Jeremaea 14:16 - Pijin Bible

¹⁶ An olketa pipol wea olketa profet ya gohed fo talemaot laea ya long olketa, olketa wetem olketa waef, an olketa san, an olketa dota blong olketa bae i dae long taem blong hanggre an taem blong faet. An bae olketa enemi i torowem olketa bodi ya olobaot nomoa long olketa rod blong Jerusalem, an bae no eniwan hemi stap fo berem olketa. Bae mi sensimbaek long olketa pipol long olketa ravis samting wea olketa gohed fo mekem.

Pijin Deuterocanon

¹⁶ An olketa pipol wea olketa profet ya gohed fo talemaot laea ya long olketa, olketa wetem olketa waef, an olketa san, an olketa dota blong olketa bae i dae long taem blong hanggre an taem blong faet. An bae olketa enemi i torowem olketa bodi ya olobaot nomoa long olketa rod blong Jerusalem, an bae no eniwan hemi stap fo berem olketa. Bae mi sensimbaek long olketa pipol long olketa ravis samting wea olketa gohed fo mekem.

Jeremaea 14:16 Iomraidhean Croise

Provebs 1:31

So bae yufala kaikaim frut blong ravis wei blong yufala, an bae yufala fulap tumas long hem gogo yufala sik.

Aesaea 51:20

Yufala gohed fo foldaon olobaot nomoa falom olketa rod long taon, bikos yufala wik tumas. Yufala olsem wanfala dia wea hemi pas insaet long trap. Disfala kros blong Yawe God blong yufala, hemi barava kasem yufala nao.

Aesaea 9:16

Olketa ya i lidim olketa pipol long wei wea hemi nating stret.

Jeremaea 16:4

“Samfala ya bae olketa dae long bikfala sik, an bae no eniwan hemi sore an krae fo olketa. Bae no eniwan hemi berem olketa bodi ya, an bae olketa i olsem ravis wea hemi stap nomoa long graon. An bae samfala long olketa ya i dae long taem blong faet an long taem blong hanggre, an bae olketa bed wetem olketa wael animol i kaikaim nao olketa bodi ya.”

Jeremaea 18:21

!Letem taem blong hanggre hemi kam kasem olketa pikinini blong olketa! !Letem olketa enemi i kam kilim dae olketa pipol long faet! !Letem olketa woman i kamap wido an olketa pikinini blong olketa i dae tu! !Letem olketa man i dae long bikfala sik, an olketa yang man i dae long faet!

Jeremaea 20:6

An yu Pasua, bae olketa enemi i holem yu wetem olketa famili blong yu, an fosim yufala fo go long Babilonia. An yufala wetem olketa wantok blong yu wea oltaem yu gohed fo talemaot laea profesi long olketa, bae yufala evriwan i dae long ples ya, an bae olketa berem yufala long dea nao.’”

Jeremaea 27:15

Yawe nao hemi tok olsem, ‘!Mi no sendem olketa ya! Olketa gohed fo talemaot nomoa laea profesi long nem blong mi. Dastawe nao bae mi fosim yufala wetem olketa profet ya fo lusim lan blong yufala, an bae yufala dae long ples wea hemi farawe.’”

Jeremaea 4:18

“!Olketa! From olketa ravis wei blong yufala nao an from olketa nogud samting wea yufala gohed fo duim, bae mi mas panisim yufala. Disfala panis ya bae hemi strongfala fogud wea hemi mekem yufala fo barava safa tumas.” Hem nao toktok blong Yawe.

Jeremaea 5:31

Taem olketa profet i talemaot profesi blong olketa, olketa laea nomoa. Olketa prist gohed fo duim olketa samting wea olketa laekem nomoa. An yufala pipol blong mi i barava laekem tumas disfala wei blong olketa. ?Bat taem mi finisim olketa samting ya, wanem nao bae yufala duim?” Hem nao mesij blong Yawe.

Jeremaea 7:33

Den olketa bodi wea i no save berem, bae olketa bed wetem olketa wael animol i kaikaim, an bae no eniwan hemi stap fo ronem olketa.

Jeremaea 8:1

Yawe hemi gohed fo talemaot mesij blong hem olsem, “Long datfala taem, bae olketa enemi i kam long beregraon ya an tekemaot olketa bon blong olketa king, an olketa bikman, an olketa prist, an olketa profet, an olketa narafala pipol blong Jerusalem.

Jeremaea 8:2

Bae olketa bon ya i stap olobaot nomoa antap long graon andanit long san, an long mun, an long olketa sta wea olketa pipol ya i aftarem, an lavem tumas, an mekem wosip long olketa. Bae no eniwan hemi hipimap olketa bon ya fo berem, an bae olketa i olsem ravis wea hemi stap nomoa long graon.

Jeremaea 9:20

!Lisin kam gudfala long Mesij blong Yawe, yufala woman! !Herem kam olketa toktok wea hemi talem long yufala! Yufala mas lanem olketa dota blong yufala long wei fo krae long man dae, an yufala mas tisim olketa fren blong yufala long diskaen singsing blong dae:

Jeremaea 9:22

Yawe nao hemi tokstrong long mi fo talemaot mesij blong hem olsem, “Olketa bodi bae i stap olobaot long olketa open ples, olsem hip blong ravis nomoa. Bae olketa ya i stap olobaot, olsem pasel wit wea man hemi livim long gaden, an no eniwan hemi stap fo karim go.”

Esikiel 39:14

“Bihaen long sevenfala mans ya, bae olketa siusim samfala long olketa fo wakabaot go evriwea long lan, mekem olketa gohed fo lukaotem olketa ded bodi wea hemi leidaon olobaot yet long graon, an berem olketa, mekem lan ya hemi kamap klin moa.

Emos 7:17

Dastawe nao Yawe hemi tok olsem, ?Waef blong yu bae hemi kamap wanfala juri woman insaet long disfala taon, an evri pikinini blong yutufala bae i dae long faet. Bae olketa narafala pipol nao i divaedem olketa graon blong yu long olketa seleva, an bae yu dae long kantri blong olketa hiden pipol. An olketa enemi bae i kam an fosim yufala evriwan long Israel fo lusim lan blong yufala.’

Matiu 15:14

So yufala no wari long olketa Farasi ya. Olketa trae fo lidim olketa blaen pipol, bat olketa seleva olketa blaen tu ya. An yufala save, sapos wanfala blaen man hemi lidim nara blaen man, bae tufala evriwan i foldaon insaet long hol nao ya.”

Revelesin 16:1

Den mi herem moa wanfala voes long tambuhaos, wea hemi singaot olsem long sevenfala enjel ya, “Sevenfala baol wea olketa fulap long kros blong God ya, yufala go kapsaetem antap long wol ya.”