Jeremaea 14:3 - Pijin Bible

³ Olketa bikman gohed fo sendem wakaman blong olketa fo go long olketa wel fo tekem wata, bat no eni wata hemi stap. Olketa karim kambaek olketa emti botol nomoa, an olketa filsem tumas, mekem olketa kavaremap fes blong olketa.

Pijin Deuterocanon

³ Olketa bikman gohed fo sendem wakaman blong olketa fo go long olketa wel fo tekem wata, bat no eni wata hemi stap. Olketa karim kambaek olketa emti botol nomoa, an olketa filsem tumas, mekem olketa kavaremap fes blong olketa.

Jeremaea 14:3 Iomraidhean Croise

2 Samuel 15:30

Nao king wetem olketa pipol i goaot, an falom rod wea hemi go pas antap long Hil blong Oliv Tri. Hemi tekemaot sandol blong hem, an hemi kavaremap hed blong hem fo somaot dat hemi filnogud, an hemi gohed fo krae bikfala. Olketa evriwan wea i go wetem hem, olketa tu i kavaremap hed blong olketa, an gohed fo krae.

2 Samuel 19:4

An king hemi kavarem fes blong hem, an gohed fo krae bikfala olsem, “!Oooo, san blong mi! !San blong mi Absalom! !Absalom, san blong mi!”

1 Kings 17:7

Hemi stap long ples ya go-go smolfala riva ya hemi kamap drae nao bikos hemi no garem ren.

2 Kings 18:31

“!Yufala mas no lisin long Hesekaea! Hem ya nao wanem King blong Asiria hemi talem: Yufala kamaot from taon ya, an yumi mekem agrimen fo no faet. Sapos yufala duim disfala samting, bae yufala evriwan i stap gudfala. Bae yufala save kaikaim olketa grep blong olketa plantesin blong yufala an frut blong olketa fig tri wea yufala plantem, an bae yufala save dringim wata long olketa wel blong yufala.

Esta 6:12

Bihaen, Modekae hemi gobaek moa fo waka long haos blong king, bat Haman hemi kavarem fes blong hem bikos hemi sem tumas, an ranawe go nao long haos blong hem.

Stori abaotem Job 6:20

Bat taem olketa kasem saet long olketa smolfala wata, olketa barava givap nao taem olketa lukim wata ya i drae nao.

Sams 109:29

Hemi gud sapos yu mekem olketa pipol hu i talem olketa ravis samting agensim mi, olketa mas barava sem fogud long laef blong olketa.

Sams 40:14

Hemi gud fo yu daonem olketa wea i traehad fo kilim mi, an hemi gud fo yu mekem olketa sem an luk krangge. Olketa wea i hapi bikos olketa trabol i kasem mi, hemi gud fo yu mekem olketa gobaek, an barava sem fogud.

Jeremaea 14:4

Graon ya hemi drae fogud bikos no eni ren hemi foldaon long lan ya. Olketa wakaman long gaden i filsem tumas, mekem olketa kavaremap fes blong olketa.

Jeremaea 15:18

?Waswe nao mi mas gohed fo filnogud olsem? Hemi olsem mi filpein from garekil blong mi, an bae soa ya hemi no save gudbaek moa. ?Waswe nao mi no save hapi moa? Mi nidim yu fo helpem mi, bat hemi olsem yu wanfala riva wea samtaem hemi no garem eni wata long hem, o wanfala springwata wea hemi kamap drae.

Jeremaea 2:13

“Olketa pipol blong mi i mekem tufala sin wea hemi nogud tumas. Mi nao olsem wanfala springwata wea hemi save givim laef, bat yufala i les long mi finis. An yufala i falom nomoa olketa narafala god wea yufala seleva bin wakem. Olketa god ya i olsem wata tangk wea man hemi wakem wea hemi brek an no save holem wata.”

Jeremaea 2:37

An bae yufala i sem fogud an sore tumas taem yufala livim datfala ples, bikos mi agensim olketa finis.”

Jeremaea 20:11

Bat yu Yawe, yu olsem nambawan strongman fo faet, an oltaem yu stap wetem mi. Olketa hu i mekem mi safa, bae olketa wikdaon an no save winim mi. Bae olketa sem fogud, an sem blong olketa nao bae hemi stap fo evritaem olowe.

Jeremaea 3:3

Dastawe nao mi stopem ren fo hemi no foldaon kam long gaden blong yufala. Bat nomata olsem, yufala no save sem nao from juri wei blong yufala ya.

Lamentesin 4:4

Olketa smolfala pikinini ya i barava dae fo wata. Olketa pikinini i askem kaikai, bat no eniwan nao givim.

Hosia 2:3

Sapos hemi no lusim disfala ravis wei blong hem, bae mi brekem olketa kaleko blong hem an aotem, mekem hemi gohed fo neket nomoa olsem taem wea hemi jes bon. Bae mi mekem hem fo olsem wanfala drae eria wea hemi nating garem enisamting long hem, an bae hemi olsem man wea hemi barava dae fo wata.

Joel 1:20

Olketa wael animol tu i gohed fo krae go long yu, bikos olketa springwata i barava drae, an faea ya hemi spoelem evri kaikai blong olketa.

Emos 4:7

An mi nao bin stopem fo hemi no ren taem olketa gaden blong yufala i barava nidim wata. Mi letem fo hemi ren nomoa long samfala taon, bat i no long olketa narafala taon. Mi letem fo hemi ren nomoa long samfala gaden, bat long olketa narafala gaden hemi barava drae an olketa kolsap dae nao.

Emos 4:8

Olketa pipol blong samfala taon i barava dae nao fo dring. So olketa go long olketa narafala taon fo faendem wata bat wata hemi nating naf nomoa fo olketa evriwan. !Bat nomata olsem, yufala nating tane kambaek nomoa long mi!

Sekaraea 14:17

Sapos pipol blong eni kantri i les fo kam long Jerusalem fo wosipim King Yawe hu hemi garem evri paoa, bae hemi no save sendem kam ren long kantri blong olketa.