Jeremaea 2:12 - Pijin Bible

¹² From samting ya nao, mi talem long skae fo hemi fraet an seksek, an hemi sapraes fogud long olketa wei blong yufala ya.” Hem nao mesij blong Yawe.

Pijin Deuterocanon

¹² From samting ya nao, mi talem long skae fo hemi fraet an seksek, an hemi sapraes fogud long olketa wei blong yufala ya.” Hem nao mesij blong Yawe.

Jeremaea 2:12 Iomraidhean Croise

Aesaea 1:2

Yawe nao hemi tokstrong olsem, “!Skae an graon! !Yutufala lisin kam long toktok blong mi! Stat long taem wea olketa pikinini blong mi i smolfala, mi bin lukaftarem olketa gudfala, bat distaem olketa agensim mi nao.

Aesaea 29:9

(Profet) !Oraet! !Yufala gohed nomoa sapos yufala laek fo kamap krangge! !An gohed fo aotem ae blong yufala, sapos yufala laek fo kamap blaen! Hemi olsem wea yufala nating dringim nomoa eni waen, bat yufala drang nao. Ya, hemi olsem wea yufala nating dringim nomoa eni bia, bat yufala no save wakabaot stret nao.

Jeremaea 18:13

Dastawe nao Yawe, hemi tok olsem, “!Olketa! Go askem evriwan long wol. ?Hu nao hemi herem nius abaotem kaen ravis samting olsem? Samting ya wea olketa blong Israel i duim hemi olsem wanfala yang gele hemi go olobaot falom ravis wei.

Jeremaea 22:29

!O, lan blong mi, lan blong mi, lan blong mi! !Lisin kam gudfala long Mesij blong Yawe!

Jeremaea 4:23

Long wanfala spesol drim, mi lukim wol ya, an no enisamting hemi stap stret moa long hem. Mi luk goap long skae, bat hemi tudak nomoa.

Jeremaea 6:19

!Lisin kam gudfala, yufala evri pipol long wol! Bae mi mekem bikfala trabol fo kasem olketa, bikos olketa gohed fo falom olketa ravis wei. Olketa no lisin long olketa toktok blong mi, an olketa les fo obeim olketa lo blong mi.

Maeka 6:2

!Lisin kam gudfala, yufala olketa bikfala maonten! !Lisin kam gudfala, yufala olketa faondesin blong disfala wol, wea yufala bin stap kam longtaem bifoa nao! Yufala lisin kam long olketa toktok wea Yawe hemi talemaot agensim olketa pipol blong hem long Israel.

Matiu 27:45

Taem hemi kasem tuelklok long de nomoa, evri ples long kantri ya hemi tudak tumas nao. An hemi go-gohed olsem fo trifala aoa.

Diutronomi 32:1

“Skae an graon, yutufala herem toktok blong mi, yutufala lisingud long olketa samting wea bae mi talem.