Jeremaea 18:19 - Pijin Bible

¹⁹ (Profet) !Yawe! !Plis yu herem kam prea blong mi! !Plis yu lisin long olketa toktok wea olketa enemi blong mi i gohed fo talemaot agensim mi!

Pijin Deuterocanon

¹⁹ (Profet) !Yawe! !Plis yu herem kam prea blong mi! !Plis yu lisin long olketa toktok wea olketa enemi blong mi i gohed fo talemaot agensim mi!

Jeremaea 18:19 Iomraidhean Croise

2 Kings 19:16

!O Yawe! Plis yu lisin kam. !O Yawe! Plis yu lukim kam. Plis yu lisin kam long disfala wei wea King Senakerib hemi tokspoelem yu long hem, yu God hu hemi laef.

Nehemaea 6:9

Olketa ya i traem nomoa fo mekem mifala fraet, mekem mifala wikdaon an no save finisim waka ya. So mi prea olsem, “O God, plis yu mekem mi strong.”

Sams 109:28

Maet olketa mekem trabol fo kasem mi, bat bae yu blesim mi nomoa. Plis yu meksem long olketa hu i spoelem mi. Sapos olsem, bae mi wakaman blong yu, mi hapi tumas.

Sams 109:4

Nomata mi lavem olketa an mi bin prea fo olketa, olketa ya i agensim mi nomoa.

Jeremaea 18:18

Olketa pipol i tok olsem, “Olketa. Yumi mas mekem plan agensim profet ya. Bae olketa prist i stap olowe fo tisim yumi, an olketa waesman i stap olowe fo givim gudfala tingting long yumi, an olketa profet blong yumi tu i stap fo talemaot long yumi olketa profesi. So yumi mas agensim Jeremaea ya an tokspoelem hem, an yumi mas no lisin long olketa toktok blong hem.”

Jeremaea 18:20

?Waswe, hemi stret fo sensimbaek ravis samting fo gudfala samting? Plis yu tingim dat mi bin gohed fo kam long yu fo askem yu fo no kros long olketa, mekem yu no panisim olketa. Bat olketa ya laek fo finisim mi nao, olsem wea man hemi digim hol olsem trap fo kasholem animol an kilim hem dae.

Jeremaea 20:12

!O Yawe, hu yu garem evri paoa! Yu nomoa save testem olketa pipol long wei wea hemi stret, bikos yu savegud long tingting blong man. Distaem mi laek fo lukim dat yu panisim olketa, bikos mi putum olketa trabol ya blong mi insaet long han blong yu.

Lamentesin 3:59

Yu lukim finis long wei wea olketa enemi i spoelem mi. Bat distaem, plis yu jaj long stretfala wei, an som wea mi nao stret.

Maeka 7:8

(Profet) Nomata yumi foldaon finis, bat olketa enemi blong yumi nating save hapi nomoa long disfala trabol. Yumi foldaon, bat bae yumi stanap moa. Nomata yumi stap long tudak, bat Yawe seleva nao bae hemi laet blong yumi.