Jeremaea 14:4 - Pijin Bible

⁴ Graon ya hemi drae fogud bikos no eni ren hemi foldaon long lan ya. Olketa wakaman long gaden i filsem tumas, mekem olketa kavaremap fes blong olketa.

Pijin Deuterocanon

⁴ Graon ya hemi drae fogud bikos no eni ren hemi foldaon long lan ya. Olketa wakaman long gaden i filsem tumas, mekem olketa kavaremap fes blong olketa.

Jeremaea 14:4 Iomraidhean Croise

Jeremaea 2:37

An bae yufala i sem fogud an sore tumas taem yufala livim datfala ples, bikos mi agensim olketa finis.”

Jeremaea 3:3

Dastawe nao mi stopem ren fo hemi no foldaon kam long gaden blong yufala. Bat nomata olsem, yufala no save sem nao from juri wei blong yufala ya.

Joel 1:11

Yufala olketa wakaman long gaden, yufala mas sore. Yufala wea i gohed fo lukaftarem olketa plantesin blong grep, yufala mas krae. Bikos olketa wit an olketa bali, an evri kaikai long gaden blong yufala, olketa grashopa i spoelem finis nao.

Joel 1:17

Olketa sid wea yufala plantem i dae evriwan, bikos graon hemi drae tumas. An no eni sid nao hemi stap mekem yufala save plantem moa. Olketa stoa haos fo putum olketa kaikai long hem i emti evriwan. Olketa evriwan i foldaon an kamap nogud tumas nao.

Levitikas 26:18

“An sapos yufala no obeim mi bihaen long olketa panis ya, bae mi dabolem panis blong yufala from olketa sin blong yufala.

Emos 4:8

Olketa pipol blong samfala taon i barava dae nao fo dring. So olketa go long olketa narafala taon fo faendem wata bat wata hemi nating naf nomoa fo olketa evriwan. !Bat nomata olsem, yufala nating tane kambaek nomoa long mi!

Diutronomi 29:23

Evriwea long lan blong yufala bae hemi emti, bae hemi no garem enisamting hemi save grou long hem. Salfa poesen an solt bae hemi evriwea long hem. Bae yufala no save plantem enisamting long hem. Nomata ravis gras nomoa, bat hemi no save grou long hem tu. Ples blong yufala bae hemi bagarap olsem olketa taon long Sodom, an Gomora, an Adma, an Seboeim, wea Yawe hemi spoelem olketa bifoa taem hemi kros tumas long olketa.