Jeremaea 19:9 - Pijin Bible

⁹ Taem olketa enemi i raonem taon, mekem olketa save kilim olketa dae, bae olketa hu i insaet long taon i finisim evri kaikai blong olketa. An bihaen olketa gohed fo hanggre tumas, go-go olketa kaikaim olketa san an olketa dota an olketa wantok blong olketa.’

Pijin Deuterocanon

⁹ Taem olketa enemi i raonem taon, mekem olketa save kilim olketa dae, bae olketa hu i insaet long taon i finisim evri kaikai blong olketa. An bihaen olketa gohed fo hanggre tumas, go-go olketa kaikaim olketa san an olketa dota an olketa wantok blong olketa.’

Jeremaea 19:9 Iomraidhean Croise

Aesaea 9:20

Wei blong olketa fo faet an kilim man dae, bae hemi spoelem evrisamting. Nomata olsem, olketa nating hapi. Ya, hemi olsem wea olketa kaikaim evrisamting from olketa wantok blong olketa, bat olketa nating fulap nomoa.

Jeremaea 13:14

An bae mi brekem olketa ya olsem man hemi brekem tufala botol tugeta. Olketa olfala an olketa yangfala, bae mi brekem olketa evriwan long sem wei ya nomoa. Long taem ya, bae mi no save sore long olketa, an bae mi no save filnogud fo olketa, mekem stop fo no spoelem olketa finis.” Hem nao mesij blong Yawe.

Jeremaea 38:9

“King blong mi. Olketa samting wea olketa bikman ya i mekem long Profet Jeremaea ya hemi barava no stret. Olketa putum hem godaon insaet long bikfala ren tangk, an bae hemi dae long hanggre long dea, bikos distaem kolsap no eni bred hemi stap nao long taon.”

Lamentesin 2:20

“!O Yawe! Plis yu luk kam long mi, an tingim: ?Yu bin panisim eniwan olsem bifoa? Nomata olketa woman wea i lavem tumas olketa pikinini blong olketa, olketa gohed fo kaikaim ded bodi blong olketa. Olketa prist an olketa profet blong yu, olketa enemi i gohed fo kilim olketa insaet long tambuples blong yu.

Lamentesin 4:10

Bifoa, olketa mami i lukaftarem gudfala pikinini blong olketa. Bat bihaen taem God hemi spoelem pipol blong mi, olketa mami i kilim pikinini ya, an kukim fo kaikaim.

Esikiel 5:10

Bae yufala garem barava hadtaem long hanggre, mekem yufala kaikaim olketa pikinini blong yufala. An olketa pikinini blong yufala tu bae i kaikaim olketa olo blong olketa. Ya, bae mi panisim yufala, an ronemaot olketa long yufala wea i laef yet fo stap olobaot long olketa narafala kantri, olsem disfala hea wea win hemi karim go olobaot.

Levitikas 26:29

Bae yufala barava hanggre go moa winim bifoa, go-go bae hemi mekem yufala fo kaikaim olketa pikinini blong yufala seleva.