Jeremaea 23:10 - Pijin Bible

¹⁰ Disfala lan hemi fulap long olketa hu i no save tinghevi long Yawe, olsem man hu hemi brekem lo blong marit. Yawe hemi mekem trabol fo kam long lan, mekem no enisamting save grou nao. Olketa ples wea hemi bin garem gras long hem, hemi barava drae. Olketa profet ya i falom ravis wei nomoa, an olketa gohed fo yusim paoa blong olketa long wei wea hemi no stret.

Pijin Deuterocanon

¹⁰ Disfala lan hemi fulap long olketa hu i no save tinghevi long Yawe, olsem man hu hemi brekem lo blong marit. Yawe hemi mekem trabol fo kam long lan, mekem no enisamting save grou nao. Olketa ples wea hemi bin garem gras long hem, hemi barava drae. Olketa profet ya i falom ravis wei nomoa, an olketa gohed fo yusim paoa blong olketa long wei wea hemi no stret.

Jeremaea 23:10 Iomraidhean Croise

Esra 10:18

Hem nao list long olketa prist hu bin maritim olketa hiden woman: Long famili blong Jesua, san blong Josadak, wetem olketa brata blong hem: Maasea, an Eliesa, an Jarib, an Gedalaea.

Sams 107:34

An hemi mekem olketa graon fo fulap long solt wea no enisamting save grou long hem. Hemi mekem olsem bikos pipol hu i stap long ples ya, wei blong olketa hemi ravis fogud.

Aesaea 24:6

From diswan nao, bae bikfala trabol hemi kasem disfala wol. An olketa pipol long wol mas safa fo evri rong blong olketa, an no plande long olketa nao bae i stap long wol ya.

Aesaea 5:18

!Sore tumas long yufala hu i sin olowe nomoa an nating save lusim olketa ravis wei!

Jeremaea 12:11

Bae olketa mekem disfala lan blong mi wea no enisamting save grou long hem. Hemi kamap emti nomoa, an hemi olsem lan wea hemi kraeaot long mi. Ya, olketa enemi i spoelem lan blong mi an no eniwan hemi sore long hem.

Jeremaea 14:2

“Evriwea long Jiuda, olketa pipol i sore an krae. Olketa pipol long olketa taon i wikdaon. Olketa sore fogud fo drae graon blong olketa. Olketa long Jerusalem i gohed fo krae kam long mi.

Jeremaea 6:13

“Nomata man hemi garem biknem o nomoa, olketa i semsem nomoa. Evriwan blong olketa i gridi fo winim seleni. Ya, nomata profet o prist, olketa toklaea tumas an trae fo ravem olketa pipol.

Jeremaea 7:9

Oltaem yufala stil, an kilim dae olketa pipol, an brekem lo blong marit, an brekem olketa promis wea yufala mekem. Yufala gohed fo bonem insens go long god Baal, an wosipim olketa narafala god wea yufala no save long olketa bifoa.

Jeremaea 9:10

Bae mi sore long olketa maonten, an mi krae fo olketa open eria wea hemi bin garem gras long hem, bikos olketa evriwan i drae finis, an hemi emti fogud. No eniwan hemi gotru long olketa ples ya. No eni buluka hemi stap long hem, An evri bed an evri wael animol tu i lus finis.

Jeremaea 9:12

(Profet) ?Waswe nao disfala lan hemi kamap nogud tumas olsem? ?Waswe nao hemi kamap olsem drae eria, wea man no save gotru long hem? ?Waswe, eni man hemi stap hu hemi waes, mekem hemi minimgud disfala samting? ?Eni man hemi stap wea Yawe bin tisim abaotem samting ya, mekem hemi save talemaot mining blong hem long mifala?

Jeremaea 9:2

Hemi moabeta sapos mi garem ples long drae eria wea mi save stap. Den mi save ranawe from olketa pipol blong mi, bikos no eniwan long olketa save stap tru long Yawe. Olketa ya i olsem pipol hu gohed olowe fo brekem lo blong marit.

Hosia 7:4

Olketa evriwan i durong olobaot. An wei wea olketa laekem tumas fo durong, hemi bone insaet long tingting blong olketa, olsem barava hot faea wea hemi laet taem man hemi kukim bred long aven.

Joel 1:10

Hemi olsem wea graon tu hemi gohed fo sore an krae, bikos olketa gaden i barava nogud tumas nao. Olketa wit, an olketa grep tri, an olketa oliv tri, olketa evriwan i dae nao.

Levitikas 5:1

“Sapos wanfala man hemi long kot an hemi sud talemaot olketa samting wea hemi lukim o hemi save gudfala long hem, bat hemi nating talemaot, oraet, man ya hemi mekem sin an hemi fitim fo hemi panis fo hem.

Sefenaea 3:4

Olketa profet i bikhed tumas, an olketa trikim olketa pipol. Olketa prist blong Jerusalem i spoelem tambu long Tambuhaos, an olketa brekem lo blong God.

Malakae 3:5

Yawe hu hemi garem evri paoa, hemi tok olsem, ?Bae mi kam fo jajem yufala, an kuiktaem nomoa mi talemaot hu long yufala nao hemi duim olketa ravis samting. Hem nao olketa hu i mekem majik, an olketa hu i brekem lo blong marit, an olketa hu i laea long kot, an olketa masta hu i ravem pei blong wakaman, an olketa hu i mekful long olketa wido an olketa pikinini wea mami an dadi blong olketa i dae finis, an mekful long olketa strensa. Evriwan hu i duim olketa nogud samting olsem i nating tinghae long mi.?

1 Timoti 1:10

An hemi fo stretem olketa pipol hu i save durong wetem eniwan, an olketa hu i barava durong nogud, an olketa hu i save stilim pipol, an olketa hu i save talem laea olobaot, an olketa hu i save talem laea long kot, an olketa pipol hu i save duim enisamting moa wea hemi no falom gudfala tising.

Hibrus 13:4

Evri pipol i mas tinghae long wei blong marit. Olketa hasban an olketa waef i mas kipim olketa seleva, olsem olketa promis finis fo duim. Bikos God bae hemi panisim olketa pipol hu i brekem lo blong marit wetem olketa hu i durong olobaot nomoa.

Jemes 4:4

Yufala lusim finis wei blong God. ?Waswe, yufala no save dat disfala wei fo falom wol hemi agensim God? So eniwan hu hemi laek fo falom wei blong wol, hemi enemi blong God nao.