Jeremaea 23:16 - Pijin Bible

¹⁶ Yawe hu hemi garem evri paoa, hemi tok olsem, “Yufala mas no lisin long toktok blong olketa profet ya. Olketa gohed fo talemaot olketa laea toktok long yufala, mekem yufala i weitem samfala gud samting wea bae hemi no save hapen. Olketa talem dat olketa lukim spesol drim, bat olketa samting ya i kamaot nomoa from tingting blong olketa seleva. Mi Yawe mi no talem long olketa.

Pijin Deuterocanon

¹⁶ Yawe hu hemi garem evri paoa, hemi tok olsem, “Yufala mas no lisin long toktok blong olketa profet ya. Olketa gohed fo talemaot olketa laea toktok long yufala, mekem yufala i weitem samfala gud samting wea bae hemi no save hapen. Olketa talem dat olketa lukim spesol drim, bat olketa samting ya i kamaot nomoa from tingting blong olketa seleva. Mi Yawe mi no talem long olketa.

Jeremaea 23:16 Iomraidhean Croise

1 Kings 22:11

Wanfala long olketa, wea nem blong hem Sedekaea, san blong Kenana, hemi bin wakem samting long aean wea hemi olsem tufala hon blong man buluka. An hemi sei long King Ehab, “Yawe hemi tok olsem, ‘Long tufala aean hon ya, yu save go faetem ami blong Siria, an bae yu spoelem hem finis.’”

2 Kings 17:15

Olketa agensim olketa strongfala toktok blong God, an olketa les long spesol agrimen wea hemi bin mekem wetem olketa olo blong olketa bifoa. Olketa no tingting strong long olketa woning blong hem. Olketa bin wosipim olketa yusles god ya, dastawe olketa tu kamap yusles. Nomata Yawe hemi bin talem olketa fo no falom wei blong olketa pipol wea i stap raonem olketa, bat olketa duim nomoa olketa samting Yawe hemi sei i tambu fo duim.

2 Kronikols 18:5

So King Ehab hemi kolem kam 400 profet. An hemi askem olketa profet olsem, “?Waswe, mi save go fo faetem biktaon long Ramot-Gilead?” An olketa ansa olsem, “Ya king, yu go. God bae mekem yu fo winim faet.”

Provebs 19:27

Pikinini blong mi, yu no lisin long tising blong mi, an bae yu save lusim waes toktok.

Jeremaea 14:14

Nao Yawe hemi tok long mi olsem, “Olketa profet ya i gohed fo talemaot laea profesi blong olketa long nem blong mi, bat mi no siusim olketa o sendem olketa kam, an mi no givim toktok long olketa fo talemaot. Olketa talemaot nomoa olketa laea abaotem spesol drim wea olketa no lukim, an laea wea i kam from tingting blong olketa seleva o from yusles wei wea olketa wakem grinlif.

Jeremaea 2:5

Yawe nao hemi tok olsem, “!Olketa! ?Watkaen samting mi bin duim long olketa grani blong yufala long bifoa mekem olketa les long mi? Olketa bin wosipim olketa laea god wea i yusles, an olketa bin kamap yusles barava olsem olketa god ya tu.

Jeremaea 23:21

“Mi no sendem olketa profet ya, bat nomata olsem, olketa gohed nomoa fo talemaot mesij blong olketa seleva. Mi no givim eni toktok long olketa fo talemaot, bat olketa gohed nomoa fo talemaot laea profesi blong olketa seleva.

Jeremaea 23:26

?O, hao long nao bae diskaen samting hemi gohed insaet long tingting blong olketa laea profet ya? Oltaem olketa talemaot nomoa krangge tingting blong olketa seleva.

Jeremaea 29:23

Panis blong tufala ya hemi fitim, bikos tufala gohed fo duim olketa ravis samting wea hemi barava nogud tumas. Tufala gohed fo brekem lo blong marit wetem waef blong olketa wantok, an tufala gohed fo talemaot laea toktok long nem blong mi, wea mi no talem long tufala nomoa. Mi save finis long olketa ravis samting wea tufala gohed fo duim, an mi seleva nao mi witnes agensim tufala ya.” Hem nao mesij blong Yawe.

Jeremaea 29:8

“Yufala mas no lisin long olketa laea toktok blong olketa profet an olketa majik man wea i stap wetem yufala. Yufala mas no lisin long olketa spesol drim wea yufala laekem olketa fo lukim.

Jeremaea 9:12

(Profet) ?Waswe nao disfala lan hemi kamap nogud tumas olsem? ?Waswe nao hemi kamap olsem drae eria, wea man no save gotru long hem? ?Waswe, eni man hemi stap hu hemi waes, mekem hemi minimgud disfala samting? ?Eni man hemi stap wea Yawe bin tisim abaotem samting ya, mekem hemi save talemaot mining blong hem long mifala?

Jeremaea 9:20

!Lisin kam gudfala long Mesij blong Yawe, yufala woman! !Herem kam olketa toktok wea hemi talem long yufala! Yufala mas lanem olketa dota blong yufala long wei fo krae long man dae, an yufala mas tisim olketa fren blong yufala long diskaen singsing blong dae:

Lamentesin 2:9

Olketa geit i foldaon, an evri lok blong olketa i brek, nao graon hemi kavarem olketa. King wetem olketa bikman blong hem, enemi i fosim olketa fo go stap long narafala kantri, an no eniwan hemi tisim moa lo blong God. Yawe hemi no som moa spesol drim long olketa profet.

Esikiel 13:23

From disfala samting nao, stat distaem bae yufala no lukim moa olketa ravis spesol drim blong yufala, o talem moa olketa laea toktok blong yufala abaotem samting wea bae hemi hapen. Evrisamting ya bae hemi finis nao. Bae mi sevem olketa pipol blong mi from yufala. Long datfala taem, bae yufala jes save dat mi nao Yawe.”

Esikiel 13:3

Yu talem olketa dat mi Lod Yawe nao mi tok olsem: !Sore tumas long olketa krangge profet hu i gohed fo talemaot nomoa olketa tingting blong olketa seleva! !Olketa no lukim enikaen spesol drim!

Esikiel 13:6

Olketa profet blong yufala i talemaot nomoa olketa laea abaotem spesol drim wea olketa nating lukim, an olketa talemaot tu laea wea i kam from yusles wei wea olketa wakem grinlif. Olketa talem, ‘Hem nao mesij blong Yawe,’ bat mi Yawe mi nating sendem olketa. Nomata olsem, olketa tingse toktok blong olketa ya bae hemi hapen.

Esikiel 22:28

Olketa profet blong olketa i gohed fo haedem nomoa evri ravis samting wea olketa ya i duim olsem waet penda wea man hemi pendam long wol wea hemi doti. Ya, olketa gohed fo laea abaotem olketa spesol drim an olketa samting wea olketa talem bae hemi hapen. Olketa talem olsem, ‘Lod Yawe nao hemi tok olsem,’ bat mi nating talem enisamting long olketa.

Maeka 2:11

(Profet) Sapos wanfala man fo laea an fo trikim pipol, hemi kam long yufala an hemi tok olsem, “Mi talem stret long yufala. No longtaem, bae ples blong yumi hemi fulap fogud long waen an bia,” hem nao kaen man wea yufala hapi tumas long hem.

Matiu 7:15

An Jisas hemi sei moa, “Yufala mas lukaot long olketa laea profet. Long aotsaet, olketa luk olsem gudfala sipsip, bat long insaet long tingting blong olketa, olketa barava olsem wael dog nomoa.

Leta wea Pol hemi raetem go long sios long Rom 1:21

Bat nomata olketa save finis long God, olketa nating mekhae long hem olsem God, an olketa nating toktengkiu long hem. !Nomoa ya! No eni gud samting nao hemi stap insaet long tingting blong olketa, an maen blong olketa hemi barava tudak.

1 Jon 4:1

Olketa gudfala fren, plande laea profet nao i goraon long evri ples. So yufala mas no bilivim evriwan hu hemi talem dat hemi garem Holi Spirit. Fastaem, yufala mas faendemaot gud sapos hemi barava garem Spirit blong God o nomoa.