Jeremaea 18:6 - Pijin Bible

⁶ “!Olketa pipol blong Israel! ?Waswe, yufala ting olsem mi no garem raet fo wakem yufala fitim wanem mi laekem, olsem wea man garem raet fo wakem pot long graon fitim wanem hemi laekem? Yufala ya i stap long han blong mi, barava olsem nao disfala graon hemi stap long han blong man fo wakem pot.

Pijin Deuterocanon

⁶ “!Olketa pipol blong Israel! ?Waswe, yufala ting olsem mi no garem raet fo wakem yufala fitim wanem mi laekem, olsem wea man garem raet fo wakem pot long graon fitim wanem hemi laekem? Yufala ya i stap long han blong mi, barava olsem nao disfala graon hemi stap long han blong man fo wakem pot.

Jeremaea 18:6 Iomraidhean Croise

Aesaea 45:9

(Profet) !Olketa! !Sore tumas long yufala hu i raoa wetem God hu hemi mekem yufala! Yufala olsem wanfala pis pot wea hemi brek finis, an hemi semsem nomoa olsem olketa narafala pis pot long ravis hip. ?Waswe, yufala tingse graon wea man hemi wakem pot long hem, save tok olsem nomoa long man hu hemi mekem hem, “?Wanem nao yu wakem ya?” ?Waswe, yufala tingse hemi save tok olsem nomoa long man, “!Yu nating save nomoa hao fo mekem pot!”?

Aesaea 64:8

Lod Yawe. Nomata hemi olsem, yu nao yu Dadi blong mifala. Mifala olsem graon, an yu olsem man hu hemi wakem pot long graon ya. Yu nao yu mekem mifala evriwan long han blong yu.

Jeremaea 18:4

Bat mi lukim tu dat pot long graon hemi gohed fo waka long hem hemi kamap nogud long han blong hem. So hemi presim disfala graon, an hemi yusim sem graon ya moa, fo wakem deferen pot fitim wanem hemi laekem.

Jeremaea 18:5

Den Yawe hemi talemaot Mesij blong hem long mi. Hemi tok olsem,

Daniel 4:23

An taem yu gohed yet fo lukluk, enjel ya fo gad hemi kamdaon from heven, an hemi tok olsem, ‘Yufala katemdaon tri ya, bat letem botom blong hem nomoa hemi stanap. Yufala tekem samfala bikfala strap wea olketa wakem long aean an bras, an taengem strong raonem botom tri ya, an letem hem stap long open ples insaet long gras. Yufala letem hem stap long ples ya mekem wata blong naet hemi foldaon kam long hem, an letem hem stap long gras wetem olketa animol fo sevenfala yia.’

Matiu 20:15

?Waswe, yu tingse mi no garem paoa fo duim wanem mi laek fo duim long seleni blong mi seleva? ?O waswe, yu joles nomoa bikos mi kaen olsem?’”

Leta wea Pol hemi raetem go long sios long Rom 11:34

Olsem Buktambu hemi talem, “?Hu nao i save long tingting blong Masta? ?Hu nao i save tisim hem long enisamting?”