hemi talemaot long Neiham, hu hemi wanfala man from disfala taon long Elkos.

Sekaraea 13:3

An sapos wanfala man hemi gohed fo talem dat mesij blong hem hemi wanfala profesi, dadi an mami blong hem bae tufala tok olsem long hem, ?Yu mas dae, bikos yu talem dat yu wanfala profet, bat yu laea nomoa.? Long sem taem wea hemi gohed fo toktok olsem, dadi an mami blong hem bae tufala kilim hem dae long naef.