Jeremaea 21:14 - Pijin Bible

¹⁴ Bae mi panisim yufala from olketa ravis samting wea yufala gohed fo duim. Bae mi bonem bikfala haos blong king, wetem evrisamting wea hemi stap raonem hem.’ “Hem nao mesij blong Yawe.”

Pijin Deuterocanon

¹⁴ Bae mi panisim yufala from olketa ravis samting wea yufala gohed fo duim. Bae mi bonem bikfala haos blong king, wetem evrisamting wea hemi stap raonem hem.’ “Hem nao mesij blong Yawe.”

Jeremaea 21:14 Iomraidhean Croise

2 Kronikols 36:19

Oraet, olketa bonem Tambuhaos blong God, wetem haos blong King, an olketa narafala haos long Jerusalem, an evri gudfala samting tu. Olketa brekemdaon bikfala wolston blong Jerusalem tu.

Provebs 1:31

So bae yufala kaikaim frut blong ravis wei blong yufala, an bae yufala fulap tumas long hem gogo yufala sik.

Provebs 12:14

Evri gud toktok mekem man gud, olsem frut long hadwaka blong hem.

Aesaea 10:12

(Profet) Taem Yawe hemi panisim finis olketa pipol long Tambu Maonten long Saeon an Jerusalem, bae hemi panisim king ya blong Asiria, bikos hemi haemapem hem seleva an hemi tok praod tumas.

Aesaea 10:16

(Profet) Dastawe nao Lod Yawe hu hemi garem evri paoa, bae hemi mekem wanfala ravis sik fo kasem olketa strongfala soldia blong king ya. Bae sik ya hemi spoelem olketa tumas olsem wea faea hemi bonem evrisamting, an no enisamting nao hemi stap.

Aesaea 24:21

Long datfala taem, bae Yawe hemi panisim olketa hu i garem paoa long antap an olketa hu i rul ovarem disfala wol.

Aesaea 37:24

Mi nao Masta blong yu, bat yu bin sendem olketa pipol blong yu fo tekem mesij fo tok nogud agensim mi. Yu bin tokpraod olsem, ‘Long olketa kaat blong mi fo faet mi bin go antap long olketa maonten, olsem bikfala maonten ya long Lebanon. Mi bin katemdaon olketa nambawan sida tri an olketa nambawan paen tri tu. Mi bin kasem tu olketa maonten wea hemi hae fogud, an ples wea olketa tri i plande tumas long hem.

Jeremaea 11:16

“Bifoa, mi bin gohed fo talem dat yufala i olsem wanfala gudfala oliv tri, wea olketa lif an olketa frut blong hem i gudfala tumas. Bat distaem, wetem bikfala noes olsem tanda an laetning, bae mi brekem olketa branis blong hem, an mi bonem olketa lif blong hem long faea.

Jeremaea 11:22

Bae mi panisim olketa ya. Olketa yang man blong olketa, bae olketa dae long faet, an olketa pikinini blong olketa bae i dae long hanggre.

Jeremaea 17:10

Mi Yawe nomoa, mi save luk insaet long haat blong man. An mi gohed fo testem tingting blong hem, mekem mi save sensimbaek long man ya fitim wanem hemi bin duim.

Jeremaea 17:27

“‘Bat sapos yufala no obeim mi an les fo kipim Sabat de hemi tambu, an sapos yufala i karim olketa hevi samting go insaet long olketa geit blong Jerusalem long disfala de, bae mi sendem kam bikfala faea fo bonem Jerusalem, wetem olketa bikfala geit an olketa strongfala sefples blong hem, an faea ya bae no eniwan save kilim dae.’”

Jeremaea 22:1

Yawe nao hemi tok long Jeremaea olsem, “Yu godaon long haos blong king blong Jiuda an talemaot disfala mesij long ples ya:

Jeremaea 22:7

Bae mi sendem kam olketa man fo spoelem haos ya. Bae olketa tekem kam olketa aks an katemdaon olketa bikfala pos olketa bin wakem long nambawan timba blong sida tri, an torowem go long faea.

Jeremaea 32:19

Olketa plan blong yu i waes tumas, an yu gohed fo mekem plande bikfala samting long paoa blong yu. Oltaem, yu gohed fo lukim olketa wei blong pipol, an yu gohed fo sensimbaek long olketa fitim wanem olketa bin duim.

Jeremaea 46:23

Ya, olketa katemdaon olketa soldia ya olsem bus wea hemi barava bik tumas. Olketa ya i plande tumas winim ami blong olketa grashopa, wea no eniwan save kaontem olketa.

Jeremaea 50:32

Yufala bikhed tumas, bat bae yufala kamap wik an foldaon, an bae no eniwan save helpem yufala fo stanap moa. Bae mi putum faea long olketa taon blong yufala, wea bae hemi spoelem evrisamting wea hemi stap raonem yufala.”

Jeremaea 52:13

Hemi bonem Tambuhaos blong Yawe, an haos blong king, an olketa haos long Jerusalem. Hemi bonem evri impoten haos long taon.

Jeremaea 6:19

!Lisin kam gudfala, yufala evri pipol long wol! Bae mi mekem bikfala trabol fo kasem olketa, bikos olketa gohed fo falom olketa ravis wei. Olketa no lisin long olketa toktok blong mi, an olketa les fo obeim olketa lo blong mi.

Jeremaea 6:29

Olketa ya i kamap ravis finis, olsem ravis blong silva. Nomata mi mekem faea fo kamap strong moa fo aotem disfala ravis, bat ravis ya hemi no save ranaot. Ya, olketa pipol ya i gohed long ravis wei blong olketa.

Jeremaea 9:25

Yawe hemi gohed fo tok olsem, “Bae taem hemi kolsap kam wea mi panisim evri pipol hu i kate nomoa long bodi:

Lamentesin 2:3

Bikos hemi barava kros, hemi mekem Israel wea i bin strong tumas fo barava wik fogud. Taem olketa enemi i kam, hemi les fo helpem olketa. Kros blong hem hemi olsem faea wea hemi bonem evrisamting blong olketa long laen blong Jekob.

Esikiel 21:3

‘Yawe nao hemi tok olsem: Mi nao mi agensim yufala. Bae mi pulumaot naef blong mi fo faet from ples blong hem, an kilim dae evri pipol blong yufala nomata olketa stret o nogud.

Maeka 7:13

Bat evri narafala ples long disfala wol, bae hemi kamap drae eria, bikos olketa pipol blong hem i gohed fo falom olketa nogud wei.

Sekaraea 11:1

(Profet) !Lebanon! Yu mas openem olketa doa blong yu, mekem faea hemi kam bonem olketa sida tri blong yu.