Jeremaea 17:14 - Pijin Bible

¹⁴ O Yawe. Yu nomoa mi gohed fo preisim. Plis yu hilim mi, an bae mi gudbaek moa. Plis yu sevem mi, an bae mi save stap sef.

Pijin Deuterocanon

¹⁴ O Yawe. Yu nomoa mi gohed fo preisim. Plis yu hilim mi, an bae mi gudbaek moa. Plis yu sevem mi, an bae mi save stap sef.

Jeremaea 17:14 Iomraidhean Croise

Sams 106:47

Yawe, yu nao yu God blong mifala. Plis yu sevem mifala, an tekem mifala aot moa from han blong olketa hiden pipol. Plis yu tekem mifala gobaek long ples blong mifala. Long wei olsem bae mifala save tengkiu long yu, an mifala save preisim holi nem blong yu.

Sams 109:1

!God, oltaem nomoa mi preisim yu! !Plis yu no stap kuaet an lukluk nomoa long mi!

Sams 119:94

Mi man blong yu ya, plis yu sevem mi, bikos mi traehad fo obeim olketa gudfala toktok blong yu.

Sams 12:4

“Mifala tok nomoa, an wanem mifala laekem hemi kam nao. Bae mifala save talem nomoa wanem mifala laek fo talem, evriwan i falom nao, an no eniwan save stopem mifala.”

Sams 148:14

Hemi mekem yumi olketa pipol blong hem fo kamap strong Hemi haemapem yumi evriwan hu i tinghevi long hem an hemi lavem yumi olketa pipol blong Israel. !Yumi preisim Yawe!

Sams 54:1

God, plis yu sevem mi long paoa blong yu. Ya, long paoa blong yu, plis yu mekem mi fri.

Sams 6:2

Lod Yawe, plis yu sore kam long mi, bikos mi barava wik fogud. Plis yu mekem mi strong moa, bikos mi barava taet fogud nao.

Sams 6:3

?Lod Yawe, fo hao long nao bae yu weit, bifoa yu save helpem mi? Ful laef blong mi, hemi barava nogud tumas nao.

Sams 6:4

Lod Yawe, lav blong yu hemi bikfala tumas, plis yu kam an sevem mi.

Sams 60:5

Yu lavem mifala tumas, so plis sevem mifala wetem bikfala paoa blong yu, an ansarem kam prea blong mifala, mekem mifala stap gudfala.

Aesaea 6:10

Aesaea. Toktok blong yu bae hemi mekem olketa fo no luksave, an fo no heresave, an fo no minim tu. Nogud olketa herem toktok blong yu, an bae olketa luksave, an heresave, an minim, mekem olketa save kambaek moa long mi, an mi save mekem olketa fo gudbaek moa.”

Jeremaea 15:20

Bae mi mekem yu save stanap strong long midol long olketa pipol ya, olsem wanfala strong wol wea olketa wakem long bras. Taem olketa faetem yu, bae olketa no save winim yu, bikos mi bae mi stap wetem yu. Bae mi gadem yu, an mi sevem yu.

Jeremaea 3:23

Evri ravis samting wea mifala bin duim fo wosipim olketa laea god antap long olketa hil ya hemi yusles nomoa. !Hemi laea nomoa! Yu Yawe, yu nomoa God blong mifala an yu nomoa save sevem mifala blong Israel.

Jeremaea 30:17

Bat yufala, bae mi mekem yufala i gudbaek moa an hilim evri sik an soa blong yufala. Mi duim olsem, bikos olketa sei wea mi ronemaot yufala, an wea no eniwan hemi tinghevi long Saeon.” Hem nao mesij blong Yawe.

Jeremaea 31:18

“Mi herem Efrem wea i gohed fo sore an krae. Hemi tok olsem, ‘O Yawe. Mi olsem pikinini blong wael buluka wea man no save mekem hemi stap kuaet. Bat yu panisim mi, mekem mi obeim yu. Yu nao Yawe, God blong mi. Plis yu tekem mi kambaek. Mi redi nomoa fo kambaek long yu.

Jeremaea 33:6

Bat nomata olsem, bihaen, bae mi mekem disfala taon hemi kamap gud moa. Bae mi mekem olketa pipol blong hem i kamap strong moa, an bae mi mekem olketa ya i stap gudfala moa long piis.

Nambas 12:13

So Mosis hemi krae go long Yawe olsem, “!God, plis yu tekemaot disfala sik from hem!”

Matiu 14:30

Bat taem Pita hemi lukim strongfala win ya, hemi fraet tumas, an hemi stat fo singdaon nao. So hemi singaot long Jisas olsem, “!Oo Masta, yu sevem mi!”

Matiu 8:25

Nao olketa disaepol olketa wekapem hem an olketa sei, “!Masta, sevem mifala! !Yumi kolsap dae nao ya!”

Gudnius abaotem Jisas Kraes wea Luk hemi raetem 4:18

“Spirit blong God hemi stap wetem mi, bikos hemi siusim mi fo talemaot Gudnius long olketa pua pipol. Hemi sendem mi fo talemaot long olketa hu i stap long prisin dat bae olketa fri nao, an fo talem olketa hu i blaen dat bae olketa save lukluk moa, an fo talem olketa hu i stap andanit long paoa blong olketa nara pipol dat bae olketa fri moa.

Diutronomi 10:21

Yufala mas mekhae long Yawe. Hem nomoa hemi God blong yufala. An yufala lukim olketa barava bikfala samting wea hemi save mekem man fraet.

Diutronomi 32:39

Yufala mas save. !Mi nomoa mi God! !No eni narafala god hemi stap! Mi save mekem man hemi dae, an mi save mekem man hemi laef. Mi save mekem man hemi garekil, an mi save mekem hem gudbaek moa. No eniwan save stopem olketa samting wea mi duim.