Jeremaea 17:6 - Pijin Bible

⁶ Diskaen man hemi olsem wanfala smol tri long drae eria wea no eniwan save stap long hem, long lan wea hemi no garem eni wata long hem an graon blong lan ya hemi fulap nomoa long solt. Man olsem, hemi no save garem eni gudfala samting long laef blong hem.

Pijin Deuterocanon

⁶ Diskaen man hemi olsem wanfala smol tri long drae eria wea no eniwan save stap long hem, long lan wea hemi no garem eni wata long hem an graon blong lan ya hemi fulap nomoa long solt. Man olsem, hemi no save garem eni gudfala samting long laef blong hem.

Jeremaea 17:6 Iomraidhean Croise

2 Kings 7:2

Nao wanfala bikman wea hemi wakabaot wetem king olowe hemi tok olsem long man blong God, “!Yu laea! !Sapos Yawe hemi sendem kam kaikai from heven distaem nomoa, bae praes blong hem hemi no save godaon olsem!” Den Elaesa hemi tok olsem long hem, “Bae yu lukim samting ya hemi hapen, bat bae yu no save kaikaim enisamting long olketa kaikai ya.”

Stori abaotem Job 20:17

So bae hemi no save lukim staka gudfala samting olsem oel, an hani, an milk wea i kamap long lan blong hem.

Stori abaotem Job 39:6

Mi nao mi givim drae eria fo olketa stap long hem, an mi nao mi letem olketa stap long bikfala flat ples wea hemi garem solt long hem.

Sams 1:4

Bat olketa nogud pipol i nating olsem ya. Olketa nogud pipol ya i olsem nomoa olketa dae lif wea win hemi bloum go.

Sams 107:34

An hemi mekem olketa graon fo fulap long solt wea no enisamting save grou long hem. Hemi mekem olsem bikos pipol hu i stap long ples ya, wei blong olketa hemi ravis fogud.

Sams 92:7

Samting ya nao hemi olsem, olketa nogud pipol save grouap gudfala olsem gras, an olketa wea i duim olketa nogud samting olketa save garem gudfala laef long disfala wol, bat, bae yu spoelem olketa finis.

Aesaea 1:30

Bae yufala dae, olsem strongfala ok tri wea hemi kamap drae, o gaden wea hemi no garem wata long hem.

Jeremaea 29:32

Dastawe nao mi Yawe, mi tok olsem: Bae mi panisim Semaea an olketa pikinini blong hem. Bikos hemi gohed fo talemaot dat pipol mas agensim mi Yawe, hemi no save lukim olketa gudfala samting wea bae mi duim fo olketa pipol blong mi, an bae mi barava finisim laen blong hem, mekem no eniwan long olketa i stap laef.’ “Hem nao mesij blong mi Yawe.”

Jeremaea 48:6

Olketa tok olsem, ‘!Ranawei! Yumi mas ran kuiktaem, nogud yumi dae. Yumi mas stap laef nomoa olsem smolfala tri long drae eria.’

Esikiel 47:11

Bat olketa suam an krik long soa, bae i no save garem fres wata. Bae olketa garem solt long olketa, mekem man save tekemaot solt long hem.

Diutronomi 29:23

Evriwea long lan blong yufala bae hemi emti, bae hemi no garem enisamting hemi save grou long hem. Salfa poesen an solt bae hemi evriwea long hem. Bae yufala no save plantem enisamting long hem. Nomata ravis gras nomoa, bat hemi no save grou long hem tu. Ples blong yufala bae hemi bagarap olsem olketa taon long Sodom, an Gomora, an Adma, an Seboeim, wea Yawe hemi spoelem olketa bifoa taem hemi kros tumas long olketa.

Jajis 9:45

Abimelek an olketa wetem hem i faet agensim pipol insaet long taon ya fo wanfala fulde, go-go-go olketa kilim dae evriwan an holem taon ya. Olketa brekemdaon taon ya an torowem solt antap long hem fo som dat trabol bae kasem eniwan hu hemi stap moa long hem.