Jeremaea 17:17 - Pijin Bible

¹⁷ Long taem blong trabol, yu nomoa yu sefples blong mi fo haed. Plis yu no mekem mi fraet.

Pijin Deuterocanon

¹⁷ Long taem blong trabol, yu nomoa yu sefples blong mi fo haed. Plis yu no mekem mi fraet.

Jeremaea 17:17 Iomraidhean Croise

Stori abaotem Job 31:23

Mi nating laek fo duim eni ravis samting long pua pipol, bikos mi fraetem paoa blong God, an mi wari olsem maet hemi spoelem mi.

Sams 41:1

Olketa pipol wea i gohed fo tingim olketa pua pipol, olketa ya nao i hapi, bikos Yawe bae hemi helpem olketa taem trabol hemi kasem olketa.

Sams 59:16

Bat bae mi singsing fo talemaot paoa blong yu. An evri moning bae mi singsing bikfala abaotem bikfala lav blong yu. Oltaem, yu nao yu strongfala sefples blong mi. Ya, yu nao yu sefples blong mi long taem blong trabol.

Jeremaea 16:19

(Profet) O Yawe. Yu olsem strongfala sefples fo mi. Taem trabol hemi kam kasem mi, yu nomoa gohed fo gadem mi, an yu gohed fo givim paoa long mi. Olketa pipol blong evri ples long wol bae i kam long yu an tok olsem, “Olketa grani blong mifala bifoa, olketa garem nomoa olketa laea god an yusles kaving wea i no save helpem olketa.

Jeremaea 17:13

O Yawe. Yu nao God wea mifala long Israel save dipen long hem. Olketa hu i lusim yu, bae i sem tumas. Eniwan hu hemi les long yu, bae hemi olsem toktok wea olketa raetemdaon long sanbis. Bae hemi lus finis bikos hemi lusim yu Yawe, hu yu olsem nambawan springwata wea hemi givim laef.

Jeremaea 17:7

“Bat man hu hemi trastem mi Yawe, an putum tingting blong hem fo stap strong long mi, hem nao hemi hapi.

Joel 3:16

Bae Yawe hemi stap long tambu maonten long Saeon long Jerusalem. Hemi singaot bikfala kam, an voes blong hem hemi olsem voes blong laeon. Ya, voes blong hem hemi kamaot bikfala tumas olsem tanda, nao graon an skae hemi seksek fogud. Bat hemi gohed fo lukaftarem gudfala olketa pipol blong Israel. An hem nao hemi sefples blong olketa pipol blong hem.

Neiham 1:7

Yawe hemi gud tumas. Hemi save lukaftarem olketa pipol blong hem taem trabol hemi kasem olketa. Hem nao hemi strongfala sefples fo olketa hu i trastem hem.

Efesas 6:13

So distaem, yufala mas werem evrisamting fo faet wea God hemi givim. Sapos olsem, bae yufala save stopem disfala enemi, nomata eni taem hemi kam fo faetem yufala. An bae yufala save faet go-go kasem en, an bae yufala save stanap strong oltaem.