Jeremaea 22:30 - Pijin Bible

³⁰ Yawe nao hemi tok olsem, “Yufala raetem long rekod blong olketa king wea bae disfala man hemi olsem man wea hemi no garem eni pikinini, an laen blong hem hemi lus finis. Bae man ya hemi no save duim eni gud samting long laef blong hem. Bae no eni san blong hem save sidaon long bikfala sea blong King Deved an rul ovarem Jiuda.”

Pijin Deuterocanon

³⁰ Yawe nao hemi tok olsem, “Yufala raetem long rekod blong olketa king wea bae disfala man hemi olsem man wea hemi no garem eni pikinini, an laen blong hem hemi lus finis. Bae man ya hemi no save duim eni gud samting long laef blong hem. Bae no eni san blong hem save sidaon long bikfala sea blong King Deved an rul ovarem Jiuda.”

Jeremaea 22:30 Iomraidhean Croise

Stori abaotem Job 18:19

Bae hemi no garem eni pikinini, an no eniwan bae bon kam long laen blong hem.

Sams 94:20

Yu barava les long olketa jaj wea wei blong olketa hemi nogud tumas. Ya, yu les long olketa jaj hu i mekem olketa lo wea i nating stret.

Jeremaea 10:21

Olketa lida blong yumi i olsem man hu hemi no lukaftarem sipsip blong hem. Olketa no garem save. Olketa no askem Yawe fo faendemaot tingting blong hem. From samting ya nao, waka blong olketa i foldaon, an hemi olsem sipsip blong olketa i go olobaot.

Jeremaea 2:37

An bae yufala i sem fogud an sore tumas taem yufala livim datfala ples, bikos mi agensim olketa finis.”

Jeremaea 22:2

!Lisin kam gudfala long Mesij blong Yawe, yu king blong Jiuda long laen blong King Deved! !Lisin kam gudfala, yu wetem olketa bikman blong yu an olketa pipol blong yu hu i kam insaet olketa doa blong disfala haos!

Jeremaea 29:32

Dastawe nao mi Yawe, mi tok olsem: Bae mi panisim Semaea an olketa pikinini blong hem. Bikos hemi gohed fo talemaot dat pipol mas agensim mi Yawe, hemi no save lukim olketa gudfala samting wea bae mi duim fo olketa pipol blong mi, an bae mi barava finisim laen blong hem, mekem no eniwan long olketa i stap laef.’ “Hem nao mesij blong mi Yawe.”

Jeremaea 36:30

Dastawe nao mi Yawe mi talemaot disfala toktok abaotem King Jehoeakim blong Jiuda olsem: No eniwan wea i bon kam long laen blong hem bae hemi save tekem ples blong King Deved ya bifoa, fo rul ovarem olketa pipol blong mi. Taem Jehoeakim hemi dae, bae olketa torowem ded bodi blong hem go long open ples nomoa, wea biksan bae hemi gohed fo bonem hem long de, an long naet bae tukol ya nao hemi spoelem hem.

Jeremaea 52:10

So olketa kilim dae olketa san blong Sedekaea, an fosim hem fo lukim. An olketa kilim dae tu olketa bikman blong Jiuda.